MAISRAYELE ke mo ma kwana ka matla le dikoša. Ga go tlala Bhayibele yi bolabola ka batho ba teya tsa go kgana dikoša fote ba yepelela dikoša. Gabutšibutši, sekopa se segolo sa Bhayibele se tlele ka dikoša. Mo re beyisa, Dipisalema, Koša ya Solomoni le Dillo Tsa Jeremiya di ngwadiwwe gore go thogo yepelediwa. Puku ya go bolabola ka lephelo ka dinako tsa mo ba sa ngwala Bhayibele yi re Bhayibele yi di beya lekgwaying gore Maisrayele ke mo ma berekisa dikoša ga dilo tsa go tlala mo ma kene ma phela.”

Go kgana dikoša mo ba kene ba phela. Maisrayele ke mo ma kgana tsa go teya dikoša ma boya ma yepelela mo ma nyaka go šupetsa ka mokgo ma tikwang ka gona. (Jes. 30:29) Basadi ke mo ba kgana dithambhorini, ba yepelela dikoša tsa go šupetsa gore ba jabodiye fote ba bina mo go na le menyanya ya go tshwana le mo ba beya kgoši ya nyuwane, mo masole ma hludiye ntweng le ga menyanya ya mo ba rapela. (Bay. 11:34; 1 Sam. 18:6, 7; 1 Mag. 1:39, 40) Fote Maisrayele ne ma kgana dikoša go šupetsa gore ma kgongwele mo ye mongwana a hlokofele. (2 Dikor. 35:25) McClintock and Strong’s Cyclopedia yi yi beya lekgwaying mo yi re, “Maheberu ke go le batho ba gore ba kwana ka matla le dikoša.”

Magoši ya Israyele ne ma kwana le dikoša. Magoši ya Israyele ne ma kwana ka matla le go theetsela dikoša. Kgoši Sawulo o leyye Dafida ga poleke yo ne a lawola a le ga yona gore a tle a mo teyele harepa. (1 Sam. 16:18, 23) Ka nthago mo Dafita le yene a ba kgoši, o yye a maka tsa go teya dikoša, a ngwala dikoša tsa go bafala, a boya a maka gore go be le batho ba go kgana dikoša tempeleng ya Jehova. (2 Dikor. 7:6; Amo. 6:5) Kgoši Solomoni ke mo a na le ba go yepelela ba banna le ba basadi ga poleke yo ne a lawola a le ga yona.—Mmo. 2:8.

Maisrayele ke mo ma berekisa dikoša mo ma rapela Jehova. Selo se segolo ka matla ke gore Maisrayele ne ma berekisa dikoša mo ma rapela Jehova. Gabutšibutši, 4 000 ya banna ke mo ba kgana tsa go teya dikoša tempeleng ku Jerusalema. (1 Dikor. 23:5) Ke mo ba kgana disimbhala, tsa go teya dikoša tsa go ba le metato, diharepa, le diporompeta. (2 Dikor. 5:12) Mara banna bowa ba digele ba gore ne ba kgana dikoša ne go se bona ba ntoši ba gore ne ba rapela Jehova ba berekisa dikoša. Di šupa nkare Maisrayele ya go tlala ma yye ma yepelela Koša ya mo ma Yinuga ga mayeto ya bona mo ma ya Jesusalema mongwaga wo mongwana le wo mongwana. (Pis. 120-134) Fote go ya ka tso di ngwadiyeng ke Majuda, Maisrayele ma yepelele tse dingwana tsa Dipisalema a ka nako ya mo go jiwa ka Paseka.

Le lekgono malata ya Jehova ma sa na ma tseyela dikoša gedimo. (Jak. 5:13) Re yepelela dikoša gore re thogo thanaka Jehova. (Maef. 5:19) Re tikwa re le thina ka matla le magageru mo re yepelelela Jehova dikoša re le ggoši. (Makol. 3:16) Di ya re tiyisa mo tsa lephelo di gakga. (Meber 16:25) Re berekisa dikoša go šupetsa gore re na le tumelo ga Jehova le go šupetsa gore re mo nyaka ka matla.