A go na puku yo Dihlatse tsa Jehova di yi tseyelang gedimo go tshwana le Bhayibele. Ba yi bala tšatši le lengwana le le lengwana fote ba yi berekisa go tšhutisa ba bangwana ditaba tsa go bafala tsa Mmušo wa Modimo. (Matewu 24:14) Nka taba lo Dibhayibele tsa bona di yakgoswang di hlagala. Byalo, Dihlatse di yye dya karakara, dya maka Bhayibele ya 2013 ya New World Translation of the Holy Scriptures ka bonyuwane, ya gore yi tiyye fote yi bafele.

Bhayibele yone ya nyuwane ne di nyaka gore go be ya go tiya. Magageru ya gore ma yemela Dihlatse ya go bereka ka tsa go phrintha ku Wallkill, New York, U.S.A., ma yye ma bolabola le phresidente ya khamphani ya go mamaretsa dipuku ba mmotsa ka dipolane tsa bona, o yitseri ga bona: “A di kgonege go maka Bhayibele yone le nyakang go yi maka.” A boya a re: “Sa go baba ke gore Dibhayibele tsa go tlala ba di makele gore di bafale mo di le tafoleng kela mo go dulang dipuku, a ba di makela gore di sa hlagale.”

Dibhayibele tse dingwana tsa mathomo tsa New World Translation ke mo di sa tiya. Ka nakwenngwana mo go fisa ne di mamarolloga. Bo ba go bereka ka tsa go phrintha ba fetsiye nako ba lebelela dikhabara tsa mehlobohlobo, tsa go mamaretsa le mekgwa ya go mamaretsa, mo ba kene ba karakara go maka Bhayibele ya gore yi ko fo ba gabutši le mo yi berekisiwa ka matla ga dipoleke tsa mehlobohlobo. Mo ba fetsa, ba makiye Dibhayibele tsone ba di neya Dihlatse tsa go dula dipolekeng tsa go fisa ka matla le tsa go bata ka matla gore ba bone gore Dibhayibele tsone di tiyye go segela kaye.

Ka nthago ga kobodi ya dikgwedi, Dihlatse tsela di yye dya busetsa Dibhayibele tsone gore ba ye ba di pombhole. Bo ba go bereka ka tsa go phrintha, ba yye ba maka tsa go phala tsa mathomo ba di romela fote. Dibhayibele tso ba yyeng ba di romela, ka mokana ga tsona ke mo go le 1 697. Tse dingwana a dya tshwariwa gabutši, mara tsotsone di makegiye ba sa nagana. Mo re beyisa, Bhayibele ka yyoši ba yye ba yi lebala ka tawong bošego ka moka ke mokane ya nela ke pula, ye nngwana yi yye ya gogola ke pula go na le sedingwana. Tso di makegiyeng ka Dibhayibele tsowa di ba gelepiye gore ba thogo bona gore di tiyye go segela kaye.

Ka 2011 mo ba romela Dibhayibele tsone ga magageru, Dihlatse di yye dya reka metšhene ya nyuwane ya go mamaretsa dipuku ka go yakgoswa, gore ba yi berekise ku Wallkill le ku Ebina, Japan. Ne ba nyaka go phrintha Dhibhayibele tso di nyakegang fote ne ba nyaka gore Dibhayibele tso di phrinthiwang ga dipoleke tsone ka dipedi di tshwane.

Ka 2012, ba yye ba thomisa go maka Bhayibele ya New World Translation ye phifadu le ye meruni ba berekisa khabara ya polyurethane, ga dipoleke tsowa ka dipedi tsa go phrinthela ga tsona. Mara metšhene yela ya nyuwane yona ke mo yi bereka ka tsa go mamaretsa fote ne yi mamaretsa le se sengwana sa nkare ke llapi mo ga khabara, dilo tsone a baa thomisa ba di liketsa. Mo ba fetsa go di mamaretsa mone Bhayibeleng, ke mo di ghobega ka matla. Tso ba liketsiyeng go di maka mathomisong mo ba re ba lukisa mathata yane, a dya bereka, byalo ba yye ba yemisa mmereko wa go phrintha.

Ye mongwana wa go bereka ka dikhabara, o di bonne gore khabara yowa ya go temeka ke ntshetshere yo ba gahlanang nayo ba go tlala fote a di lola go yi lukisa. Go na le gore ba make khabara ya go tiya, Dihlatse ke mo di tikemisele go maka Bhayibele ya go na le khabara ya go temeka ya gore fote yi bafele. Go fediye dikgwedi kadine ba leketsa mekgwa ya mehlobohlobo, ba berekisa tsa go mamaretsa le malapi ya go sa tswhane go segela ba kraya tsa gore di bereka gabutši, gore ba ko thogo ya mahlong ka mmereko wa go phrintha Dibhayibele tsa khabara ya go temeka tsa gore di ka sa ghobege.

Ka September 2012 ba go phrintha ba ba butsiye gore ba yemise mmereko wa go phrintha, go fele Dibhayibele tso ba di phrinthiyeng ke mokane ba yemele go phrintha New World Translation ya go makiwa ka bonyuwane. Ba yye ba beya letšatši la di 5 tsa October 2013 gore ba thogo yi lokolla ga mogahlano wa gore wo tshwariwa mongwaga wo mongwana le wo mongwana wa Watch Tower Bible and Tract Society of Pennsylvania.

Bo ba go phrintha ba krayye Bhayibele ya nyuwane ya elekthroniki ka Labohlano la di 9 tsa August 2013, ke mokane ba thomisa go yi phrintha ka motshwana wa gona. Bhayibele ya mathomo ba yi fetsiye ka di 15 tsa August. Go fediye mabeke kašupa ya wona bo ba go phrintha ba ku Wallkill le Ebina ba bereka bošego le motshegare gore ba phrinthe Dibhayibele tsa go teya ka ku ga 1 600 000, tsa gore di ka lekana bo ba gore ba tlile ga mogahlano wa go tshwariwa mongwaga wo mongwana le wo mongwana wa Watch Tower Bible and Tract Society of Pennsylvania.

Bhayibele yowa ya nyuwane yi bafele fote yi tiyye mara molayetsa wo wo leng mo ga yona ke wona wo tseyediwang gedimo ka matla. Ka nthago ga gore mosadi ye mongwana wa go tšwa United States a kraye Bhayibele yage ya nyuwane, o ngwadiye gore, “Bhayibele yowa ya nyuwane yi ngelepa gore ke thogo kwisisa tso ke di balang gabutši.”