Lithini IBhayibheli?
Inga-kghani uZimu ubangela ukutlhaga?
Ungaphendula uthini?
Iye
Awa
Namkha ungathi mhlamunye
Okutjhiwo yiBhayibheli
“Kukude noZimu ukwenza okumbi, kukude noSabekako ukwenza okuphambeneko.” (Jobho 34:10) Akusuye uJehova obangela ukutlhaga nokukhohlakala esikubona ephasini.
Okhunye esikufunda eBhayibhelini
USathana uDeveli, “umbusi wephaseli” nguye obangela eminengi yemitlhago esiyibonako.—Jwanisi 14:30.
Eminye yemitlhago esiyibonako ibangelwa kukhetha kumbi kwabantu.—Jakopo 1:14, 15.
Inga-kghani ukutlhaga kuzakhe kuphele?
Abanye abantu bakholelwa ukuthi abantu nabangahlanganisa iinhloko basebenze ngamandla ukutlhaga kungaphela, kuthi abanye sebaphelelwe lithemba lokuthi ukutlhaga kuzakhe kuphele. Yini wena oyicabangako?
Okutjhiwo yiBhayibheli
UZimu uzokuqeda ukutlhaga. “Ukufa angekhe kusaba khona, ngitjho nokulila nobuhlungu angekhe kusaba khona.”—IsAmbulo 21:3, 4.
Okhunye esikufunda eBhayibhelini
UZimu uzokusebenzisa uJesu ukuqeda koke ukutlhaga okubangelwe nguDeveli. —1 Jwanisi 3:8.
Abantu abalungileko bazokuhlala ephasini banokuthula, bazokuphila ngokungapheliko.—IRhubo 37:9-11, 29.
Okhunye Ongakuthabela
IIMFUNDISO ZEBHAYIBHELI EZIQAKATHEKILEKO
Kubayini UZimu Avumela Ubuhlungu?
Inengi liyazibuza kuthi kubayini iphasi lizele ngehloyo nobuhlungu. IBhayibheli lisinikela ipendulo eyanelisako neduduzako.
