Pan ini̱mej semanas yej wi̱ʼ, yawi onoti elecciones pan miak pai̱smej, wan la gente yawi kitapejpenati a̱ʼ yéj kinekij makigoberna̱rokan.

 ¿Te̱ kijtowa la Biblia de iní̱n?

 La Biblia kijtowa iga los gobiernos yej onokej pan iní̱n ta̱jli awel nochi kichi̱waj.

•   «Amo ximoconfia̱rokan pan príncipes niga pan seuʼ ta̱gaʼ, iga awel tema̱nawiáj. Kua̱ ayoʼ mijneltiá, wan ta̱gaʼ mokuepa sej pan ta̱jli; inó̱n día tami nochi yej kejla̱miki» (Salmo 146:3, 4, nota).

 Nochi gobierno mikij, aunke pux wel matekipano̱kan. Wan no̱, aunke makichi̱wakan miak tejté̱ yej ye̱kti iga igentej, akijto̱jneki iga nochipa ijkó̱n onos, pues yej goberna̱ros después de yéj anka ayá̱ ye̱ʼtekipanos (Eclesiastés 2:18, 19).

 Pan la Biblia moijtowa iga tajta̱gamej wan siwa̱tkej ayá̱ kichijkej iga mamogoberna̱rokan ise̱ltimej.

•   «Awelij nise̱ ta̱gaʼ moojkuiltiá pan inemilis» (Jeremías 10:23).

 ¿Onoʼ ágaj yej wel makiye̱ʼgoberna̱ro la gente?

 La Biblia kine̱xtiá iga Dios kita̱lij Jesucristo iga makigoberna̱ro la gente. Pux ye̱ʼgoberna̱rowa wan wel ticonfia̱rowaj pan yéj (Salmo 2:6). Yéj kita̱lijkej ken Rey pan Irreinoj Dios, se̱ gobierno yej onoʼ ajko wan desde ompiga goberna̱rowa (Mateo 6:10).

 ¿Téj tikneki iga Jesús mamitsgoberna̱ro? La Biblia kijtowa iga moneki mate̱goberna̱ro Jesús siga tonosnekij nochipa:

•   «Xikweyichi̱wa te̱piltsin [Jesucristo]; siga ayá̱, Dios kuesiwis wan anmejeme̱n anmikiskej pan ojti, iga imanin kuejkuesiwi. ¡Yo̱lpa̱ki nochi yej moma̱nawiáj pan yéj!» (Salmo 2:12).

 A̱man moneki xikita a’ yéj tikneki mamitsgoberna̱ro. Sekin profecías yej onoʼ pan la Biblia kine̱xtiá iga Jesús tsintiʼ iga goberna̱roj pan 1914. Las profecías kijtowaj iga áchisan poliwi wan Irreinoj Dios yawi kitami̱ti nochi gobiernojmej (Daniel 2:44).

 Si tikneki xikmati ma̱j de kén wel tikpale̱wiá igobiernoj Jesús, xiktajto̱lti el artículo «Apoyemos ahora el Reino de Dios».