Magageru ya Bethele ma berekiye go teya ka ku ga mongwaga gore ma yage setiši sa wayilisi sa WBBR hala Staten Island, New York City. Ka nthago ga gore ba kgore poleke yo ne ba yi krayye, ba yye ba yagela bo ne ba nyoko bereka gana hone ga go dula le moyago wa gore ba nyoko beya dilo tsa gore ba nyoko di berekisa ga wona. Mo mmereko wone wo fediye, magageru ma yye ma thomisa go gahlanisa tso di nyakega gore ma thogo sabalatsa ditaba hone setišing. Mara ne di ko nyaka gore ma kikirisane le dintshitshire tse dingwana.

Ke mo di se lula gore magageru ma tšhele eriyane gore setiši se thogo bereka. Eriyane ya gore ne yi le 91 ya dimitha ka go lefa ne di nyaka gore ba yi hake gare ga diphate ka dipedi tsa gore ye nngwana le ye nngwana ne yi le 61 ya dimitha ka go ya gedimo. La mathomo ba yye ba šitega. Magageru ma yye ma tshepela ga Jehova ke mokane ma feleletsa ma phomelele. Calvin Prosser, wa gore ne a bereka gana hone, o yitseri, “Hala re phomelele mo re liketsa la mathomo, ne re nyoko titeya sekguba ke mokane ra hlaya gore, ‘Bona gore re segelele ying!’” Magageru ma yye ma thanaka Jehova gore o ma gelepiye, mara mathatha ya bona ne ma soko fela.

Setiši sa wayilisi ne se sa tšwa go thomisa, fote ne di se lula go reka tso di nyakega. Byalo magageru ma yye kraya dithulusi gana hone thina tsa gore ne di šele di berekisiwwe tsa gore ye mongwana ne a di makiye. Mo ba tshwanele ba reke mayikhrofowunu, ba yye ba fo berekisa fowunu gore ba bolabolele ga yona. Bošego byo bongwana ka February, magageru yala ma yye ma fo segelela sepheto sa gore ma tutse dilo tso ma di gahlanisiyeng tsa lula. Ka gore magageru yane ne ma nyaka selo sa gore ma ka se kgana hone setišing, ma yye ma yepelela dikoša tsa Mmušo. Ernest Lowe o yye a hlaya  taba ye nngwana ya go tshegisa ya gore yi makegiye mo magageru ma kene ma yepelela, o re ma yye ma fowunela ke Judge Rutherford, b wa gore o kwile tso ne ba di yepelela ga wayilisi yage hala Brooklyn, ya gore ne yi le gana hala ga 25 ya dikhilomitha go tloga mo ne ba le gona.

Mogageru Rutherford o yye a re, “Yemaneng nyana ka lešata lone la lune. Le kwagala nkare ke lune dikatse tsa tlala!” Magageru ke mo ma tšebiye ka gonyana, ma napa ma tima wayilisi yone mara ke mo ma di tšiba gore yi ya bereka le gore ne di nyoko maka mo ma yi berekisa la mathomo.

Ka di 24 tsa February 1924, mo setiši se thomisa go bereka la mathomo, Mogageru Rutherford o yye a hlaya gore setiši sone ba nyoko se berekisa go maka mmereko wo Kreste wa gore ke Kgoši a ba neyyeng wona. O hlayye gore setiši sone ke sa “go gelepa batho gore ba thogo kwisisa Bhayibele le gore ke ntaba di nyaka ba tseyele gedimo dinako tso re phelang ga tsona.”

Letheto lo ba le sabalatsiyeng setišing sone la mathomo le yye la phomelela. Ba yye ba berekisa setiši sowa 33 ya mengwaga gore ba sabalatse matheto ya batho ba Jehova.

Ka July 1924, Bo ba go Tšhuta Bhayibele ba yye ba gahlana ga mogahlano wo mogolo hala Columbus, Ohio. Go segele magageru ya go tšwa lefaseng ka moka, fote ba yye ba kwa dipolabolo ka mmolabolo wa Searabho, Sekgowa, Sefora, mmolabolo wa gore ba wo bolabola Germany, Segerika, Sehanghari, Seithali, Selithuwani, Sepholiši, Serašiya, mebolabolo ya Scandinavia, le ka mmolabolo wa Ukraine. Dikopa tse dingwana tsa letheto lone ba yye ba di sabalatsa wayiliseng, fote magageru ma yye ma kgopela kuranta ya gana hone gore yi ngwale dihlogotaba tsa go bolabola ka mogahlano wone wo mogolo matšatši ka moka ya mogahlano.

Ka labone ka di 24 tsa July, magageru ya go teya ka ku ga 5 000 ma yye ma tšhomayela toropong ya ho mogahlano wo mogolo ne wo le gona. Ma yye ma sipidisa dipuku tsa gore ampore di segela ga 30 000 fote ma thomisa go tšhuta Bhayibele le batho ba go tlala. Sewokamelo ke mo se re letšatši lone ke “selo sa gore ne se jabodisa ka matla ka mogahlano wone wo mogolo.”

