Ga go tlala ka ho Bhayibeleng Jeso ba re ke “Morwayi wa Modimo.” (Johane 1:49) Mantsu yawa ya gore “Morwayi wa Modimo” ma šupetsa gore lephelo le Tšwa ga Modimo kela ke yene ye a Makiyeng dilo ka mokana ga tsona, re ra le mong Jeso. (Pisalema 36:9; Kutullo 4:11) Bhayibele a yi tšhutisi gore Modimo ne go le papa wa Jeso ka mokgo batho ba bang le bana.

 Bhayibele yi re mangeloyi le wona ke “barwayi ba Modimo wa mannete.” (Jobo 1:6) Fote yi re motho wa mathomo ye ba reng ke Adamo, ne go le “morwayi wa Modimo.” (Luka 3:38) Mara ka taba la gore Modimo o thomisiye ka go maka Jeso mo a soko maka dilo ka mokana ga tsona, Bhayibele yi mmala go le Morwayi wa mathomo wa Modimo.

•  Ayitsano Jeso o phidiye legedimong mo a soko belegiwa ho lefaseng?

•  Jeso ne a maka ying mo a soko tla ho lefaseng?

 Eya. Jeso ne a na le mmele wa go phela ku legedimong mo a soko bane a belegiwa ho lefaseng. Jeso ka boyene o hlayye gore: “Ke tloga legedimong.”—Johane 6:38; 8:23.

 Modimo o thomisiye ka go maka Jeso mo a soko maka dilo ka mokana ga tsona. Bhayibele yi re Jeso:

•   “Ke … letšibula la dilo ka mokana ga tsona.”—Makolosi 1:15.

•   Ke “yene wa gore ke wa mathomo ga dilo tso Modimo a di makiyeng.”—Kutullo 3:14.

 Jeso o makiye tso ba di hlayyeng ka motho “wa gore ke wa dinako tsa ku botala, wa botalatala.”—Mmika 5:2; Matewu 2:4-6.

 Ne a neyiwwe setulo sa gedimo ku legedimong. Jeso o bolabodiye ka setulo sowa mo a rapela ka gore: “Papa, ne o n’gadimisiye mo lefase le soko ba gona, n’gadimise le gana byalo.”—Johane 17:5.

 O gelepiye Papage gore a make dilo ka mokana ga tsona tso di leng gona. Jeso ne a barekisana le Modimo go le ‘segele ga mmereko wo ne a wo maka.’ (Diyema 8:30) Bhayibele mo yi bolabola ka Jeso yi re: “Ka gore dilo ka mokana ga tsona tsa ku legedimong le tsa ho lefaseng di makiwwe ka taba lage.”—Makolosi 1:16.

 Modimo o berekisanne le Jeso gore a thogo maka selo se sengwana le se sengwana so se leng gona. Ga dilo tsowa go kena, mangeloyi le dilo ka moka tso di leng legedimong le ho lefaseng. (Kutullo 5:11) Ka mantsu ya mangwana, ka mokgo Modimo le Jeso ne ba berekisana ka gona go fo tshwana le mo motho wa go thala dipolane le wa go yaga ba berekisana. Wa go thala dipolane wa di thala ke mokane wa go yaga a yaga tso di thadiwweng.

 Jeso ke setšha go le Lentsu. Mo Bhayibele yi hlatolla lephelo la Jeso la nakwela a le legedimong, yi re ke “Lentsu.” (Johane 1:1) Sowa se šupetsa gore Modimo ne a layelela Morwayi wage gore a ye bolabola le mangeloyi ya mangwana.

 Fote Modimo ne a layelela yene gore a bolabole le batho ho lefaseng. Di ka makega gore Modimo o berekisiye Jeso go le Lentsu mo a neya Adamo le Efa melawo tšhomong ya Edeni. (Genesi 2:16, 17) Fote di ka makega gore Jeso ne go le lengeloyi lo ne le yetetsa Maisrayele ku mašahleng, le gore ke lentsu lage lo Maisirayele ne ma tshwanele ma theetsele lona.—Eksoda 23:20-23. a