Khunkhwane yeo e tiilego bjalo ka tšhipi e dula bohlabela bja Lebowa la Amerika. Go ya ka dinyakišišo khunkhwane ye e kgona go rwala morwalo o boima o o ka lekanago mmele wa yona ka makga a 39 000 gomme e ka kgona go phologa le ge e ka gatwa ke koloi. Khunkhwane ye e kgona go kgotlelela bjang maemo a a thata?

 Legapi la ka godimo le la ka tlase la khunkhwane ye le kgona go kopana mathoko ka moka. Mohuta wa pele wa legapi le, o kgona go šireletša khunkhwane ge ele ka tlase ga maemo a thata. Mohuta wa bobedi wa legapi ona ga wa tia, ka gona o kgona go thuša khunkhwane gore e se ke ya kobega. Mola mohuta wa boraro wa legapi ona o dira gore go be bonolo gore e kgone go sepela. Mohuta wo wa boraro o dira le gore khunkhwane ye e kgone go tsena ka tlase ga mohlare ebile e ka kgona go ikuta ka gare ga maswika a boima.

 Go oketša moo, mo magareng ga legapi la khunkhwane go na le moroko wo o nago le makwata ao a bitšwago di blades. ao a kopanago ao a e thušago gore e kgone go tloša boima bjo bongwe le bjo bongwe. Di blades tše di pakilwe le go kgomarelana gotee. Ge makwata a a ka gatwa go tšwa di proteins tšeo di e thušago go kgotlelela bohloko ntle le gore di blades tšeo di arogane.

 Banyakišiši ba bolela gore bahlami ba ka ekiša tsela yeo khunkhwane ye e dirilwego ka gona ge ba dira dikoloi, maporogo le meago.

 O nagana’ng? Na legapi la khunkhwane leo le tiilego bjalo ka tšhipi le itirile goba le hlamilwe?