Tsowa di Hlatolla ke Luka 7:1-50
-
Tumelo ya ye mogolo wa masole (1-10)
-
Jeso o tsosa morwayi wa mosadi wa go kgwela ke monna ku Nayine (11-17)
-
Johane wa go Kolobetsa wa thanakiwa (18-30)
-
Moloko wa go sa theetsele wa wolodiwa (31-35)
-
Mosadi wa gore ke mo a tšibega ka go sinya wa tshwarediwa (36-50)
-
Mošupetso wa batho ba gore baa kolota (41-43)
-
7 Mo a fetsa go hlaya tso ne a nyaka go di botsa batho, a kena Kapernawume.
2 Byalo, lelata la ye mogolo wa masole la gore mong wa lona ke mo a le nyaka ka matla, ke mo le lwala ka matla, le le thina le go hlokofala.
3 Mo mong wa lona a kwelela ka Jeso, o yye a romela banna ba gore ba butšwiye ba Majuda gore ba ye mo kgopela gore a tle a yalafe lelata lage.
4 Ba tla ga Jeso ba thomisa go mo kgopela ba re: “Le yene o tshwanela ke gore o mo gelepe,
5 ka taba la gore setšhaba sa rune o se nyaka ka matla fote ke yene a re yageleng sinagoge.”
6 Ke mokane Jeso a ya nabo. Mara mo a šele a le thina le go segela ku mutšing, yela ye mogolo wa masole ke mo a šele a romele banghana bage gore ba ye mmotsa gore: “Morena, o sa tihlupe ka taba la gore a di ya ntshwanela tsa gore o tle ntlong gaka.
7 Nka taba lo ke yyeng ka sa sa tihlupa ke re ke tla gago, ka gore a yi nna motho wa selo. Mara wene o fo bolabola o le gana howa ke mokane lelata laka le nyoko fola.
8 Ka taba la gore le nna go na le ba go nlawola, fote le nna ke lawola masole, ke fo hlaya ga ye mongwana ka re ‘Ariye hala!’ ke mokane a ya, ga ye mongwana ka re, ‘Tlang howa!’ a tla, ga lelata laka ke fo re ‘Maka sowa!’ ke mokane la se maka.”
9 Mo Jeso a kwa a bolabola tsotsone, a makala ka matla a botsa mogoba wo ne wo mo šala nthago a re: “Ke ya le botsa ke re aa šiyo le ka wwoši ku Israyele wa go ba le tumelo ya go tshwana le yowa.”
10 Mo bala a ba rommeng ba boyela nthago, ba kraya lelata lela le fodiye.
11 Ka nthagonyana a ya ga poleke yo ba reng ke Nayine, a na le malata yage le mogoba wo mogolo.
12 Mo a šele a le thina le go kena ga poleke yone, o gahlanne le batho ba rwele motho wa gore o kgwile, fote ke mo go le morwayi a ntoši* ga mmane wage. Mmane wage ke mo a kgwele ke monna. Ke mo a na le batho ba go tlala ba go dula mone polekeng.
13 Mo Morena a mmona, o yye a mo kwela go baba, a re gage: “Kgomolela.”
14 Ke mokane a šutela a segela a tikisa mosemo wola wa go kakola ka diphate,* banna bo ne ba mo kakodiye ba yema. A re: “Ngwanaka, ke re gago, tsoga!”
15 Monna yela wa go kgwa a tsoga a dula, ke mokane Jeso a mo yisa ga mmane wage.
16 Byalo, ba tšhoga ka mokana ga bona, ba thomisa go thanaka Modimo ba re: “Ho gare ga rune go nyarele moporofeta ye mogolo,” fote “Modimo o gopodiye batho bage.”
17 Taba yo Jeso a yi makiyeng ya segela Judiya le ga dipoleke tsa thina nayo.
18 Byalo, malata ya Johane ma mo hlayisela ditaba tsone ka mokana ga tsona.
19 Ke mokane Johane a roma malata yage ga Morena gore ma ye ma mmutsise gore: “Ayitsano ke Wene ye re mo Yemeleng, kela go sa tla ye mongwana?”
20 Mo ba segela ba re gage: “Johane wa go Kolobetsa o re romme gore re go butsise gore, ‘Ayitsano ke Wene ye re mo Yemeleng, kela go sa tla ye mongwana?’”
21 Ka nako yonone, o yye a yalafa batho ba go tlala, a raka le madimona fote a maka gore ba go popela maahlo ba bone.
22 Jeso a re ga bona: “Ariyeneng le ye botsa Johane ka tso le di kwileng le tso le di bonneng, le re: Ba go popela maahlo ba šele baa bona, digole di ya sepela, ba go ba le bolwele bya go jega dinama byo ba reng ke lephera baa yalafiwa, ba go sa kwe ba šele baa kwa, bo ba hlokofeleng baa tsusiwa le ba go tihlupegela ba butsiwa ditaba tsa go bafala.
23 Go jabola ye a tshepeleng gaka a sa kamake.”
24 Mo bowa Johane a ba rommeng ba šele ba tlugiye, Jeso o yye a thomisa go bolabola le megoba ka Johane a re: “Anthe ke mo le ye bona ying ku mašahleng? Ne le ye bona lehlakanoka la gore moya wo fo le yisa ku le ku?
25 Byalo ne le ye bona ying? Ne le ye bona monna wa go yapara dikobo tsa go tura? Phela bo ba yaparang dikobo tsa go tura le go phela lephelo la mayemo ke ba bogošing.
26 Anthe le re ne le ye maka ying? Ne le ye bona moporofeta? Nnete ke ya le botsa, ke mo go le moporofeta fote ke mo a phala baporofeta ba bangwana ka mokana ga bona.
27 Yewa ke yene ye ba ngwadiyeng ka yene ba re: ‘Ke roma motho wa gore o nyoko le kgorela tsela gore a le yete mahlong.’
28 Ke ya le botsa ke re ga bo ba belegiyeng ke basadi, aa šiyo le ka wwoši wa gore o feta Johane, mara wa gore aa re selo Mmušong wa Modimo ke ye mogolo gage.”
29 (Mo batho ka mokana ga bona le bo ba go patedisa mothelo ba kwa ka taba yone, ba yye ba re Modimo o lukiye, ka taba la gore ba kolobetsiwwe ka kolobetso ya Johane.
30 Mara Mafaraseyi le bo ba go tšhutisa molawo ke mo ba sa nyake go maka* tso Modimo a di nyakang, ka taba la gore a baa kolobetsiwa ka kolobetso ya Johane.)
31 “Moloko wowa nka wo tshwanisa le bomang mara?
32 Wo tshwana le dibananyana tso di duling mmakete tso di yahlamelang banghana ba tsona, di re: ‘Re le teyele flutu mara la sa bini; re gutliye mara la sa lle.’
33 Go fo tshwana le Johane wa go Kolobetsa, o segele mowa a sa je fote a sa nwe, mara lune le re, ‘Yewa o kenne ke ledimona.’
34 Morwayi wa motho o segele mowa, yene a ja fote a nwa, mara le re, ‘Bonaneng! Monna yewa o na le dipawo fote o kwana ka matla le mokgete, ke monghana wa ba go patedisa mothelo le ba go maka tsa go befa!’
35 Mara gore motho o hlalefiye, re nyoko bona ka tso a di makang.”
36 Lefaraseyi le lengwana ke mo le dula le mo kgopela gore a tle a je nalo. Byalo o yye a kena mutšing wa lona a segela a dula fase gore a je.
37 Mosadi ye mongwana wa gore ke mo a tšibega ka go sinya polekeng yo a tšwang ga yona, o yye a di kwelela tsa gore Jeso o duli ntlong ya Lefaraseyi le lengwana wa ja.* Mosadi yene a tla a tshwere lepotlela la alabhasta la go ba le makgura ya go nkgela.
38 Mosadi yene a kgotama mawotong ya Jeso, a thomisa go lla a kolobisa mawoto ya Jeso ka dinepedi, a ma sula ka moriri wage. Fote, mosadi yene a ma khisa ke mokane a ma tlotsa ka makgura.
39 Mo Lefaraseyi lo ne le memme Jeso le bona tsotsone, la bolabola le ntoši la re: “Hala monna yewa go le moporofeta, ke mo a nyoko di tšiba gore mosadi yewa a mo tshwara-tshwarang ke wa mohlobo mang, phela ke motho wa go sinya.”
40 Mara mo Jeso a mo fetola a re: “Simone, tla ke go botse se sengwana.” Simone a re: “Mpotse thitšere!”
41 “Ke mo go na le banna ka babedi ba gore ke mo ba kolota monna ye mongwana; ye mongwana ke mo a kolota monna yene 500 ya di dhenariyase, mara ye mongwana a mo kolota 50 ya tsona.
42 Mo ba šitega go mo patela tso ke mo ba mo kolota tsona, o yye a ba tshwarela ka babedi ga bona. Byalo, ke mang ye a nyoko kwanang le mong wage ka matla ga banna bone ka babedi?”
43 Simone a fetola a re: “Ke nagana gore ke yewa wa go mo kolota ka matla.” Jeso a re gage: “O yi teyye wa tšiba.”
44 Jeso a lebelela mosadi yela, a re ga Simone: “Wa mmona mosadi yewa? O kolobisiye mawoto yaka ka dinepedi tsage, a nsula ka meriri yage, mara wene ke kenne mo ntlong yago, a wa nneya meetši gore ke hlape mawoto.
45 Wene a wa nkhisa, mara mosadi yewa, ka nako yo ke kenneng ka yona howa, aa lisetsa go khisa mawoto ya ka.
46 A wa ntlotsa makgura howa hlogong, mara mosadi yewa o ntlotsiye makgura ya go nkgela mo mawotong.
47 Ka taba la tso a di makiyeng, ke ya go botsa, o tshwarediwwe ga tso a di sinnyeng, le mo di tlele ka matla,* ka taba la gore o šupetsiye gore o nnyaka ka matla. Ye ba mo tshwareleng ga dilo tse dinyana tso a di makiyeng, aa nape a nyakanana ka mokgonone.”
48 Ke mokane a re ga mosadi yela: “O tshwarediwwe ga tso o di sinnyeng.”
49 Bo ba duling naye hala tafoleng ba thomisa go bolabodisana bona beng ba re: “Ke mang morene wa go tshwarela motho ga tso a di sinnyeng?”
50 Mara a re ga mosadi yela: “Tumelo yago yi go phonisiye; ariye gabutši.”
Ditwaba
^ Ka Segerika ba re “wa go belegiwa a ntoši.”
^ Kela “mosemo wa go boloka batho ka wona.”
^ Kela “go theetsela molawo wa Modimo.”
^ Kela “a kgapamme tafoleng.”
^ Kela “le mo go le tse dikgolo ka matla.”