Selo se sengwana sa gore ba ka sa tsoge ba se libele ka mogahlano wone wo mogolo, se makegiye ka Labohlano la di 25 tsa July, mo Mogageru Rutherford a šišimala ke mokane a bala lephephe le lengwana la gore ne le šupetsa gore bo ba go yeta sedumedi mahlong a ba make tsona. O hlayye gore, bo ba go yeta mahlong tso tsa dipolotiki, tsa sedumedi le ba tsa dibhizinisi ba  “maka gore batho ba sa tšhute nnete ka Mmušo wa Modimo wa gore Modimo o nyoko wo berekisa gore a thogo rufa batho.” O hlayye le gore banna bone ne ba sa make tsona ka taba la gore ke mo ba yema le Ditšhaba Tsa go Timaka Ngata ka Yyoši ba boya ba hlaya gore ke mokgwa wa Modimo ya go lawola lefase lowa.’” Ne di nyaka gore magageru yane ma šišimale gore ma thogo tšhomayelela ba bangwana molayetsa wowa.

Mo Sewokamelo se hlaya tso mogahlano wone wo mogolo wo di segeleleng, se yitseri: “Masolenyana yawa ya Morena ya gore ke mo ma gahlanne ga Mogahlano wo Mogolo wa hala Columbus ma sologiye ma tiyisiwwe tumelo . . . , go se na matšhika kela selo sa go tšwa ga lenaba sa gore ne se ka ma maka gore ma sa sa tšhomayela.” Leo Claus, wa gore ne a le hone mogahlanong wone o hlayye gore: “Re tlugiye hone mogahlanong wone re kwa re na le matšato ya go ye sabalatsa molayetsa wone dipolekeng tsa rune.”

Ka October, Bo ne ba tšhuta Bhayibele ba yye ma thomisa go sabalatsa diphephane tsa gore di printhiwwe tsa gore ne di bolabola ka Ecclesiastics Indicted, ya gore ke tso di hlayyeng ke Mogageru Rutherford. Ga toroponyana ya Cleveland, Oklahoma, Mogageru Frank Johnson o fetsiye go sabalatsa diphephane tsela go sa šele 20 ya diminetsi gore batšhomayedi ba bangwana ba tle ba mo tseye. Ne di sa make gore a fo yema ga gore o bona ke batho ka taba la gore batho ba gana hone ba gore ne ba kwatisiye ke tso ne a di tšhomayela, ne ba nyaka naye. Mogageru Johnson o yye a segelela sepheto sa gore a wutame ga kereke ye nngwana ya thina le gana hone. O yye a yi kraya yi se na batho, ke mokane a šiya diphephane tsela tsa hlogotaba ya gore Ecclesiastics Indicted ka teng ga Bhayibele ya moruti wa kereke yone a boya a di beya gedimo ga setulo se sengwana le se sengwana gana hone kerekeng. O yye a tšwa hone kerekeng ka go yakgoswa. Ka gore ne a sa na le nako nyana, o yye a vakašela le dikereke tse dingwana ka dipedi, a maka tso a di makiyeng ga kereke yela ya mathomo.

Frank o yye a yakgoswa a boyela mo magageru ne ma tshwanele ma mo tseye gona. O yye a wutama ka nthago ga mo ba tšhelang diphetrole, a kene a lebelele batho bo ne ba kene ba mo nyakela. Batho bone ba yye ba mo feta ba sa mmona. Batho bane ba yitseri go nyamalala, magageru ya mangwana ya gore ne ma kene ba tšhomayela ma le thinanyana, ma yye ma segela, ma mo tseya ke mokane ba sepela.

Ye mongwana wa magageru yala o yitseri, “mo re kene re tloga hone polekeng, re fitiye kararo ya dikereke tsela. Ke mo go na le gana hala ga 50 ya batho ba yemme mahlong ga kereke ye nngwana le ye nngwana. Ba bangwana ke mo ba bala sephephane sela, ba bangwana ke mo ba se tshwere gore moruti a se bone. Ampore ba re krayye! Mara re lebogiye Jehova Modimo wa rune ka taba la gore o re pasopiye a boya a re gelepa gore re tšibe gore re make ying gore re thogo sabala molayetsa wone mara ba sa re tanya.”

Ga dinaga tse dingwana, Bo ne ba tšhuta Bhayibele ba yye mahlong le bona ba šišimele mo ba tšhomayela. Hala lebowa la France, Józef Krett o tšhomayelele batho ba go bereka mmayini ba go tšwa Poland. Ba mo kgopele gore a tle a beye polabolo ya hlogotaba ya gore “Go Nyoko Tsoga bo ba Hlokofeleng go se Botala.” Mo ba mema bo ba dulang hone toropong, moruti wa polekeng yone o butsiye bo ba kerekang gage gore ba sa yi. Tso a di hlayyeng di makiye gore batho ba nape ba ya. Batho ba go teya ka ku ga 5 000 ba yye ba ba gona gore ba theetsele polabolo yone, le moruti yela ke mo a le gona! Mogageru Krett o yye a re moruti yela a tle a yemelele tso a di dumelang mara moruti yene a sa yi kene yage. Mogageru Krett o yye a neya batho dikgatiso tso ne a di tshwere, a hlaya le gore batho bo ne a ba tšhomayela ke mo ba wonngwe Lentsu la Modimo.—Amosi 8:11.

