POLABODISANO | ANTONIO DELLA GATTA

So se Makiyeng Gore Moruti ye Mongwana a Lisetse Kereke Yage

KA NTHAGO ga gore Antonio Della Gatta a tšhute nkokwane (9) ya mengwaga ku sekolong sa Roma, o yye a ba moruti ka 1969. Mo nako yi kene yi ya o yye a yeta mahlong sekolo sa thina le Naples, ku Italy sa go tšhutela boruti. Mo a kene a le gana hone, le go ghayela ka tso a di krayyeng ka Bhayibeleng, o yye a feleletsa a di bona gore kereke ya Makhatolika yi maka dilo tsa gore a di sipidisane le Bhayibele. O bolabodisanne le Dihlatse tsa Jehova ka tso a di makiyeng gore a šinye a kraye dinnete.

Re kgopela o re botse gore nakwela o sa gola ke mo go le byang.

Ke belegiwwe ka 1943 gana ku Italy. Nna, bobhuti baka le bosesi baka re golele ga poleke ye nyana ya gore papa ke mo a bereka go le wa go lema fote a bereka le ka mapolanka. Babelegi ba rune ke mo ba kena kereke ya Makhatolika byalo le rune re gudisiwwe gona.

Ke ntaba o yye wa nyaka go ba moruti?

Mo ke sa le mošomanyana, ke mo ke kwana le go theetsela baruti ba tšhomayela kerekeng. Ke mo ke jabodisa nka mokgo ba bolabolang ka gona, le dilo tso ba di makang tsa go makatsa. Tsotsone di yye dya maka gore ke nabele go ba moruti. Mo ke na le 13 ya mengwaga, mmane waka o nkenisiye ga sekolo sa gore ne ke yetsela ga sona fote ke mo se gelepa bašomanyana gore ba be baruti mo ba gudiye.

Nje ga sekolo sone ke mo le tšhuta Bhayibele?

Awwa. Mo ke na le 15 ya mengwaga, thitšere waka o yye a nneya puku ya Diebangedi, ya gore yi na le dilo tso Jeso a yyeng a di maka nakwela a le ho lefaseng le mo a tšhomayela fote ke yye ka bala puku yone gatleletlele. Mo ke na le 18 ya mengwaga, ke yye ka ya Roma gore ke ye tšhuta ga diyunivesithi tsa gore di lawola ke bishopo. Ke yye ka tšhuta Selathini, Segerika, ka tšhuta le ka dilo tsa botala, dilo tsa gore ba f’lo tikhandela, go bereka ka menagano le tse dingwana. Ke mo re bolabola ka ditemanyana tsa yona fote re theetsela mo ba yi bala ka Lesonto mara nka sa nape ke re ne re tšhuta Bhayibele.

O yye wa bereka ga sekolo sa go tšhutisa batho tsa boruti. Ayitsano le wene o yye wa tšhutisa ga sekolo sone?

Nna mmereko waka ke mo go le wa mabhalane. Mara le nna ke mo ke fela ke tšhutisa ka nakwenngwana.

Ke ntaba o yye wa thomisa go sa sa tshepa kereke yone?

Ke dilo ka ditharo tsa gore di yye dya nhlupa ka matla. Kereke yone ke mo yi kwana le ditaba tsa dipolotiki. Baruti ba go tlala ke mo ba sa titshwara gabutši fote le batho ba go tlala gana mone ke mo ba le ka mokgonone. Le tse dingwana tsa gore ke mo di tšhutisiwa mone kerekeng ke mo di sa kwagale. Mo ke beyisa, Modimo wa gore o re nyaka ka matla a ka yi maka byang taba ya gore a hlupegise batho le mo ba šele ba kgwile? Fote, nje Modimo o nyaka re dula re boyelela tsetsela re di hlayyeng mo re rapela re berekisa sa go haka ho molaleng sa go ba le sefapano le makolwane? *

Byalo o yye wa maka byang?

