Psalme 38:1-22

  • Thapelo ya motho yo a kwago bohloko yoo a itsholago

    • ‘Go tlalelwa le go felelwa ke matla’ (6)

    • Jehofa o kwa bao ba letetšego gore a ba thuše (15)

    • “Ke be ke tshwenywa ke sebe sa ka” (18)

Koša ya Dafida yeo batho ba swanetšego go e gopola. 38  Hle Jehofa, o se nkgale o galefile,Le gona o se mphošolle o befetšwe.  2  Gobane mesebe ya gago e ntlhabile ya tsenelela,Gomme seatla sa gago se a nkimela.  3  Mmele wa ka ka moka o bohloko ka gobane o nkgalefetše. Ga ke na khutšo ka gobane ke dirile sebe.  4  Melato ya ka e pakelane godimo ga hlogo ya ka,E nkimela kudu go etša morwalo o boima.  5  Dintho tša ka di a nkga, e bile di na le boladuKa baka la bošilo bja ka.  6  Ke tlaletšwe e bile ke feletšwe ke matla.Letšatši ka moka ke itshepelela ke nyamile.  7  Mmele wa ka o a thunya,E bile ke kwa bohloko.  8  Ke hwile bogatšu gomme ke nyamile o šoro.Ke goeletša ke lla ka ge pelo ya ka e kwele bohloko.  9  Wena Jehofa, o tseba dilo ka moka tšeo ke di nyakago,Gomme o dula o nkwa ge ke fegelwa. 10  Pelo ya ka e betha ka matla gomme matla a ka a fedile,Le gona mahlo a ka ga a sa kgona go bona.* 11  Bagwera ba ka ga ba sa nnyaka ka gobane ke a babja,Gomme batho bao ke ba tlwaetšego le bona ba emela kgojana le nna. 12  Bao ba nyakago go mpolaya ba mpeela molaba,Bao ba nyakago go nkweša bohloko ba bolela gampe ka nna.Letšatši ka moka ba ntogela maano a gore ba mphore. 13  Ge e le nna, ke be ke itira eka ga ke ba kwe.Gomme ka ikhomolela eka ga ke kgone go bolela. 14  Ke itira motho yo a sa kgonego go kwa,Yo a ka se bolelego selo gore a ikemelele. 15  Gobane ke be ke letetše gore o nthuše, wena Jehofa,Gomme wa nthuša wena Jehofa Modimo wa ka. 16  Gobane ke itše: “Anke ba se ke ba thaba ka nna,Goba ba nnyatša ge ba bona ke kgopša.” 17  Gobane ke be ke le kgauswi le go wa,Le gona ke be ke dula ke ekwa bohloko. 18  Ke ile ka ipobola molato wa ka,Ka gobane ke be ke tshwenywa ke sebe sa ka. 19  Eupša manaba a ka a tiile e bile a na le matla,Bao ba ntlhoilego ntle le lebaka ba oketšegile. 20  Ba ntshwere gampe le ge ke se ka ba dira selo.Ba be ba leka go nthibela go dira dilo tše dibotse. 21  O se ke wa ntlogela, hle Jehofa. Wena Modimo wa ka, o se ke wa emela kgole le nna. 22  Etla o nthuše ka pela,Wena Jehofa yo a mphološago.

Mengwalo ya tlase

^ Phetolelo ya lentšu ka lentšu e re, “Seetša sa mahlo a ka se timile.”
PHETOLELO YA LEFASE LE LEFSA YA MANGWALO A MAKGETHWA
Dipsalme 38
Sepedi
Bala Beibele Inthaneteng
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt