Mikha 5:1-15
5 “Kwanjesi uyazisika,Wena ndodakazi esahlelwako,Sivinjezelwe.+
Babetha umahluleli wakwa-Israyeli ngentonga emhlathini.+
2 Wena Bhetlehema Efrata,+Umncani khulu bona ungaba hlangana neenkoro zakwaJuda,Kuwe kuzokuphuma ozokuba mbusi wami kwa-Israyeli,+Loyo isithomo sakhe sisukela eenkhathini zekadeni.
3 Nje-ke uZimu uzobalahlaBekube kulapho umfazi obelethako abeletha.
Boke abafowabo bazokubuyela ebantwini bakwa-Israyeli.
4 Uzokusikima begodu aluse abantu bakhe ngamandla kaJehova,+Ngobukhulu begama lakaJehova uZimakhe.
Begodu bazokuhlala bavikelekile,+Ngombana nje ubukhulu bakhe buzokufika emikhawulweni yephasi.+
5 Uzokuletha ukuthula.+
Nange kwenzeka umAsiriya asahlele inarhethu begodu angene emibhotjhongwenethu evikelekileko+
Sizokubeka abelusi abalikhomba, amakhosana abunane bona balwe naye.
6 Bazokwalusa inarha ye-Asiriya ngesabula,+Nenarha kaNimrodi+ ebungenweni bayo.
Uzosisindisa kumAsiriya,+Lokha nakasahlela inarhethu.
7 Abaseleko bakaJakopo bazokuba hlangana nabantu abanengiNjengombethe ovela kuJehova,Njengezulu elinela iintjaloElingathembeli emuntwiniNamkha lilinde amadodana wabantu.
8 Abaseleko bakaJakopo bazokuba hlangana neentjhaba,Hlangana nabantu abanengi,Njengebhubezi hlangana neembandana,Njengebhubezi elincani hlangana nemihlambi yezimvu,Lizokudlula, lizigadange, lizirathule zibe ziintokanaAkakho namunye ozozisindisa.
9 Uzokuhlula amanabakho,Begodu woke amanabakho azokutjhatjalaliswa.
10 UJehova uthi, “Mhlokho,Ngizokubulala iinjomani zakho ngitjhabalalise neenkarana zakho.
11 Ngizokutjhabalalisa amadorobho wenarhenakhoNgigirize zoke iindawo zakho ezivikelekileko.
12 Ngizokuqeda ubuloyi bakho,Begodu akunamuntu owenza imilingo ozokuhlala hlangana nawe.+
13 Ngizokutjhabalalisa iinthombe zakho ezibaziweko neensika zakho,Begodu angeze usakhothamela izinto ozenzileko.+
14 Uneengodo ezicwengileko,* ngizoziruthula+Begodu ngitjhabalalise amadorobhakho.
15 Ngizozibuyiselela ngisilingekileEentjhabeni ezingakhenge zingilalele.”
Imitlolo Ephasi
^ Qala ihlathululo.
