1. O fo re king mara ka nnete yowa?

 BATHO ba Jehova ba kwana le nnete yo yi krayegang ka Lentsung la Modimo. Ke lona le makiyeng gore re be le tumelo. (Marom. 10:17) A re kamake le ka gonyana gore Jehova o makiye phutego ya Sekreste gore go be “yona ya go thegeletsa nnete.” (1 Thim. 3:15) Fote “bo ba gore ba [re] yeta mahlong” re ba hlompa re sa kokone ke selo mo ba kene ba hlatolla nnete ya go tšwa ka Bhayibeleng le tso ba re yetetsang ka tsona tsa gore di re gelepa gore re make tso Modimo a di nyakang.—Maheb. 13:17.

2. Jakobo 5:19 yi re re ka makegela king ka nthago ga gore re tšhute nnete?

² Mara, le mo re šele re yamogele nnete le go yamogela gore di nyaka re fo latelela tso mokgahlo wa Modimo wo re yetetsang ka tsona, di ka makega gore re tšwe pateng. (Bala Jakobo 5:19.) Phela Sathane o di nyaka ka matla tsa gore re lisetse go tshepa Bhayibele kela tso mokgahlo wa Modimo wo re yetetsang ka tsona.—Maef. 4:14.

3. Ke ntaba di nyaka re ngangarele nnete? (Maefeso 6:13, 14)

³ Bala Maefeso 6:13, 14. Go se botala Diyabolo o nyoko hlalefetsa ditšhaba ka mokana ga tsona gore di phigise Jehova. (Kut. 16:13, 14) Fote di nyaka re dule re di tšiba tsa gore Sathane a ka sa yetsele, o nyoko liketsa ka mokgo a ka kgonang gore a fokole batho ba Jehova. (Kut. 12:9) Nka taba lo go leng taba ye kgolo gore re titšhutise gore re thogo bona gore nnete ke yifeng le gore matsaka ke mafeng ke mokane re nape re ngangarele nnete. (Marom. 6:17; 1 Pet. 1:22) Phela gore re thogo phona motšhatšhamelo wo mogolo di ya ka gore taba yowa re yi tseya byang!

4. Re nyoko petapeta ka ying ga hlogotaba yowa?

⁴ Ga hlogotaba yowa, re nyoko lebelela mekgwa ka mmedi yo yi nyakegang gore yi thogo re gelepa re bone nnete yo yi tšwang ka ho Bhayibeleng le go yamogela tso mokgahlo wa Modimo wo  re yetetsang ka tsona. Ke mokane ra petapeta ka kararo ya dilo tso re ka di makang gore re ye mahlong re ngangarele nnete.

MEKGWA YO YI NYAKEGANG GORE RE THOGO YI BONA GABUTŠI NNETE

5. Mo re tšhaba Jehova, tsotsone di nyoko re gelepa ka mokgo mang gore re thogo bona nnete?

⁵ Tšhaba Jehova. Mo re šele re tšhaba Jehova ka mokgwa wa gabutši, re nyoko mo nyaka ka matla tsa gore re ka sa tsoge re makiye le selo sa gore se ka mo kwatisa. Re dula re tikemisele go tšhuta gore selo sa gore se lukiye se fapana kaye le sa go sa loka, ra tšhuta go bona gabutši sa gore ke nnete le sa gore ke matsaka gore Jehova a re yamogele. (Diy. 2:3-6; Maheb. 5:14) Re sa tsoge re yikele taba ya go tšhaba batho yi kogetse taba ya gore re nyaka Jehova ka matla, ka taba la gore dilo tso di jabodisang batho ga go tlala di kwatisa Jehova.

