Psalme 28:1-9
-
Thapelo ya mopsalme e a kwewa
-
“Jehofa ke matla a ka le kotse ya ka” (7)
-
Koša ya Dafida.
28 Wena Jehofa Leswika la ka,Ke dula ke go kgopela gore o nthuše. Ntheetše hle.
Ge o ka dulela go nkhomolela,Ke tlo ba bjalo ka motho yo a hlokofetšego.
2 Ntheetše ge ke lla ke kgopela gore o nthuše,Ge ke emiša matsogo a ka ke lebeletše phapošing ya ka garegare ya lefelo la gago le lekgethwa.
3 O se ke wa nkahlola le ba babe, bao ba tlwaetšego go dira dilo tšeo di gobatšago,Bao ba bolelago le batho ba bangwe tše e kego ke bagwera ba bona, mola ka dipelong tša bona ba naganne dilo tše mpe.
4 Ba ahlole go ya ka mediro ya bona,Le go ya ka dilo tše mpe tšeo ba di dirago.
Ba ahlole go ya ka mediro ya diatla tša bona,Le go ya ka dilo tšeo ba di dirilego.
5 Ka ge ba se na taba le mediro ya JehofaLe dilo tšeo a di dirago,
O tla ba wiša gomme a se ba tsoše.
6 Jehofa a a retwe,Ka gobane o nkwele ge ke mo kgopela gore a nthuše.
7 Jehofa ke matla a ka le kotse ya ka.Ke mo tshepa ka pelo ya ka ka moka,
O nthušitše e bile pelo ya ka e thabile.Bjale, ke tla mo opelela koša ya go mo reta.
8 Jehofa o nea batho ba gagwe matla,O swana le lefelo la go ikuta, o phološa motlotšwa wa gagwe.
9 Phološa batho ba gago, o be o šegofatše bohwa bja gago,
Ba diše gomme o ba kuke go ya go ile.