Ke yye ka rapela Modimo ke šwennye fote nkene ke lla. Ke yye ka reka le Bhayibele ya Jerusalem Bible ya Makhatholika, ya gore ke mo yi ngwadiwwe ka Seithali, ke mokane ka thomisa go yi bala. Ka Lesonto le lengwana mo ke yapola dikobo tsa baruti ka nthago ga gore re rapele, go yye gwa tla banna ka babedi. Ba yye ba re ke bona Dihlatse Tsa Jehova. Re fetsiye nako ya go lefa re bolabola ka taba ya ka Bhayibeleng ya gore sedumedi sa mannete ke sa mošaga mang.

O yye wa tikwa byang ka bo ba go vakašeleng?

Ke jabodisiye ke tumelo ya bona le ka mokgo ne di le lula gore ba kraye ditemanyana ga Bhayibele ya Makhatholika. Ka nthago, Hlatse ye nngwana yo ba reng ke Mario, yi yye ya thomisa go mvakašela. Ke mo a nlefisela pelo fote a tshepega, ke mo a tla Mokibela wo mongwana le wo mongwana ka 9 ka bošego.

Byalo baruti ba bangwana bona ke mo ba tikwa byang ka taba ya gore wene o vakašela ke Dihlatse?

Ke yye ka ba mema gore ba tle ba kwe tso ke di tšhutang mara a gona le ka wweši wa gore ke mo a tseyela taba ya go tšhuta Bhayibele gedimo. Mara nna ke mo di njabodisa. Ke mo ke tšhuta dilo tsa go jabodisa ka matla, tsa go tshwana le gore ke ntaba Modimo a lisetsa go makega dilo tsa go befa howa lefaseng, phela taba yone ke mo yi nhlupa ka matla.

Ayitsano baruti a baa liketsa go maka gore o sa sa tšhuta Bhayibele?

Ka 1975, ke mo ke kwana le go vakašela Roma ga go tlala gore ke hlatolle ka mokgo nna ne ke tikwa ka gona ka Bhayibele. Ba gore ba n’yeta mahlong ba liketsiye go tšhentšha ka mokgo ke tikwang, mara a gona le ka wweši wa gore o berekisiye Bhayibele. Ke mokane ka di 9 tsa January 1976, ke yye ka ngwalela Roma gore nna a ke sa le Mokhatolika. Ka nthago ga matšatši ka mabedi, ke yye ka tloga ga sekolo sone sa boruti ke mokane ka kalama setimela gore ke ye ga megahlano ya Dihlatse Tsa Jehova, ke mo go le mogahlano wo mogolonyana wa gore ke mo go na le diphutego tse dingwana gana mone. Ke mo go sa tshwane le ku kerekeng ga gore ke mo ke ya gona. Motho ye mongwana le ye mongwana ke mo a na le Bhayibele fote ke mo ba yi bula mo ye a beyang polabolo a ba kgopela gore ba yi bule.

Byalo mutši wago wo yye wa tikwa byang ka taba yowa?

Ba bangwana ke mo ba tišupa gore a ba nyake ke ba Hlatse. Mara ke yi yye ka kraya taba ya gore bhuti waka o thomisiye go bala le Dihlatse Tsa Jehova ku Lombardy, ga poleke ya gore ye ka borwa bya Italy. Ke yye ka ya gage, fote Dihlatse tsa gana mone di n’gelepiye gore ke kraye mmereko le poleke ya go dula. Ka mongwaga wonone, ke yye ka kolobetsa gore ke be Hlatse ya Jehova.

Ayitsano wa tisola ga sepheto so o se makiyeng?

Le ka gonyana. Gana byalo ke tikwa ke le thina le Modimo, ka taba la gore tso ke di tšibang ka yene di tšwa ka ho Bhayibeleng, a di tšwe ga dilo tsa gore ba f’lo tikhandela kela kerekeng. Gana byalo ke thogo tšhutisa ba bangwana ke na le tumelo fote ke sa kamake.

[Tsa ku tlase]

 [Monopo]

Gana byalo ke tikwa ke le thina le Modimo