Maeke e tau fanau haau ke fakaako ke fakaalofa ke he Atua ka kitia e lautolu e fakamooliaga na fai Atua ti fakaalofa e Atua ki a lautolu. Ke fakaalofa ke he Atua, kua lata ia lautolu ke iloa a ia. (1 Ioane 4:8) Ma e fakatai, lata ia lautolu ke iloa: Ko e heigoa e finagalo he Atua he tufugatia e tagata? Ko e ha ne fakaatā he Atua e matematekelea? Ko e heigoa ka taute he Atua ma e vahā anoiha?​—Totou Filipi 1:9.

Ke lagomatai e tau fanau haau ke fakaalofa ke he Atua, fakakite e koe ki a lautolu e haau a fakaalofa ki a Ia. He kitia e lautolu, to makai a lautolu ke muitua ke he fakafifitakiaga haau.​—Totou Teutaronome 6:5-7; Tau Fakatai 22:6.

Malolō lahi e Kupu he Atua. (Heperu 4:12) Ti lagomatai e tau fanau ha mutolu ke iloa e tau matapatu fakaakoaga i ai. Ke hokotia ke he loto he tau tagata, ne fakaaoga e Iesu e tau hūhū, fanogonogo, ti fakamaama e tau kupu he Tohi Tapu. Ke hokotia ke he loto he tau tama haau, maeke ia koe ke fifitaki e puhala fakaako ha Iesu.​—Totou Luka 24:15-19, 27, 32.

Lafi ki ai, ko e tau tala Tohi Tapu he puhala ne fehagai e Atua mo e tau tagata, ka lagomatai e tau fanau ke iloa mo e fakaalofa ke he Atua. Ko e tau tohi ke lagomatai ai kua haia he www.mt1130.com/niu/​—Totou 2 Timoteo 3:16.