•   Wene o kwana le go maka dilo o sa nagana mara ye o šadhiyeng naye o thomisa ka go polana.

•   Wene o kwana le go fo re tsee fote o na le dihlong mara ye o šadhiyeng naye wa tipolabolela fote aa na dihlong.

 Ayitsano ye o šadhiyeng naye o na le mokgwa wa go go tshwatisa? Mo o ka fo dulela go nagana ka taba yone, mošadho wa lune wo nyoko tekateka. Phela, Bhayibele yi re “ye a wunyullang ditaba o sinyanya senghana sa batho ba gore ba mamarelanne.”—Diyema 17:9.

 O sa yikele mekgwa ya go tshwatisa ya ye o šadhiyeng naye yi go kena matolong mara tšhuta go yi tseya gabutši.

Ga hlogotaba yowa

•  Yi tseye gabutši mekgwa ya go go tshwatisa

•  Tso di hlayang ke bo ba šeleng ba šadhiye

•  Tso le ka bolabodisanang ka tsona

 Di ka makega gore so se makang ke ye o šadhiyeng naye sa gore se ya go tshwatisa se yelana le mokgwa wa gore wene mong o nabela go ba nawo. Lebelela kararo ya mešupetso ke yowa:

 “Monnaka wa nanankela mo a maka dilo kela mo a lukiselela gore a ye ga go ya. Mara mokgwa wone wage o maka gore a lefise pelo, le nna o nlefisela pelo. Ka dinako tse dingwana, taba ya gore wa nanankela ya ntshwatisa mara sosone se napa se maka gore ke mo nyake tsa nkare ke moka.”—Chelsea.

 “Mosadi waka wa di kgona tsa go polana o jabola stereke mo a bona gore dilo ka moka di sepela ka mokgo a nyakang, tsotsone dya ntshwatisa wa tšiba. Ka taba la gore aa takisi selo maahlo, aa yi berekisi taba ya gore ke nyoko fo bona ka tsona.”—Christopher.

 “Monnaka aa tihlupe ka selo, sosone se maka gore ke sa tšibi ditaba tsaka. Mara taba ya gore o maka dilo a sa phophoroge ke yona yo yi njabodisiyeng mo re sa gahlana. Ke nabela nkare nka di kgona go kgiba go tshwana naye le mo dilo di sa sepele gabutši.”—Danielle.

 Chelsea, Christopher le Danielle ba tšhutiye gore tso motho ye o šadhiyeng naye a kgonang go di maka kela tso di mo šitang, ga go tlala go fo ba mokgwa wonone ba nang nawo mara wo nyarela ka lehlaya le lengwana. Mo nkare go ka mokgonone, a di kgonege gore o ntshe tsa go potega ke mokane go šale tsa go bafala, go fo tshwana le mahlaya ka mabedi ya tšheleta ya tshipi, o ka sa ma yahluganyi.

 Nnete ke gore, mekgwa ye mengwana a go na sa go jabodisa ka yona. Mo re beyisa, Bhayibele yi re batho ba bangwana ba “fo yakgoswa ba kwata.” (Diyema 29:22) Ga taba yonone, di nyaka motho a karakara gore a kganele kgole le “mokgwa wo mongwana le wo mongwana wa go tshwarana ka pelo, go kwata, go fufulela, go garatsa, go kgwasolana.” a—Maefeso 4:31.

 Mara mo nkare mokgwa wone wo fo go tshwatisa, maka so Bhayibele yi se hlayang mo yi re: “Ariyeneng mahlong le lefiselana dipelo . . . le mo go ka fo ba go na le so se ka makang gore ye mongwana a kokole.”—Makolosi 3:13.

 Fote, liketsa go kraya sa gabutši ga mokgwa wone wa go tshwatisa—so se makiyeng gore o kwe o mo nyaka ka matla nakwela le sa tšwa go gahlana. Monna ye mongwana ye ba reng ke Joseph o re, “Mo o fo dulela go nagana ka mokgwa wone wa go tshwatisa di fo tshwana le mo o llisa ke gore dhayimonde yi na le ga go seganyana mara o sa bone gore yi bafele fote yi gadimela go segela kaye.”

 Sa mathomo, ye mongwana le ye mongwana a ka nagana ka diputsiso tsowa a le ntoši. Ke mokane le petapete ka diphetolo tsa lune.

•   Ayitsano ye o šadhiyeng naye o na le mokgwa wo wo makang gore le sa fitisane gabutši ka mošadhong wa lune? Mo nkare go ka mokgonone, mokgwa wonone ke wo feng?

•   Ayitsano mokgwa wone ke mong taba ye kgolo kela go fo ba go le selo sa go tshwatisa?

•   Nje se gona sa gabutši so o ka se krayang ga mokgwa wonone? Mo nkare go ka mokgonone, king sa go bafala ka wona fote ke ntaba o se tseyela gedimo?