NgoMvulo ekuseni ngo-Oktoba 10 2022, iRussia yazibuyiselela ngokuthuthumbisa amanye amadorobho we-Ukraine ngamabhomu ayingozi ngemva kwamalanga amabili kuthuthunjiswe ibhrorho elihlanganisa iCrimea neRussia. Izehlakalwezi zenzeka msinyana ngemva kobana abosopolotiki bayelelise ngokuthi sizokuqalana nepi ye-Arimagedoni kungasikade.

•    “Akhange khesitjhidele e-Arimagedoni ngendlela le kusukela emihleni [kaMongameli we-U.S. uJohn F.] Kennedy kunye nesehlakalo seCuba. . . . Akukghonakali bona kungasetjenziswa iinkhali ze-nuclear ngendlela le kodwana i-Arimagedoni ingathomi.”—U.S. President Joe Biden, October 6, 2022.

•    Umongameli we-Ukraine uVolodymyr Zelensky nakabuzwa ngemiphumela yokusetjenziswa kweenkhali ze-nuclear wathi: “Ngiyavuma ukuthi sizokuqalana nepi ye-Arimagedoni kungasikade begodu ingathinta iphasi loke.” BBC News, October 8, 2022.

 Inga-kghani ukusetjenziswa kweenkhali ze-nuclear kuzokudosela e-Arimagedoni? Lithini iBhayibheli?

 Awa. Ibizo elithi Arimagedoni lifumaneka kanye kwaphela eBhayibhelini, emtlolweni wesAmbulo 16:16. Aliqaliseli epini ehlangana neentjhaba kodwana liqalisele epini ehlangana noZimu ‘namakhosi wephasi loke.’ (IsAmbulo 16:14) UZimu uzokusebenzisa ipi le ukutshidlha yoke imibuso yabantu.—Danyela 2:44.

 Bona ufunde okwengeziweko ngokuthi i-Arimagedoni izolithinta njani iphasi, funda isihloko esithi Iyini Impi Ye-Armagedoni?

 Awa. Nanyana ababusi bephasi bangasebenzisa iinkhali ze-nuclear esikhathini esizako, uZimu angekhe avume bona iphasi lirhayilwe. IBhayibheli lithi:

•   “Iphasi lihlala ngokungapheliko.”—UMtjhumayeli 1:4.

•   “Abalungileko bazokufumana iphasi njengelifa begodu bazokuhlala kilo ngokungapheliko.”—IRhubo 37:29.

 Nanyana kunjalo, iimphorofido zeBhayibheli nezinto ezenzeka namhlanjesi zitjengisa ukuthi kunamatjhuguluko azokwenzeka msinyana ephasini. (Matewu 24:3-7; 2 Thimothi 3:1-5) Fumana bona iBhayibheli lithini ngengomuso esifundweni seBhayibheli sasimahla.