6. Taba ya go tšhaba batho yi makiye gore lesome la dindhuna tsa Israyele di ghobe nnete ka mokgo mang?

⁶ Phela mo re ka tšhaba batho go phala go tšhaba Modimo, re ka thomisa go keketlela kgole le nnete. Lebelela mošupetso wa dindhuna 12 ya tsona tsa gore di yye dya hlola naga yo Jehova ne a tshepisiye go yi neya Maisrayele. Ga banna bala ba go hlola naga, lesome la bona ba yye ba tšhaba Makanana ka matla go phala go nyaka Jehova ka matla. Ba yye ba botsa Maisrayele ya gabo gore: “Re ka sa kgone go lwa le batho bala ka taba la gore ba na le matšhika ya go re feta.” (Dip. 13:27-31) Batho ke mo ba tseya gore Makanana ne ma na le matšhika ya go feta Maisrayele—taba yone ne go le nnete. Mara gore ba šinye ba hlaye gore Maisrayele ma ka sa di kgoni go hlula manaba ya wona, di fo napa di šupetsa gore ga Jehova ne ba sa mmeye felo. Lesome la banna bala ba go hlola naga ne ba tshwanele ba naganne fela ka tso Jehova ne a nyaka ba di make. Fote ne ba tshwanele ba ghayele ka dilo tsa gore a yi botalanyana a ba makele tsona. Ke mokane ne ba nyoko di bona gabutši gore matšhika ya Makanana go fo ba mollo wa makhatabhokisi mo re ma lekanisa le matšhika ka moka ya Jehova. Mara Jošuwa le  Khalebho a sanka ba tshwana le banna bala ba go hlola naga ba gore a ba na tumelo, ne ba nyaka gore Jehova a ba yamogele. Ba yye ba botsa Maisrayele gore: “Mo nkare Jehova o bona re mo jabodisa, o nyoko maka gore re kene ga naga yone fote o nyoko re neya yona.”—Dip. 14:6-9.

7. Re ka maka byang gore taba ya rune ya go tšhaba Jehova yi tiyelele? (Lebelela le sethombhe.)

⁷ Mo re nyaka gore taba ya rune ya go tšhaba Jehova yi tiyelele, di nyaka re dula re naganne ka go mo jabodisa ka sepheto se sengwana le se sengwana so re se segelelang. (Pis. 16:8) Mo o kene o bala ditaba tsa ka ho Bhayibeleng, tiputsise gore, ‘Hala ke le ga seyemo sone, ne nko ba ke segelele sepheto sefeng?’ Mo re beyisa, o fo tipona o le hala le wene o yemme, o kene o theetsele lesome la dindhuna tsa Maisrayele di kene di hlaya gore Israyele yi ka sa kgoni go hlula Kanana. Ayitsano ne o ka tshepa tso ba di hlayang ke mokane wa tšhaba batho, kela taba ya go nyaka Jehova ka matla le go nyaka go mo jabodisa ne yi nyoko feta letšhogo lone o nang nalo? Leloko ka mokana ga lona la Israyele le šitegiye go bona nnete yo Jošuwa le Khalebho ne ba yi bolabola. Ke mokane tsotsone dya maka gore ba lahlegele ke lešuba la go kena ga Naga yo ba ba Tshepisiyeng yona.—Dip. 14:10, 22, 23.

8. Ke mokgwa wofeng wo di nyakang re šinye re bhahle gore re be nawo fote ke ntaba?

⁸ Tinyanafatse. Wa tšiba Jehova o wunyulla nnete ga bo ba gore ba tinyanafatsiye. (Mat. 11:25) Le rune mo re yitsa, re yye ra yamogela re kene re tinyanafatsiye gore ba re gelepe gore re tšhute nnete. (Meber. 8:30, 31) Mara, di nyaka re pasope gore re sa be le magetla. Mo re ka ba le magetla, re ka thomisa go tseya nkare dilo tso runebeng re di naganang ke mong tsona, di fo titshwanela le ditšhiko tsa Mangwalo le tso mokgahlo wa Jehova wo re yetetsang ka tsona.

9. Re ka maka byang gore re dule re tinyanafatsiye?

⁹ Gore re thogo dula re tinyanafatsiye, di nyaka re sa lebale gore rune re teya kaye mo re tilekanisa le Jehova. (Pis. 8:3, 4) Re ka boya re kgopela Jehova gore a re gelepe gore re tinyanafatse le gore re tšhutisege. Jehova o nyoko re gelepa gore re tseyele gedimo ka mokgo a tseyang dilo, ga gore re go tšhuta ka ho Bhayibeleng le ga mokgahlo wage go phala ka mokgo rune re tšibang. Mo o bala Bhayibele, lebelela dilo tso di šupetsang ka mokgo Jehova a kwanang le go tinyanafatsa le ka mokgo a hloyyeng batho ba go ba le magetla, ba go titeya sekguba le ba go kganya. Fote o liketse ka matla gore o dule o tinyanafatsiye mo ba go neya mmereko wa gore go be wene o yetang mahlong kela wa gore ba bangwana ba thogo di bona mo o maka mmereko wone.

MARA NNETE RE KA YI NGANGARELA KA MOKGO MANG?

