Mikha 6:1-16
6 Ngibawa nilalele nakhu okutjhiwo nguJehova.
Sikimani nibike umlandwenu phambi kweentaba,Kwanga iintaba zinganilalela.+
2 Nina ntaba yizwani umlandu uJehova anibeka wona,Nina nsekelo eziqinileko zephasi,+Ngombana uJehova ubabeka umlandu abantu bakhe,Umbeka umlandu u-Israyeli.+
3 “Khuyini embi enginenze yona bantu bami?
Khuyini engiyenzileko eyenze ukuphila kwenu kwaba budisi?+
Ngibawa ningitjele eningisola ngakho.
4 Ngombana nganikhupha enarheni yeGibhide,+Nganihlenga endlini yobugqila,+Nganithumela uMosi, u-Aroni noMiriyamu.+
5 Bantu bami ngibawa nikhumbule lokho okwatjhiwo yikosi yakwaMowabi uBhalaki+Nendlela uBhalami indodana kaBhewori amphendula ngayo+Nikhumbule nalokho okwenzeka kusukela eTjhitimu+ ukuyokufika eGiligali+Khona nizakwazi imisebenzi emihle kaJehova.”
6 Ngizokuza ngiphetheni phambi kwakaJehova?
Ngizokukhothama ngiphetheni phambi kwakaZimu ophezulu?
Kghani ngizokuza phambi kwakhe ngiphethe iminikelo etjhiswako,Namakonyana anomnyaka?+
7 Kghani uJehova uzokuthatjiswa ziinkulungwana zamaramu,Namkha amafutha amanengi?+
Kghani ngizokunikela ngendodanami ngebanga lokuvukela kwami,Kghani ngizokunikela ngendodanami bona ibe mhlatjelo wesono sami?+
8 Ukutjelile muntu bona khuyini elungileko.
Khuyini uJehova afuna bona uyenze?
Ufuna ube nobulungiswa,+ uthande ukuthembeka+Begodu ukhambe noZimakho+ ngokuthobeka!+
9 UJehova ukhuluma nabantu edorobheni,Abahlakaniphileko bazokusaba igama lakho.
Tjheja isijeziso esizako nakiloyo esivela kuye.+
10 Kusesenamagugu afunyenwe ngobukhohlakali endlini yesikhohlakaliKusesenesilinganiso se-efa* esingakapheleli esinyenyisako?
11 Ngingahlwengeka na ngeenlinganiso ezikhohlisako,Nangeenlinganiso ezikhohlisako zamatje?+
12 Abantu abanjingileko bedorobheneli bathanda inturhu,Nabahlali bakhona bakhuluma amala,+Ilimi labo liyakhohlisa.+
13 “Ngizobajezisa kabuhlungu abantu bedorobheneli,+Ngizokwenza idorobheli lingasahlalwa ngebanga lezono zenu.
14 Uzokudla kodwana angekhe usuthe,Uzokuhlala ulambile.+
Ozokuthatha angeze ukghone ukukuthwala ngokuphepha,Ozokukghona ukukuthwala ngizokunikela emanabenakho.
15 Uzokutjala imbewu kodwana angekhe uyivune.
Uzokugadanga ama-oliva kodwana angeze uwasebenzise amafuthakhona,Uzokwenza iwayini elitjha kodwana angekhe ulisele iwayini.+
16 Ngombana ulalela umthetho ka-Omri begodu ulingisa izenzo zendlu ka-Arhabi,+Ulalela neseluleko sabo,Kungebangelo ngizokujezisa
Abantu bazokurareka nababona koke lokho engizokwenza kuwe,+Uzokubekezelela ukuhlekwa babantu.”+
Imitlolo Ephasi
^ Qala Isith. B14.
