Beibele e dirilwe ka dipuku tše 66 tše dikgethwa.[1] E tšere mengwaga e ka bago e 1,600 gore e ngwalwe. Beibele ke “lentšu la Modimo.”—1 Bathesalonika 2:13.

Mo sehlogong se re tlo bolela ka

•  Dilo tšeo di kgahlišago ka Beibele

•  Beibele e bolela ka eng?

•  Na Beibele e fetošitšwe?

•  Ke ka baka la eng go na le diphetolelo tša Beibele tše dintšhi tša go se swane?

•  Ke mang yo a kgethilego gore ke eng seo se swanetšego go ba gona ka Beibeleng?

•  Na go na le dipuku tša Beibele tšeo di timetšego?

•  O ka hwetša bjang ditemana tša Beibele?

•  Maina a dipuku tša Beibele

•   Ke mang yo a ngwadilego Beibele? Modimo ke Mongwadi wa Beibele eupša o dirišitše banna ba 40 gore ba e ngwale. Ba bangwe ba banna ba e be e le Kgoši Dafida, Mateo, Mareka, Luka, le Johane. a Modimo o ba boditše dikgopolo tša gagwe e le gore ba kgone go ngwala molaetša wa gagwe.—2 Timotheo 3:16.

   Ka mohlala: Le ge mong wa kgwebo a ka kgopela mongwaledi wa gagwe gore a mo ngwalele molaetša, mohlomongwe e bile a mmotša gore a ka ngwala ka eng, eupša mong wa kgwebo e sa le yena yo a ngwadilego molaetša woo. Ka mo go swanago, le ge Modimo a dirišitše banna go ngwala Beibele eupša ke yena Mongwadi wa yona.

•   Lentšu “Beibele” le ra go reng? Lentšu “Beibele” le tšwa go lentšu la Segerika biblia, leo le rago gore “dipuku tše dinyenyane.” Ge nako e dutše e eya, lentšu biblia le ile la hlalosa dipuku ka moka tše dinyenyane tšeo di dirago Beibele.

•   Beibele e ngwadilwe neng? Beibele e thomile go ngwalwa ka 1513 B.C.E. gomme ya fetšwa ka morago ga mengwaga e ka godimo ga 1,600 moo e ka bago ka 98 C.E.

•   Beibele ya mathomothomo e kae? A go na dipuku tša mathomothomo tša Beibele tšeo di sa lego gona. Ka baka la gore bangwadi ba Beibele ba be ba diriša dilo tšeo di senyegago go swana le papirase le letlalo la go ngwalela. Lega go le bjalo, bangwalolodi ba ile ba ngwallola Beibele ka mengwaga e mentšhi e le gore batho ba tle ba kgone go e bala.

•   “Testamente ya Kgale” le “Testamente e Mpsha”ke eng? Testamente ya Kgale e hlalosa dikarolo tša Beibele tšeo di bego di ngwadilwe ka Seheberu, b tšeo di bitšwago Mangwalo a Seheberu. Testamente e Mpsha ke dikarolo tša Beibele tšeo di ngwadilwego ka Segerika, tšeo di bitšwago Mangwalo a Bakriste a Segerika. Dikarolo tše tše pedi ge di hlakane di dira puku yeo e bitšwago Mangwalo a Makgethwa. c

•   Re hwetša eng ka gare ga Beibele? Ka Beibeleng re hwetša diporofeto, melao, histori , direto, diema, dikoša le mangwalo. Bona “ Maina a dipuku tša Beibele.”

 Beibele e thoma ka go re botša ka kamoo Modimo Ramatlaohle a ilego a bopa lefase. Modimo o diriša Beibele go thuša batho gore ba mo tsebe le go ba botša leina la gagwe e lego Jehofa.—Psalme 83:18.

 Beibele e re botša gore go ile gwa bolelwa maaka ka Modimo e bile e re botša gore Modimo tlo dira eng gore maaka ao a phumolwe.

 Beibele e re botša ka morero woo Modimo a nago le ona ka batho le ka lefase. E re botša le gore Modimo o tlo fediša bjang tlaišego nakong e tlago.

