Abantwana bangakufunda ukuthanda uZimu, kwaphela nange banobufakazi bokuthi ukhona begodu uyabathanda. Nabazakuthanda uZimu, kufuze bamazi. (1 Jwanisi 4:8) Ngokwesibonelo, kufuze bazi ukuthi: Bewuyini umnqopho kaZimu wokubumba abantu? Kubayini uZimu avumela ukutlhaga? Khuyini uZimu azoyenzela abantu ngomuso?—Funda uFilipi 1:9.

Nawufuna ukusiza abantwabakho bona bathande uZimu, kufuze kuthome wena mantangi ubatjengise ukuthi uyamthanda uZimu. Nababona lokho, bazokulandela isibonelo sakho.—Funda uDuteronomi 6:5-7; IzAga 22:6.

IliZwi lakaZimu linamandla. (Hebheru 4:12) Yeke, siza abantwabakho bafunde ngeemfundiso zakhe ezisisekelo. UJesu bekabuza imibuzo, alalela, abe ahlathulule nemiTlolo. Koke lokho bekakwenzela bona akwazi ukufikelela iinhliziyo zabantu. Ngalokho nawuzakufikelela ihliziyo yabantwabakho, ungalingisa iindlela zakaJesu zokufundisa.—Funda uLukasi 24:15-19, 27, 32.

Ukungezelela kilokho, ukulandisa kweBhayibhelini okukhuluma ngendlela uZimu ebekasebenzelana ngayo nabantu kungabasiza abantwabakho bazi bebathande uZimu. Iincwadi ezenzelwe umnqopho lo ziyafumaneka ku-www.mt1130.com/nr.—Funda ye-2 Thimothi 3:16.