OKHALANO YOOHUSERYA YA PIIPILIYA NI MUHUSIHA
Mpuhe Okumi Okhala Wookhala!
Mu ovaanela yoola wa Piipiliya ohinaliveliwa, nyuwaano munahaala ophwanya maakhulo a makoho ntoko:
Kini kiwerye hai okhalano okumi woohakalaliha?
Apwanne makacamiho ni masooso anahaala omala?
Apwanne kinahaala owoona wanaawiili oosiveliwaaka ekhwile?
Apwanne Muluku onnakithokororya chiryene?
Kini kiwerye hai ovekela ni owiriyaniwa ni Muluku?
Henaliveliwa
Yoohuserya yoothene henaliveliwa, ophitaanyerya liivuru Mpuhe Okumi Okhala Wookhala! ni Piipiliya wakhala wi munnamuchuna mmoha.
Ti Yookhweya
Mukumane ni muhusiha anyu vakhiviru ni vakhiviru naari moorweela wa ikhankoonya mu elukuluku ni mpuro vyakala.
Muhuukhuwe
Mwachuna munanwerya okwatelela yoohuserya elukuluku vyakala.
Eneecihiwa hai yoohuserya ya Piipiliya?
Muhusiha onahaala wookhaviheryaani ohuserya yeeyo Piipiliya onahusiheiye, mwaha ti mwaha. Mu ovaanela vooloca sa Piipiliya ni liivuru Mpuhe Okumi Okhala Wookhala! munahaala woona tonto tonto muchaka wa Piipiliya hiiha ntoko mukhalelo oneeraaya wookhaviheryeeni. Wi musuwele sincipale, moone exilema ela naari moone maakhulo a Makoho Anapakiwa Wiiliwiili vooloca sa yoohuserya yeela.
Apwanne muri ooreheryeya wi mweererye?
Mucapunye makupa a vathi va wi mveke yoohuserya ya Piipiliya.