10. Jehova o berekisiye bomang gore a yetetse batho bage?

¹⁰ Ariye mahlong o tshepa tso mokgahlo wa Jehova wo re yetetsang ka tsona. Ku Israyele ya botala, Jehova o berekisiye Moše a boya a berekisa Jošuwa gore a yetetse batho Bage. (Još. 1:16, 17) Dilo di yye dya sepelela Maisrayele gabutši mo ma tseya banna bowa go le bona bo ba yemelang Jehova Modimo. Ka nthago ga makgolokgolo ya mengwaga mo go thomisa phutego ya Sekreste, ne go yetetsa 12 ya mapostola. (Meber. 8:14, 15) Ka nthago, mogoba wone wo yye wa yeketsega gana hone go kena le bagolo ba bangwana ba Jerusalema. Mo ba latelela tso banna bowa ba go tshepega ba ba yetetsang ka tsona tsotsone di makiye gore, “diphutego di ye mahlong di tiya tumelong fote dya yeketsega letšatši le lengwana le le lengwana.” (Meber. 16:4, 5) Ka dinako tsa rune, Jehova wa re rufa le rune mo re latelela tso mokgahlo wage wo re yetetsang ka tsona. Mara Jehova a ka tikwa byang  mo re ka fo gana go thega bo a ba hlawodiyeng gore ba yete mahlong? Gore re thogo fetola putsiso yone, tla re petapeteneng ka tso di yyeng dya makega mo Maisrayele ma bakiye Nageng yo ba ma Tshepisiyeng yona.

11. Go makegiye ying ka bo ba gore a baa hlompa Moše, yene ye Jehova a mo hlawodiyeng gore a yete mahlong? (Lebelela le sethombhe.)

¹¹ Ka dinako tsa mo Maisrayele ma tshwere leyeto la go ya ga Naga yo ba ma Tshepisiyeng yona, banna ba go tšibega ba yye ba sa hlompe Moše le mmereko wo Jehova a mo neyyeng wona. Ba yitseri: “Mogoba ka mokana ga wona wo hlawolegiye [a yi Moše fela], fote Jehova o gare ga wona.” (Dip. 16:1-3) Yone ne go le nnete gore mahlong ga Modimo “mogoba ka mokana ga wona” ne wo hlawolegiye, mara Jehova ne a hlawodiye Moše gore go be yene ye a yetang batho Bage mahlong. (Dip. 16:28) Byalo, mo ba kene ba solasola Moše, ke mo go le setšha ba solasola Jehova. Ke mo ba sa lebelela tso Jehova a di nyakang; ke mo ba lebelele tso bonabeng ba di nyakang—matšhika le go tšibega ka matla. Modimo o yye a fetsa ka bo ba go yeta mahlong ba gore ne ba sa theetsele le dikitikiti tse dingwana tsa batho tsa gore ne di kwana nabo. (Dip. 16:30-35, 41, 49) Le lekgono lowa, a re kamake gore Jehova aa kwane le bo ba gore a ba hlompe tso mokgahlo wage wo re yetetsang ka tsona.

12. Ke ntaba re tshwanele go dula re tshepa mokgahlo wa Jehova?

¹² Re ka maka gore re dule re tshepa mokgahlo wa Jehova. Mo di ba lekgwaying gore go na le nnete ye nngwana ya ka ho Bhayibeleng ya gore ba yi yedisiye ya gore rune di nyaka re tšhentšhe ka mokgo ne re yi kwisisa ka gona kela ka mokgo re berekelang Jehova, bo ba gore ba re yeta mahlong a ba jikajiki gore ba tšhentšhe. (Diy. 4:18) Ba maka ka mokgonone ka taba la gore a go na selo se sengwana so ba se nyakang go phala go jabodisa Jehova. Ba boya ba maka so ba ka se kgonang gore dipheto tso ba di segelelang di thege ke Lentsu la Modimo, la gore ke mantsu ya gore batho ka  mokana ga bona ba gore ke ba Jehova di nyaka ba ma ngangarele.

13. Anthe “mantsu ya go yagisa” king fote re tshwanele re make ying ka wona?

¹³ “Ariye mahlong o ngangarele ga mantsu ya go yagisa.” (2 Thim. 1:13) “Mantsu ya go yagisa” ma rela tso Makreste ma di tšhutisang tsa gore di krayega ka Bhayibeleng. (Joh. 17:17) Tsotsone ba di tšhutisang ke fandhiši ya dilo ka mokana ga tsona tso re di dumelang. Mokgahlo wa Jehova wo re tšhutisiye gore re ngangarele ga mantsu yane. Solanka re maka ka mokgonone, re nyoko rufega.

