Kutullo ya go ya ga Johane 13:1-18
-
Phoolwane ya go tshosa ya hlaga ya go ba le kašupa ya dihlogo yi tšwa lewatleng (1-10)
-
Phoolwane ya go tshosa ya hlaga ya go ba le manaka ka mabedi yi tšwa lefaseng (11-13)
-
Sethombhe sa phoolwane ya hlaga ya go ba le dihlogo kašupa ya tsona (14, 15)
-
Setwaba sa phoolwane ya hlaga le nombhoro ya yona (16-18)
13 Noga yela ye kgolo ya go tshosa ke mo yi yemme lerophong la lewatle, ke mokane ka bona phoolwane ya go tshosa ya hlaga yi yinuga yi tšwa lewatleng, ke mo yi na le lesome la manaka fote yi na le kašupa ya dihlogo, ga manaka ya yona ke mo go na le lesome la difapo, mara ho dihlogong tsa yona ke mo go ngwadiwwe mabitso ya go rogelela.
2 Byalo phoolwane ya go tshosa ya hlaga yo ke yi bonneng ke mo yi tshwana le lepogo mara mawoto ya yona ma tshwana le ya bhere fote molomo wa yona ke mo wo tshwana le wa tawu. Ke mokane noga yela ye kgolo ya go tshosa ya neya phoolwane yela ya hlaga matšhika ya yona, setulo sa yona sa go lawola le mmereko wa yona wa go lawola.
3 Fote ke bonne gore hlogo ya yona ye nngwana ke mo yi kwalele ka matla, mara le mo ne yi kwalele ka matla yi yye ya fola. Ke mokane lefase ka mokana ga lona la yi šala nthago le kene le yi thanaka.
4 Byalo ba yye ba rapela noga yela ye kgolo ya go tshosa ka taba la gore yi neyye phoolwane yela ya hlaga mmereko wa go lawola, ke mokane ba rapela yona phoolwane yone, ba re: “Ke mang wa go tshwana le phoolwane yowa ya go tshosa ya hlaga fote ke mang wa gore a ka lwa nayo?”
5 Phoolwane yone ya go tshosa ya hlaga ya neyiwa matšhika ya go kganya le ya go bolabola dilo tsa go befa ka Modimo fote ba yi neyye le matšhika ya go maka so yi se nyakang ka 42 ya dikgwedi.
6 Mo yi bula molomo wa yona ya thomisa go bolabola dilo tsa gore a di ya loka ka Modimo le ka lebitso lage le ho a dulang gona, fote ya bolabola le dilo tsa gore a di ya loka ka bo ba dulang legedimong.
7 Ba yi dumelele gore yi lwe le bo ba go hlawolega fote yi ba hlule, le gore yi lawole meloko, batho, mebolabolo le ditšhaba ka mokana ga tsona.
8 Bowa ba gore ba dula lefaseng ka mokana ga bona ba nyoko yi rapela. Go tlugisela ka nakwela go soko ba le batho, a go na le ka wweši wa gore lebitso lage le yye la ngwadiwa ga lengwalo la go phutiwa la lephelo, la gore ke la Nku ya gore ba yi bolayye.
9 Mo nkare go na le wa gore o na le tsebe, a theetsele.
10 Mo nkare go na le ye ba mo tshwereng, o tshwanele a yisiwe jele, mo nkare go na le wa gore o bolaya ba bangwana ka sabola,* le yene o tshwanele a bolayiwe ka sabola. Nka taba lo bo ba go hlawolega ba tshwaneleng gore ba tiyisele fote ba be le tumelo.
11 Ke mokane ka bona phoolwane ye nngwana ya hlaga ya gore yi tshosa ka matla yi yinuga yi tšwa lefaseng, ke mo yi na le manaka ka mabedi ya go tshwana le ya nku, mara ya thomisa go bolabola go tshwana le noga ye kgolo ya go tshosa ka matla.
12 Yi lawola go tshwana le phoolwane ya mathomo ya hlaga, fote yi maka gore lefase le batho bo ba dulang ho ga lona ba rapele phoolwane ya mathomo ya hlaga ya gore yi fodiye mo ne yi kwalele gona.
13 Yi maka mehlolo fote yi ro maka le gore mollo wo tšwe legedimong wo tla ho lefaseng batho ba kene ba lebelele.
14 Yi fokola bo ba dulang ho lefaseng ka mehlolo yo ba yi dumeleleng gore yi yi make mahlong ga phoolwane ya hlaga, yi kene yi botsa bo ba dulang ho lefaseng gore ba make sethombhe sa phoolwane yela ya gore ke mo yi kwalele mara ya fola.
15 Phoolwane ya bobedi ya hlaga ba yi dumelele gore yi make gore sethombhe sela sa phoolwane ya hlaga se thogo phela gore sethombhe sa phoolwane yone ya hlaga se thogo bolabola le go maka gore batho bo ba sa nyakeng go se rapela ba bolayiwe.
16 Phoolwane yowa ya gapeletsa batho ka mokana ga bona, ba bagolo le ba banyana, ba go ghanya le ba go tihlupegela le ba gore ke mabhantiti, gore ba tshwanele go merekiwa ga letsogo la bona la go ja kela ho mopong wa bona.
17 Le gore go sa be le motho wa go reka kela wa go rekisa mo go se motho wa gore ba mo merekiye ka lebitso la phoolwane yowa ya go tshosa kela nombhoro ya lebitso la yona.
18 Wa gore o hlalefiye a balele nombhoro ya phoolwane yone ya go tshosa, ka taba la gore ke yo batho ba yi tšibang. Nombhoro yone ke 666.
Ditwaba
^ Di ka fo rela gore “ye ba mmolayang ka sabola.”
