SEPTEMBER 12, 2014
Germany
Sachsenhausen Memorial e Hlompha Hlatse ya Jehofa Yeo e Bolailwego ke Manazi
SELTERS, Germany—ka September 16, 2014, Brandenburg Memorials Foundation e ile ya dira moletlo o bohlokwa wa go gopola mengwaga e 75 ya go bolawa ga August Dickmann kua kampeng ya tshwenyo ya Sachsenhausen. E bile motho wa pele yoo a ilego a bolawa ke Manazi pele ga batho nakong ya Ntwa ya Bobedi ya Lefase ka ge a be a gana go tsenela mediro ya bošole ka baka letswalo.
August Dickmann, circa 1936.
Ka October 1937, Mna. Dickmann o ile a golegwa kampeng ya tshwenyo ya Sachsenhausen ka baka la tumelo ya gagwe e le Hlatse ya Jehofa. Matšatši a mararo ka morago ga go thoma ga Ntwa ya Bobedi ya Lefase ka 1939, Magestapo a ile a laela Mna. Dickmann gore a tle a saene karata ya boitsebišo ya mašole, yeo e bego e dira gore a tsebje e le lešole la Jeremane. Ge Mna. Dickmann a be a gana, o ile a bewa a nnoši ka seleng gomme molaodi wa kampa o ile a nyaka tumelelo ya molaodi wa SS go bolaya Mna. Dickmann pele ga bagolegwa ba bangwe. Ka September 15, 1939, morwarrago Mna Dickman e lego Heinrich gotee le Dihlatse tša Jehofa tše makgolokgolo, di ile tša gapeletšwa go bogela ge a bolawa. Ka morago ga matšatši a mabedi, The New York Times e ile ya bega e le kua Jeremane gore: “August Dickmann wa mengwaga e 29, . . . o thuntšheditšwe mo ke mašole.” Kuranta ye e ile ya ba ya bega gore o ile a newa kotlo ka ge a ganne go tsenela mediro ya bošole “ka baka ditumelo tša gagwe tša bodumedi.”
Ka September 18, 1999, sengwalwa seo se hlomphago Dihlatse tša Jehofa tše fetago 890 tšeo di bego di golegilwe kua Sachsenhausen se ile sa bewa lebotong la ka ntle la kampa ye yeo e bego e dirišwa kgale. Go oketša moo, go ile gwa bulwa le leswika la segopotšo go hlompha Mna. Dickmann.
Moletlo wo o ile wa thoma lebitleng la Mna. Dickmann, gwa latela dipolelo tšeo di bego di swaretšwe khitšhing ya kgolego ya kgale. Dr. Detlef Garbe, yo e lego mongwadi le mohlahli wa Neuengamme Concentration Camp Memorial, e be e le seboledi sa moeng.
Ba Ditaba:
Bakeng sa Ditšhabatšhaba: J. R. Brown, Ofisi ya Boditšhabatšhaba, mogala +1 718 560 5000
Jeremane: Wolfram Slupina, mogala +49 6483 41 3110
You May Also Like
DITABA TŠE DI LOKOLOTŠWEGO
Baphologi ba Kampa ya Auschwitz le Dihlatse tša Jehofa ba Gopolwa ka Morago ga Mengwaga e 70 ba Lokolotšwe
Ka January 27, 2015, baphologi ba Auschwitz, gotee le baeng ba mmušo ba tšwago dinageng tše dingwe le baeng ba bangwe ba diketekete, ba ile ba gopola mengwaga e 70 ya go lokollwa dikampeng tša tshwenyo tša Manazi Jeremane le kampa ya lehu.
Dihlatse tša Jehofa di a Hlompšha Kua Kampeng ya Tshwenyo ya Gusen Memorial
Ka April 13, 2014, sengwalwa sa segopotšo se butšwe go gopola Dihlatse tše 450 tšeo di bego di golegilwe ke Manazi dikampeng tša tshwenyo tša Mauthausen le Gusen kua Austria.
DITABA TŠE DI LOKOLOTŠWEGO
Go Bulwa ga Segopotšo sa Mophologi wa Dipolao tše Sehlogo Kua Jeremane
Ke eng seo se neilego mohu Max Liebster matla a go phologa dikampa tše hlano tša Manazi?
DITABA TŠE DI LOKOLOTŠWEGO
Richard Rudolph wa Kua Jeremane, Yoo a Ilego a Tlaišwa Kampeng ya Tshwenyo, o Hlokofetše a na le Mengwaga e 102
Richard Rudolph, o ile a kgotlelela mengwaga e fetago e 19 a golegilwe ka tlase ga pušo ya Manazi le Makomanisi ka baka la ditumelo tša gagwe tša bodumedi.
DITABA TŠE DI LOKOLOTŠWEGO
Karolo ya Bidio ya: Jehovah’s Witnesses Stand Firm Against Nazi Assault
Dihlatse tšeo di bonego ka mahlo di hlalosa go bolawa ga August Dickmann kua kampeng ya tshwenyo ya Sachsenhausen.