Hala Afrikha, Claude Brown o yye a tšhomayela ditaba tsa go bafala hala Gold Coast, ya gore gana byalo ba re ke Ghana. Dipolabolo tso a di beyyeng le dikgatiso tso a di sipidisiyeng di yye dya maka gore nnete yi sabalale ka go yakgswa nageng yone. John Blankson, wa gore ke mo a tšhutela tsa bokhemisi, o yye a ba gona ga polabolo ye nngwana ya gore ne yi beya  ke Mogageru Brown. O yye a napa a di bona gore o krayye mong yona nnete. John o re, “Nnete yowa yi makiye gore ke jabole stereka fote ke yye ka bolabola ka yona ke sa tšhabe selo sekolong.”

Tšatšenngwana, John o yye a vakašela kereke ye nngwana gore a ye butsisa moruti ka taba ya Mabitso ka Mararo, ka nako yonone John ne a šele a yi kwisisa gabutši taba yone gore ne go le selo sa gore ba fo se tšhutisa sa gore a se tšwe mangwalong. Moruti yene o yye a mo raka a kene a rasa a re: “A yi wene Mokreste; ke wene wa Diyabolo. Tloga howa!”

Mo John a segela gaye, o yye a ngwalela moruti yela lengwalo, a mo mema gore a tle ba bolabole ka taba ya Mabitso ka Mararo mo go tleleng batho. Moruti yela o yye a re John a ye ofising ya phrinsipala ya gana hone, ga gore thitšere yone yi mmutsisiye gore ka nnete ke yene a ngwadiyeng lengwalo lela.

John o yitseri, “Eya thitšere, ke nna ye a le ngwadiyeng.”.

Thitšere yone yi yye a botsa John gore a ngwalele moruti yela lengwalo a kgopele gore a mo tshwarele. Byalo John o yye a ngwala gore:

“Tamaneng, thitšere o nkgopele gore ke go ngwalele lengwalo ke kgopele gore o ntshwarele, ke nyoko kgopela gore o ntshwarele mo nkare wene o nyoko dumela gore o tšhutisa batho dilo tsa matsaka.”

Thitšere ke mo yi makele ke mokane ya butsisa gore, “Blankson, ayitsano ke tsotsone o nyakang go di ngwala?”

“Eya. Ke tsona fela tso nka kgonang go di ngwala.”

“Phela o nyoko rakiwa mo sekolong. O ka bolabola byang le moruti wa kereke ya gore yi thega ke mmušo ke mokane wa fetsa wa nyaka go ba sekolong sowa?”

“Mara thitšere, . . . mo o re neya mmereko wa sekolo ke mokane re sa kwisisi se sengwana, akere re go butsisa diputsiso?”

“Eya le ya butsisa.”

“Byalo tsotsone ke tso di makegiyeng. Morenene ke mo a re tšhutisa Bhayibele, ke mokane nna ka mmutsisa putsiso. Mo nkare o šitega go fetola putsiso yone, ke ntaba ke tshwanele ke ngwale lengwalo la go kgopele gore a ntshwarele?”

Blankson a bba mo raka hone sekolong. Fote aa romela le lengwalo la go kgopela gore ba mo tshwarele.

Sewokamelo mo se hlaya tso di makegiyeng mongwaga wone, se yitseri: “Ka nnete re ka hlaya tso di hlayyeng ke Dafita gore: ‘Thou hast girded me with strength unto the battle.’ (Pisalema 18:39) Mongwaga wowa wo re tiyisiye ka matla ka taba la gore re kgonne go bona letsogo la Morena . . . Malata yage ya mannete . . . ne ma kene ma jabodisa ke go tšhomayela.”

Mo mongwaga wo šele wo le thina le go fela, magageru ma yye ma maka dipolane gore ma be le setiši se sengwana sa wayilisi. Mmereko wa go maka setiši se sengwana sa wayilisi wo yye wa thomisa hala thina le Chicago. Ga setiši sowa sa nyuwane, ke mo go na le ga gore ba ngwadiye gore LENTSU. Gana byalo ba berekisiye dithulusi tsa gore di kgonne go sabalatsa moleyetsa wa Mmušo wa Modimo go segela ga dikhilomitha tsa kgole fote le batho ba lebowa la Canada ne ba kgona go theetsela.

Ka mongwaga wa 1925, Jehova o gelepiye magageru gore ma kwisise taba ya nyuwane ya go jabodisa ya go bolabola ka Kutullo tema 12. Batho ba bangwana ne ba nyoko phiriketsega. Ba go tlala ke mo ba jabola ka matla ka gore ke mo ba kwisisa gabutši tso di makegiyeng magedimong le gore tsotsone di rela ying ga batho ba Modimo ho lefaseng.