Psalme 114:1-8
114 Ge Baisiraele ba be ba tloga Egepeta,Ge ba ntlo ya Jakobo ba be ba tloga bathong bao ba bego ba bolela leleme leo ba sa le kwešišego,
2 Juda e ile ya ba lefelo la Modimo le lekgethwa,Gomme Isiraele ya ba mmušo wa gagwe.
3 Ge lewatle le bona seo le ile la tšhaba,Gomme Noka ya Jorodane ya boela morago.
4 Dithaba di ile tša tshelatshela go etša dinku tše tona,Gomme meboto ya tshelatshela go etša dikwana.
5 Wena lewatle, go re’ng o be o tšhaba?
Wena Noka ya Jorodane, go re’ng o be o boela morago?
6 Lena dithaba, le re’ng le be le tshelatshela go etša dinku tše tona?Lena meboto, le re’ng le be le tshelatshela go etša dikwana?
7 Wena lefase, thothomela pele ga Morena,Le pele ga Modimo wa Jakobo,
8 Yena yoo a fetošago leswika gore e be meetse a mantšhi ao a nago le mahlaka,Leswika le le thata a le fetoša didiba.