 Beibele e re fa dikeletšo tšeo re ka di dirišago bophelong. Mehlala ya kamoo Beibele e ka re thušago ka gona:

•   Go dirišana le batho ba bangwe gabotse. “Ka baka leo, dilo tšohle tše le nyakago batho ba le dira tšona,le lena le ba dire tšona.”—Mateo 7:12

   Tlhaloso: Re swanetše go swara batho ba bangwe ka tsela yeo re ka ratago gore ba re sware ka yona.

•   Ge re na le stress. “Le ka mohla le se ke la belaela ka letšatši le le latelago, gobane letšatši le le latelago le tla ba le dipelaelo tša lona..”—Mateo 6:34.

   Tlhaloso: Go e na le gore re tshwenyege ka dilo tšeo di tlago go direga nakong e tlago go kaone gore re tshwenyege ka mathata ao re nago le ona gona bjale.

•   Go thabela lenyalo. “Ka gona, monna yo mongwe le yo mongwe o swanetše go rata mosadi wa gagwe bjalo ka ge a ithata. Mosadi yena o swanetše go hlompha monna wa gagwe ka mo go tseneletšego.”—Baefeso 5:33.

   Tlhaloso: Lerato le tlhompho ke dilo tša bohlokwa lenyalong.

 Aowa. Diithuti tša Beibele di ile tša bapetša dikopi tša Beibele yeo e ngwadilwego kgale le Beibele ya gona bjale gomme tša hwetša gore molaetša wa gona ga se wa fetoga. Ka ge Modimo a nyaka gore batho ba kwe molaetša wa gagwe le go o kwešiša, na ga go kwagale gore o be a tlo dira gore Beibele e se ke ya fetošwa? d—Jesaya 40:8

 Batho ba bantšhi bao ba balago Beibele lehono, ba ka se kgone go kwešiša leleme leo le dirišitšwego go ngwala Beibele nakong e fetilego. Lega go le bjalo, Beibele e swaretše “ditšhaba tšohle, meloko yohle, maleme ohle le batho bohle”, “ditaba tše dibotse.” (Kutollo 14:6) Ka lebaka leo, batho ba hloka Beibele ka leleme leo ba le kwešišago gore ba kgone go e bala le go kwešiša molaetša wa Modimo gabotse.

 Go na le mehuta e meraro ya diphetolelo tša Beibele:[18]

•   Phetolelo ya lentšu ka lentšu e fetolela mantšu ka mokgwa wo a lego ka gona.

•   Phetolelo ya kgopolo ka kgopolo e šomiša mantšu ao a hlalosago kgopolo yeo e bego e ngwadilwe mathomong.

•   Phetolelo yeo e dirišago mantšu a go swana le ao a ngwetšwego e diriša mantšu ao a ka kgahlago mmadi. Lega go le bjalo, ka ge go diriša Phetolelo ya mantšu a go swana le ao a ngwetšwego e nyaka gore mmadi a thabele seo a se balago ka dinako tše dingwe e ka fetoša molaetša wa seo se bolelwago.

 Beibele yeo e fetoletšwego gabotse e diriša phetolelo ya lentšu ka lentšu e bile e diriša le mantšu ao batho ba mehleng ye ba kgonago go a kwešiša e le gore ba kgone go kwešiša molaetša wa Beibele gabotse. e

 Ka ge Modimo e le yena Mongwadi wa Beibele, ke yena a kgethilego gore ke eng seo se swanetšego go ba ka Beibeleng. O ile a kgetha setšhaba sa Isiraele gore se ‘gafelwe dipolelo tše kgethwa tša Modimo,’ e le gore ba šireletše Mangwalo a Seheberu.—Baroma 3:2.

 Aowa. Beibele e feletše, a gona dipuku tšeo di timetšego. Ba bangwe ba ka re dipuku tšeo di ngwadilwego kgale di swanetše go ba ka Beibeleng. f Beibele e na le tsela ya yona ya go bontšha nnete. (2 Timotheo 1:13) Ka gona, dipuku tšeo di ngwadilwego ke Modimo di ya sepedišana. Dipuku tšeo di ngwadilwego kgale, tšeo batho ba naganago gore ke karolo ya Beibele ga di sepedišane le dipuku tše dingwe tša ka Beibeleng. g