14. Makreste ya mangwana ma yye ma lisetsa ka mokgo mang go ngangarela “mantsu ya go yagisa”?

¹⁴ King so se ka makegang mo re ka lisetsa go ngangarela “mantsu ya go yagisa”? Lebelela mošupetso wowa. Ku botala, Makreste ya mangwana ne ma sabalatsa matsaka ya gore letšatši la Jehova le segele. Di ka makega gore ne go le borifi bya gore batho ne ba nagana gore bo ngwadiye ke Pawulo wa lepostola bya gore bo hlaya tsotsone. Makreste ya mangwana ku Thesalonika a sanka ma tihlupa ma pombhola gore ayitsano ke nnete, ma f’lo tshepa matsaka yane ma boya ma ma sabalatsa. Ne ma ko ba ma sa tshokanyega hala ma yye ma gopola dilo tso Pawulo a ma tšhutisiyeng tsona nakwela a sa na le wona. (2 Mathes. 2:1-5) Pawulo o yye a yeletsa magagabo gore ma sa fo tshepa dilo ka moka tso ma di kwang. Fote gore a thogo ma gelepa le ku mahlong, Pawulo o yye a kwala borifi byage bya mabedi byo a ngwaleleng Mathesalonika ka mantsu ya gore: “Nna Pawulo ke ya le tamisa fote borifi byowa ke bo ngwadiye ka letsogo laka.”—2 Mathes. 3:17.

15. Re ka titšhireletsa byang ga matsaka ya go šupetsa nkare ke nnete? Beyisa. (Lebelela le dithombhe.)

¹⁵ Re tšhuta ying ga mantsu yaa Pawulo a ma ngwaleleng Mathesalonika? Mo re kwa se sengwana sa gore a se sipidisane le tso re di tšhutiyeng Bhayibeleng kela ra kwa mabarebare ya gore maa makatsa, di nyaka re hlalefe. Ga Soviet Union ya botala, manaba ya rune ma yye ma neya magageru borifi bya gore ba fo re bo tšwa ntlokgolo ya lefase. Lengwalo lone ke mo le hlohletsela magageru gore ma thomise mokgahlo wo mongwana ka thoko wa gore wa tikemela. Phela borifi byone ne bo šupetsa go le bya  mannete. Mara magageru ya go tshepega a sanka ba ma hlalefetsa. Ma di bonne gore molayetsa wo ne wo le ga borifi byone ne wo sa sipidisane le tso ba ma tšhutisiyeng tsona. Lekgono, manaba ya gore ma lwisana le nnete ma berekisa thekinoloji ya matšatši yawa gore ma liketse go re dhunghanya le go re yahluganya. ‘Gore re sa dumele motho ye mongwana a maka gore re thogathoge ka so re se naganang,’ re ka titšhireletsa ka go pombhola gabutši gore ayitsano tso re di kwang kela tso re di balang di sipidisana le nnete yo re šeleng re yi tšhutiye.—2 Mathes. 2:2; 1 Joh. 4:1.

16. Maroma 16:17, 18 yi re re tshwanele re make ying mo ba bangwana ba keketlela kgole le nnete?

¹⁶ Dula o le ngata ka yyoši le bo ba tshepegang ga Jehova. Modimo o nyaka gore re be ngata ka yyoši mo re mo rapela. Re nyoko dula re le selo ka ssoši solanka re ngangarela nnete. Bo ba gore ba keketlela kgole le nnete ba maka gore phutego yi yahlugane, byalo Modimo o re pasopisa gore re “kganele kgole nabo.” Ka gore le runebeng re ka tikraya re šele re keketlela kgole le nnete.—Bala Maroma 16:17, 18.

17. Mo re bona gore nnete ke yifeng ke mokane ra yi ngangarela, tsotsone di nyoko re berekela ka mokgo mang?

¹⁷ Mo re bona gore nnete ke yifeng ke mokane ra yi ngangarela, re nyoko dula thina ka matla le Jehova fote tumelo ya rune ya dula yi tiyelele. (Maef. 4:15, 16) Re ka sa hlalefetse ke dilo tsa matsaka tso Sathane a di tšhutisang le ditaba tsa matsaka, fote Jehova o nyoko maka gore re dule re tšhireletsegiye ka nako ya motšhatšhamelo wo mogolo. Ariye mahlong o ngangarele nnete, “ke mokane Modimo wa gore o bebiye o nyoko ba le lune.”—Mafil. 4:8, 9.