Kuajli xmati tla melauak
Tlen kichiua matitechikoitakan
Peua titechikoitaj ijkuak techijliaj tlen xmelauak itech oksekimej, ken yejuin tlen tikitaskej:
-
Sekimej kinemiliaj ika siuamej xuelij kichiuaj seki tekitl.
-
Miyekej kinemiliaj ika akin oksekan ualeuaj san kitekuiliaj tekitl.
-
Miyekej kinemiliaj ika akin kualoj, san najmantinemij niman kualantinemij.
Miyekej nopaleuiyaj ika yejuin niman ijkon kijtouaj ika kuajli tlen kinemiliaj. Noijki kijtouaj ika akin xtlanemiliaj ken yejuamej xtlaj kimatij.
Tlen kijtoua Biblia
“Xkuajli tla yakaj xkimati itlaj” (PROVERBIOS 19:2, TNM).
¿Tlenon kijtosneki? Tla xtikmatij tlen melauak, topopoloskej. Tla nimantsin tikneltokatiuetsij tlen oksekimej techijliaj niman xtikitaj tlen yemelak panoua, titechikoitaskej.
Kenon techpaleuis tla tikmatij tlen melauak
Ijkuak kuajli tikimixmatij oksekimej, xtikneltokaskej ijkuak kintejteneuaskej. Ijkuak tikmatiskej ika xmelauak tlen otechijlikej itech se grupo, uelis totlajtoltiskej tla tlen yotechijlikej itech okseki grupos noijki xmelauak.
Tlen uelis tikchiuas
-
Maka xnemili ika pampa sekimej kichiuaj tlen xkuajli, kijtosneki ika nochimej ijkomej.
-
Xmatsto ika tejua xnochi tikmatij itech oksekimej.
-
Tla tikneki tikmatis itlaj, xtejtemo kampa tiknextis tlen melauak.
