Awwa, Lefase lo re gatang ga lona le ka sa tsoge le tlusiwwe, le ka sa tšhubiwi ka molla fote go ka sa makiwi le lengwana sekaleng sa lona. Bhayibele yi tšhutisa gore lefase lo, Modimo o le makele gore batho ba dule mo ga lona go ya go yye.

•   “Batho ba go loka ba nyoko dula ho lefaseng fote ba nyoko dula ho ga lona go ya go yye.”—Pisalema 37:29.

•   “[Modimo] o beyye lefase gedimo ga fandhiši ya lona, le nyoko dula gana mo a le beyyeng gona go ya go yye.”—Pisalema 104:5.

•   “Lefase le nyoko dula le le gona.”—Mmolabodi 1:4.

•   “Ye a makiyeng lefase, Yene wa gore o le makiye gore le tiye, . . . aa le makela mahala, mara o le makele gore batho ba dule ga lona.”—Jesaya 45:18.

 Jehova a ka sa lisetse batho ba sinya lefase lowa ka go le thilafatsa, ka dintwa kela ka mokgwa wo mongwana le wo mongwana. Mara o nyoko “fetsa ka bo ba go sinya lefase.” (Kutullo 11:18) O nyoko di maka byang tsotsone?

 Modimo o nyoko tlosa memmušo ya batho ya gore ya šitega go pasopa lefase lowa a berekisa Mmušo wa legedimong wa gore wo felegelele. (Daniyele 2:44; Matewu 6:9, 10) Ga Mmušo wone go ko ba go lawola Morwayi wa Modimo, Jeso Kreste. (Jesaya 9:6, 7) Nakwela Jeso a le ho lefaseng, ke mo a di kgona tsa go lawola hlago ka mohlolo. (Mareka 4:35-41) Ka gore Jeso go ko ba go le Kgoši ya Mmušo wa Modimo, o nyoko lawola lefase le dilo tso di leng ga lona. O nyoko maka dilo ka bonyuwane, dya boyela dya tshwana le ka mokgo ne di le ka gona tšhomong ya Edene.—Matewu 19:28; Luka 23:43.

 Awwa, a yi reyane. Batho ba go tlala ba nagana tsotsone ka gore a ba nape ba kwisisa gabutši mo lengwalo la 2 Petro 3:7 le re: “Magedimo le lefase tsa gore di gona le gana byalo, di yemele ke mollo.” Go na le ditaba ka dipedi tsa go re gelepa gore re kwisise gore yi rela ying:

1.   Ka ho Bhayibeleng, mantsu ya gore “magedimo,” “lefase” le “mollo” ma ka rela dilo tsa go sa tshwane. Mo re beyisa, Genesi 11:1 yi re: “Lefase ka mokana ga lona le yye mahlong le bolabola mmolabolo ka wwoši.” Mo ga temanyana yowa, “lefase” le rela batho.

2.   Ditaba tso di leng ga 2 Petro 3:7 di ya šupetsa gore magedimo, lefase le mollo tso go bolabodiwang ka tsona hone di rela ying. Tso di leng ga temanyana 5 le 6 di yelana le tsa nakwela ya Mogogola wa Nnowa. Ka nako ya gona, batho ba ku botala go yye gwa fela ka bona mara a gwa makega selo ka lefase. Mogogola wo yye wa bolaya batho ba go sa loka kela “lefase.” (Genesi 6:11) Mogogola wone wo sinnye le mohlobo wa “magedimo” wa gore wo yemela batho ba gore ne ba lawola lefase ka nako yone. Byalo, a gwa sinyega lefase mara go kgwile batho ba go sa loka. Nnowa le ba mutši wage ba phonne, ke mokane ba dula ho lefaseng mo mogogola wo šele wo fitiye.—Genesi 8:15-18.

 Go fo tshwana le meetši ya mogogola, “mollo” kela go sinya, tso di hlayang ke 2 Petro 3:7 di ka sa sinyi lefase lo re dulang ga lona mara di nyoko fetsa ka batho ba go sa loka. Modimo o tshepisa gore go nyoko ba le “magedimo ya nyuwane le lefase la nyuwane tsa gore ga tsona go nyoko beba”. (2 Petro 3:13) Byalo “lefase la nyuwane” kela batho ba nyuwane bo ba ko bang ba phela ka nako yonone ba nyoko lawola ke “magedimo ya nyuwane” kela Mmušo wa Modimo. Mo go šele go lawola mmušo wone, lefase go nyoko ba pharadeyisi.—Kutullo 21:1-4.