Nka Rapelela Eng?
Karabo ya Beibele
Bjalo ka ge go bontšhitšwe ka Beibeleng, o ka rapelela selo le ge e le sefe seo se dumelelanago le thato ya Modimo. “Go sa šetšwe seo re se kgopelago go ya ka thato ya Modimo, Modimo o a re kwa.” (1 Johane 5:14) Na o ka rapelela dilo tšeo di go tshwenyago? Ee. Beibele e re: “Tšhollang dipelo tša lena le le pele ga [Modimo].”—Psalme 62:8.
Mehlala ya dilo tšeo o ka di rapelelago
Kgopela go ba le tumelo go Modimo.—Luka 17:5.
Moya o Mokgwethwa, goba matla a šomago a Modimo, go go thuša go dira se se lokilego.—Luka 11:13.
Matla a go kgotlelela mathata le go ganetša diteko.—Bafilipi 4:13
Khutšo goba go theoša maswafo.—Bafilipi 4:6, 7.
Bohlale bja go dira diphetho tše dibotse.—Jakobo 1:5.
Thušo ya go hwetša dinyakwa tša letšatši le letšatši.—Mateo 6:11.
Tebalelo ya dibe.—Mateo 6:12.
You May Also Like
MOROKAMI
O ka Rapela Bjang Gore Modimo a kwe Dithapelo tša Gago?
O ka rapela Modimo nako e nngwe le e nngwe, go sa šetšwe gore o gokae. O ka mo rapela ka go hlaboša goba wa mo rapela ka pelong. Jesu o re thušitše go bona gore re ka rapelela eng.
DIPOTŠIŠO TŠA BEIBELE DI A ARABJA
Ke ka Baka la Eng Modimo a Hlokomologa Dithapelo tše Dingwe?
Ithute ka mohuta wa dithapelo tšeo Modimo a sa di arabego le ka mohuta wa batho bao Modimo a sa ba theetšego.
DITHUTO TŠA BEIBELE
Leka Thuto ya Rena ya Beibele
Ithute Beibele mahala o thušwa ke motho yo mongwe.