Ntwa yi fediye ka 1945 mara lephelo ne le sa thathafa. Ne re le ma Jeremane, byalo ba yye ba re raka hala Czechoslovakia ke mokane ba re romela Jeremane, ga gore ditoropo tsa go tlala ne di sinnye ke ntwa fote batho ba go tlala ne ba tihlupegela. Ka dinako tse dingwana bosesi ba mmane ne ba fola layini ya tsa go ja bošego ka moka fote ne ba kraya tsa go ja tse di nyana. Ne re fela re ya mašahleng gwe kga morobheyila le bokhoya ka taba la gore ne o kgona go ya we di tšhentšhiseng gore ba go neye sekgwa. Tsa go ja ne di gayela la gore batho ne ba yetswa diphoolwane gore ba krayye sa go šeba. Matšatši ya go tlala ne re yetsela re sa ja.

 Bokokwane ne ba kena kereke ya Khatolika fote ne re se na Bhayibele. Moprista ye ne a dula ho toropong o ganne go rekisela kokwane wa monna Bhayibele, ne a hlaya gore mmereko wa bona ke go fo tla kerekeng ba tle ba theetsele. Tsotsone di makiye gore kokwane a be le diputsiso tsa go tlala ka Modimo.

 Ne ke na le kašupa ya mengwaga mo bo mmane ka babedi ba Dihlatse Tsa Jehova ba re vakašela gaye. Ba berekisiye Bhayibele go fetola diputsiso tsa kokwane waka wa monna tsa go tshwana le tsa go yelana le mabitso ka mararo, taba ya dihele le ka bo ba kgwileng. Kokwane waka o kgotsofele ka diphetolo tso a di krayyeng ka ho Bhayibeleng fote taba yone yi napiye yi mo yelela gabutši. Ne a sa kamake gore o krayye nnete. Ka nthago ga hone, ka mokana ga rune mo gaye re thomisiye go tšhutisiwa Bhayibele ke Dihlatse tsa gore di šadhiye.

 Go tlugisela ke sa le ye monyana, ne ke mo nyaka ka matla ga Jehova. Ne ke jabolela go bala dihlogotaba tsa go bolabola ka barumiwa bo ne ba tshwaraganne ka go berekela Jehova ga di naga tsa kgole. Ne ke tiputsisa gore, ‘Lephelo la bona le byang mara? Di byang mara go tšhomayelela batho ba gore a sanka ba kwa ka lebitso la Jehova?’

 Mo ke šele ke na le 12 ya mengwaga, ke segelele sepheto sa gore ke nyaka go ba morumiwa fote ke napiye ke thomisa go berekela ga taba yone. Sa mathomo so ke se makiyeng, ke karakariye ka matla gore ke be motšhomayedi wa go ba le matšato ga ditaba tso tsa go bafala. Ke kolobetsiwwe ka di 12 tsa December 1954, ka nthago ga hone ka ba mašupatsela. Ne ke šele ke le thina le tso ke di polanneng!

 Ne ke di tšiba gore di nyaka gore ke kgone go bolabola Sekgowa gore ke thogo ya Sekolong sa Barumiwa sa Gilead, byalo ke karakariye ka matla gore ke tšhute mmolabolo wone. Ne ke nagane gore ke nyoko tšhuta ka go bolabola le masole ya ne ma le Jeremane ka nako yone. Tšatši le lengwana ke šutelele lesole le lengwana ka re ga lona, “Ke nna Kreste.” O ntibelele a fetola a kgibiye a re, “Ke nagana gore o nyaka go hlaya gore ‘Ke nna Mokreste.’” Ne ke nagana gore ke tšiba Sekgowa anthe ne ke titshokanya!

 Mo ke na le gana hala ga 20 ya mengwaga ke rorele England, mo ne ke bereka ka bošego ke pasopa ngwana ga mutši wa Dihlatse. Motshegare ne ke maka mmereko wa go tšhomayela ka mutši le mutši, wo ne wo n’gelepa go lokotša Sekgowa saka. Ka nthago ga mongwaga ke le England, Sekgowa saka ne se šele se le kawone.

 Ke boyele Jeremane ka October 1966, ba memme gore ke bereke ke le mošupatsela wa go hlawolega hala Mechernich. Mara sa go tapa matšhika ke gore batho ba hone polekeng ne ba sa di jabolele, ne ba sa thogathoge ga tso tsa Modimo. A sanka ba re dumelela go kena magayeng ya bona le mo go bata tsela tsa gore o ka gahla. Ke kgopele Jehova gatleletlele ka thapelo ke re, “Mo wene o di nyaka gore ke bereke ke le morumiwa, ke kgopela gore o n’romele ga naga ya gore ya belabela”

 Ka nthago ga dikgwedi nyana ke le mošupatsela wa go hlawolega, Jehova o nneye so ne ke se nyaka ka pelo yaka ka moka! Ke krayye lengwalo la go mmema ga Sekolo sa barumiwa sa Gilead sa tlelase ya bo 44, se yalogiye ka di 10 tsa September 1967. Ka nthago ba n’romele kaye? Ga naga ye nngwana ya go bafala ka matla hala Nicaragua, yi krayega hala segare bya Amerikha! Magageru ya barumiwa ya ke ma krayyeng mo ke segela ma ntamisiye ma boya ma n’yamogela le kararo ya magageru ya ne ke sepela nawo. Ke tikwile go tshwana le Pawulo wa lepostola mo “a leboga Modimo fote a šišimala” mo magageru ma mo vakašela.—Mebereko 28:15.

