KU BOTALA, mosogana ye a nyakang go šadha ke mo a ntsha magadi ga ba mutši wa ga bo kgareba yo a nyakang go yi šadha, mo nkare mitši yone ka mmedi ya kwana ka taba yone ya mošadho. Magadi ke mo go ka ba dilo tsa go tseyediwa gedimo, diphoolwane kela tšheleta. Ka dinako tse dingwana, motho ne a ka fo ntsha magadi ka go makela ye mongwana mmereko, go fo tshwana le ka mokgo Jakobo a makiyeng, nakwela a dumela go berekela Papa Reyitšhele ka šupa ya mengwaga gore a thogo šadha Reyitšhele. (Gen. 29:17, 18, 20) Ke ntaba ne ba ntsha magadi?

Ye mongwana wa go tšhuta Bhayibele ye ba reng ke Carol Meyers o re: “Magadi ne ba ma ntshela ba mutši wa ga bo kgareba yone ka taba la gore yi ka sa sa ba makela mmereko [wa tsa mašemo] wa gore ka mitšing ne ba wo tseyela gedimo.” Fote di ka makega gore magadi ne ma gelepa go tiyisa senghana sa mitši yone ka mmedi ya gore byalo ya šagelana. Mo go ka nyarela mathatha di nyoko ba lula gore mitši yone yi gelepane. Go tokegela gana hone, magadi ne ma napa ma šihlela taba ya gore mosadi yene ba mo kgetiye fote go se botala a ka sa sa pasopa ke papage o nyoko pasopa ke monnage.

Taba ya go ntsha magadi ne yi sa rele gore mosadi go fo ba selo sa gore ba ka se reka kela ba se rekisa. Puku ya Ancient Israel—Its Life and Institutions yi re: “Taba ya gore ne di nyaka ba ntsha tšheleta, kela se sengwana sa go lekana nayo ga ba mutši wa ga bo kgareba yi maka gore di bonale nkare mešadho ya Maisrayele ne yi fo ba taba ya go rekisa selo. Di bonala nkare ne ba sa tseye magadi go le taba ya go reka mosadi mara go le go fo kwala sekgala so se bulegiyeng ka mutšing wa ga bo kgareba yone.”

Lekgono, ga dinaga tse dingwana batho ba kene ba sa wo berekisa mokgwa wowa wa go ntsha magadi. Mo babelegi ba Makreste ba kgopela magadi, a ba lebale go maka gore ‘go kwisisa ga bona go tšibe ke batho ka mokana ga bona’ ka go kganela kgole le taba ya go turisa magadi tsa nkare baa rekisa. (Mafil. 4:5; 1 Makor. 10:32, 33) Ka mokgonone, ba nyoko ba ba šupetsa gore a ba ‘kwane le tšheleta ka matla,’ kela a ba na dipawu. (2 Thim. 3:2) Go tokegela gana hone, mo babelegi ba Makreste ba sa nyake magadi ya go turisa tsa mohlolo, o ka sa kraye di nyaka gore monna a thise go šadha a re o sa liketsa go kgobaketsela gore a thogo ntsha magadi. Fote di ka sa make gore monna a šinya a kwa nkare di mo tlema gore a lisetsa mmereko wa go tšhomayela ka nako ka moka ka taba la gore di nyaka a kraye mmereko wa go tipasopa wa nako ka moka gore a thogo kgobaketsela tšheleta ya go tura ya magadi.

Ga dinaga tse dingwana, go na le molawo wa go lawola taba ya magadi. Mo naga yi na le melawo ya mošaga wonone, babelegi ba Makreste di nyaka ba theetsele melawo yone. Ke ntaba? Lentsu la Modimo le nyaka gore Makreste ma “theetsele bo ba yetang mahlong” fote ma theetsele melawo ka mokana ga yona ya gore a yi lwe le melawo ya Modimo.—Marom. 13:1; Meber. 5:29.