Na Lentšu Pakatori le Gona ka Beibeleng?

BAPALA

Karabo ya Beibele

Aowa, ga le gona. Ka Beibeleng ga go na lentšu pakatori goba thuto ya gore meoya ya bao ba hwilego e hlwekišwa lefelong leo go thwego ke pakatori. a Ela hloko seo Beibele e se rutago mabapi le sebe le lehu le kamoo Beibele e sa dumelelanego le thuto ya pakatori.

Go ba le tumelo mading a Jesu ke gona go hlwekišago motho sebeng, e sego go išwa pakatoring. Beibele e re “madi a Jesu Morwa wa [Modimo] a re hlwekiša sebeng sohle” e bile e re ‘Jesu Kriste o re lokolotše dibeng tša rena ka madi a gagwe.’ (1 Johane 1:7; Kutollo 1:5) Jesu o neile “moya wa gagwe gore e be topollo bakeng sa ba bantši.—Mateo 20:28.
Batho bao ba hwilego ga ba tsebe selo. “Bao ba phelago ba a tseba gore ba tlo hwa; eupša ge e le bahu ga ba tsebe selo.” (Mmoledi 9:5) Motho yo a hwilego ga a kwe selo, ka baka leo a ka se hlwekišwe ka mollo pakatoring.
Ga go na kotlo ya dibe ka morago ga gore motho a hwe. Beibele e re “moputso woo sebe se o lefago ke lehu” e bile e re “yo a hwilego o hunologile sebeng.” (Baroma 6:7, 23) Lehu ke kotlo ya sebe.

Thuto ya mabapi le pakatori e tšwa kae?

Bagerika ba bogologolo ba be ba dumela gore go na le lefelo leo go yago masea ao a hwilego a se a kolobetšwa le lefelo la pakatori. Filosofi ya Gerika e ile ya tutuetša Clement wa Alexandria go bolela gore bahu ba ka hlwekišwa dibe ka mollo. Lega go le bjalo, go ya ka puku ya The History of Christian Doctrines, Mopapa Gregory yo Mogolo ke yena a dirilego gore batho ba dumele gore go na le mollo lefelong la pakatori. Puku ye ya ditšhupetšo e oketša ka gore, Gregory yoo e bego e le mopapa go tloga ka 590 go fihla ka 604 C.E., “gantši o bitšwa ‘mothomi wa pakatori.’” Kereke ya Katholika e ile ya tsebiša semmušo thuto ya yona ya mabapi le pakatori Lekgotleng la Lyons (ka ngwaga wa 1274) le Florence (ka ngwaga wa 1439) gomme ya tiišetša thuto yeo gape Lekgotleng la Trent ka ngwaga wa 1547.

a Puku e rego Orpheus: A General History of Religions ge e bolela mabapi le pakatori e re “ga go bolelwe selo ka pakatori ka Diebangeding.” Ka mo go swanago, puku ya New Catholic Encyclopedia e bolela gore: “Se se šalago ke gore, thuto ya Katholika ya mabapi le pakatori e theilwe ditšong tša batho e sego Mangwalong a Makgethwa.”—Second Edition, Bolumo 11, letlakala 825.

b Bala puku ya New Catholic Encyclopedia, Second Edition, Bolumo 11, letlakala 824.

Dihlatse tša Jehofa

Na Lentšu Pakatori le Gona ka Beibeleng?

Karabo ya Beibele

Related Topics

You May Also Like

Ke eng Seo Beibele e se Bolelago ka Lehu?

Moya Soul ke Eng?

Na Bahu ba a kwa Goba ba a Bona?

Jesu o Phološitše Batho Bjang?

Tsogo ya Bahu ke Eng?

Kgopela Thuto ya Mahala ya Beibele