Mikha 7:1-20
7 Maye mina!
Nginjengomuntu ofuna amadiribe angawadla,Namkha amafeyi amnandi awakhanukelakoKodwana angafumani litho
Ngombana amafeyi sekabuthelelwe nokuburujwa kwamadiribe sekudlulile.
2 Othembekileko utjhabalele ephasini;Ebantwini akusanamuntu olungileko.+
Boke bayakhukhutha ngehloso yokubulala abanye.+
Omunye nomunye uzuma umfowabo ngenede.
3 Banekghono ekwenzeni okumbi;+Ikosana ifuna izipho ngekani,Umahluleli ufuna ukufunjathiswa,+Umuntu ohlonitjhwako utjho lokho akufisako,+Begodu baluka amano lawo ndawonye.
4 Ongcono kibo unjengameva,Olungileko kibo mumbi ukudlula umuthi wameva.
Ilanga labalindi babo nelokwahlulela lizokufika.+
Nje bazokusaba.+
5 Ungamthembi umnganakhoNamkha umnganakho omkhulu.+
Tjheja okutjhoko kiloyo olala esifubeni sakho.
6 Ngombana indodana idelela uyise,Indodakazi ivukela unina,+Nomakoti uvukela unosokanakhe,+Amanaba womuntu malunga womndenakhe.+
7 Kodwana mina ngizokuqala kuJehova.+
Ngizomlinda ngesineke uZimu wesindiswami.+
UZimami uzongizwa.+
8 Maye! Naba lami, ungathabi ngombana ngisemrarweni.
Nanyana ngiwile, ngizokuvuka;Nanyana ngihlala ebumnyameni, uJehova uzokuba kukhanya kwami.
9 Ilaka lakaJehova ngizolibekezelelaNgombana ngonile kuye+Bekube kulapho angivikela begodu umlandwami wagwetjwa ngokulunga.
Uzongikhuphela ekukhanyeni;Ngizokuqala ukulunga kwakhe.
10 Nenaba lami lizokubona,Begodu uzokuhlaziseka loyo owathi kimi:
“Uphi uJehova uZimakho?”+
Ngizoliqala inaba lami.
Nje-ke lizokugadangwa njengedaka endleleni.
11 Kuzokuba lilanga lokwakha amabodakho ngamatje;Ngelangelo inarhakho izokungezelelwa.
12 Ngelangelo bazokuza kuweBavela e-Asiriya nemadorobheni weGibhide,Basuka eGibhide bebayokufika emlanjeni,*Kusukela elwandle ukuya kwelinye ilwandle, kusukela entabeni ukuya kwenye intaba.+
13 Inarha angeze isahlalwa ngebanga labantu abahlala kiyo,Ngebanga lalokho abakwenzileko.
14 Yelusa abantu bakho, umhlambakho ngentonga,+Ebewuhlala wodwa ehlathini, hlangana nesimu yemithi yeenthelo.
Bavumele badle eBhatjhani neGiliyadi+ njengekadeni.
15 “Njengemihleni owaphuma ngayo enarheni yeGibhide,Ngizomtjengisa izinto ezibabazekako.+
16 Iintjhaba zizokubona begodu zibe neenhloni ngitjho nanyana zinamandla.+
Zizokuvala imilomazo,Iindlebe zazo angekhe zisezwa.
17 Zizokukhotha ithuli njengeenyoka;+Njengeenlwana ezirhurhubako zephasi zizokuphuma zihlengezela eendaweni zazo ezivikelekileko.
Zizokuza kuJehova uZimethu zithukiwe,Begodu zizokwesaba.”+
18 Ngimuphi uZimu onjengawe,Olibalela umtjhapho+ wabaseleko besitjhaba sakwa-Israyeli?+
Angeze ahlale asilingekile,Ngombana kuyamthabisa ukuthanda* abantu bakhe.+
19 Uzosirhawukela godu;+ uzokuhlula imitjhaphwethu.
Uzokulahlela zoke izono zabo elwandle.+
20 Uzokuthembeka kuJakopo,Uthande* u-Abrahama,Njengombana wafunga kibokhokho bethu kusukela ekadeni.+
Imitlolo Ephasi
^ Kutjho iYufrathe.
^ Namkha “ubathanda ngokuthembekileko.”
^ Namkha “ubathanda ngokuthembekileko.”