 Ne ba n’romele ga toropo ya gore yi bebiye hala León, a ka sinya nako ke napiye ke thomisa go tšhuta mmolabolo wa Spanish. Ne yi le mong ntshitshire, le mo yi le gore ke fetsiye dikgwedi ka dipedi le 11 ya diawara tšatši le lengwana le lengwana ke kene ke tšhuta mmolabolo wone!

 Ke gopola tšatši le lengwana mo mong wa mutši a re makela juse ya gore batho ba hala Nicaragua ba yi tlwayele go le namoneti. Ne ke nagana gore ke šele ke go butsiye gore ke nwa “meetši ya gore ba ma yedisiye” fela. Mara mosadi yene ne ke mo dunghannye. Mo nako yi kene yi takamela ke di bonne gore tso ne ke mmutsiye tsona ka Spanish ne yi se tsona, ne ke mmutsiye gore ke nwa “meetši ya go hlawolega” fela! Sa go jabodisa, ke gore mo nako yi kene yi ya Spanish saka ne se kene se lokotšega.

 Ka dinako tse dingwana, ne ke tšhutisa mutši ka mokana ga wona Bhayibele. Ka gore hala León ne go sa tlala bokgohlane, ne ke kwana le go gapa ditšhuto tsa Bhayibele ka malobana, matšatši ya mangwana ne ke tšhayisa ka bo 10:00 ya bošego. Ne ke tšiba batho ba hone toropong ka moka, ne o fo balela ba gore ne ke sa ba tšibi. Mo nkene ke libiye gaye, mo tseleng ne ke sepela ke tamisana le banghana le bayagelani bo ne ba di dulele ka ho tawong gore ba teye phefo.

 Ke gelepiye batho ba go tlala nyana ho toropong ya León gore ba tšhute nnete. Ka wwoši ne go le Nubia, ke mmane wa gore o na le mabala ya bana ba bašomanyana. Ke tšhutiye naye Bhayibele go segela ba n’romela gore ke ye Managua ka 1976. Go fitiye 18 ya mengwaga ke sa sa kgona go bolabodisana le Nubia le bana bage, go segela ke ya mogahlanong wo mogolo hala León. Ka nako ya ledhina, ne ke dukulugele ke mabala ya masogana, ne go le bana ba mmane Nubia! Ne ke jabodiye la go sa hlayisege mo ke bona gore mmane Nubia o phomelele ga taba ya go gudisa bana bage nneteng.

 Mo mongwaga wa 1970 wo ya gwe feleng, hala Nicaragua go yye gwa tlala ka ditaba tsa go sabalala tsa ba dipolotiki ba go toyatoya. Re yye mahlong re tšhomayela ka matšato. Tšhomo yo ne ke bereka yona ne yi le hala borwa bya toropo ya Masaya, ne re dula re gahlana le ba go toyatoya fote ne ba tshwere tsa go lwa ka tsona. Tšatši le lengwana go thomisiye ntwa ya mogoba wa Sandinista ne wo thunyana le Maphodisa, rune ne re le megahlanong byalo ne di nyaka gore re patlame mo fase gore o sa kraye le rune ba re thunnye. a

 Tšatši le lengwana mo nkene ke le tšhomong, ke gahlanne le ye mongwana wa ba mogoba wa Sandinista a yapere sa go khurumetsa sefahlego a kene a thunyanya mantšinghelane. Ke liketsiye go tšhaba mara gwa nyarela banna ba la ba go yapara tsa go khurumetsa sefahlego. Ke tšhabele ga khona ye nngwana mara ne go se na ga gore go pasopegiye ga gore nka wutama gona. Maphodisa ma yye ma thomisa go thunyanya ma kalamme helekhopta. Jikijiki, monna ye mongwana a bula monyako a n’gogela ka ntlong. Ke di bonne gore ke Jehova ye a phonisiyeng!

 Ke berekiye hala Masaya go segela ka di 20 tsa March 1982, lone ke letšatši lo nka sa tsogeng ke le lebele. Ka bošego byone ne ke na le kapheta ya barumiwa, ne re sa nyaka go ja tsa go ja tsa ka bošego mo re bona mogoba wa masole ya Sandinista wo kene wo tshwere dithunya wo kena jareteng ya mo re dulang. Ba robiye sekwalo ba kena, ka wwoši ga masole yane o yye a thomisa go lakatsa a re: “Le na le awara ka yyoši fela gore ye mongwana le ye mongwana wa lune a pake dijumbha tsage ga sekhwama ka ssoši le re šale nthago.”

 Masole yane ma re yisiye mašemong, ma segela ma re butsisa diputsiso nako ya go lefa. Ke mokane ba re tsere re le kanne ga rune, ba re kalamisa bhase ya gore yisa gheyiting ya go kena ho nageng ya Costa Rica ba re raka hone nageng. Mo matšatši ma kene ma takamela ne ba kene ba raka ba bangwana, barumiwa ka moka bo ba ba rakiyeng ne go le 21.

 Magageru ya hala Costa Rica ma re krayele ga go beya hlogo fote ka motshwana wa gona re kgonne go segela ofising ya lekala la San José. A ra dula nako ya go lefa hone. Ka nthago ga lesome la matšatši, ba re romela ga tšhomo ya nyuwane hala Honduras re le mabala ya barumiwa.

 Hala Honduras, ne ba nromele gore ke bereke hala Tegucigalpa. Mo go šele go gahlanne 33 ya mengwaga ke bereka hone toropong, ga phutego ka yyoši go tšwile mabala ya diphutego. Sa go kwisa go baba, mo nako yi kene yi ya bokgohlane ne bo kene bo yeketsega hala Tegucigalpa. Ne go tlele dikgohlane fote ba n’yetswele ga tlele. Ne go na le mogoba wa dikgohlane wo ne wo dula wo n’kgopela tšheleta kela ba re ke patele “mothelo wa tsa go thega ntwa”. Ne ke ba botsa gore “Ke le tshwarele sa gore ke mong lekolwane go phala tšheleta,” ne ke ba neya sephephana kela dikgatiso tsa rune. Ne ba dula ba nlisetsa ke tifitela!

 Batho ba go tlala mo toropong ya Tegucigalpa ne ba kwana le go beba fote ne ba tilukele, ke gelepiye ba bangwana ba bona gore ba tšibe nnete. Mo re beyisa, ke gopola Betty wa gore ne ke tšhuta naye Bhayibele wa gore ne a šele a thogathoga mara tsone di yye dya thomisa go šaša mo a n’layela a mpotsa gore o nyaka go thomisa go kena kereke ya evangheli. Tsotsone di yye dya nkwisa go baba ka matla mara sa go jabodisa ke gore mo go šele go fitiye mengwaga ka mebedi Betty o lisetsiye kereke yela, ke mokane ra ya mahlong le go tšhuta Bhayibele fote. Ke ntaba a lisetsiye kereke yone? Betty ne a gopodiye ka mokgo magageru ne ma mo tshwere ka gona. (Johane 13:34, 35) O yitseri gaka: “Le yamogela batho ka mokana ga bona megahlanong ya lune le mo ba tihlupegela kela ba ghanye. A le tshwane le ba bangwana.” Mo matšatši ma kene ma takamela Betty o yye a kolobetsiwa.

 Le gaye la barumiwa hala toropong ya Tegucigalpa ba le kwadiye ka 2014, ka nthago ga hone ba nromele gore ke bereke hala Panama. Gana byalo ke dula gaye ga barumiwa le kanne ya barumiwa ba gore ke botala ba maka mmereko wowa.

 Gana byalo ke na le gana hala ga 55 ya mengwaga ke maka mmereko wa barumiwa. Gana byalo, a ke sa kgona go bereka ka mokgo ne ke bereka ka gona mathomisong ka taba la bolwele. Jehova o n’gelepiye gore ke thogo ya mahlong ke tšhutisa ba bangwana ka yene.

 Ayitsano ne go na le tso ne nko ba ke lelekisanne natso ho lephelong? Eya. Mara ne nko ba ke sa rufega ka mokgo ke rufegiyeng ka gona! Ke gelepiye batho ba go teya ka ku ga 50 gore go be dihlatse fote ke ba tseya go le barwayi le barwediya baka. Ke šele ke na le banghana ba go tlala. Go tokegela gana hone, nka “mutšing wo mogolo,”ga gore ke na le mogageru wa mosadi ye ba reng ke Steff wa hala Jeremane, o nnyaka ka matla fote o nthega ga dilo tsa go tlala.

 Le mo ke sa šadha, a sanka ka teya ke bodutu. Jehova ne a na le nna. Ke na le banghana ba go tlala ka matla, ba go tshwana le Marguerite ye ke berekiyeng naye 17 ya mengwaga ga mmereko wa barumiwa. Re jabolele go maka dilo tsa go tlala re le ggoši fote re sa na re mamarelanne.—Diyema 18:24.

 So se njabodisang ka matla ke gore ke berekele Jehova lephelo laka ka mokana ga lona. Ke segelele tso ne ke nyaka go di maka mo ke sa gola fote go na le tsa go tlala tso di mmakegeleng tsa go njabodisa ka matla! Ke fo kwa ke yitseri tswee fote ke nyoko ya mahlong ke berekela Jehova lephelo laka ka mokana ga lona.