Psalme 83:1-18
Koša ya Asafa.
83 Wena Modimo, anke o se homole.Bolela se sengwe goba o dire se sengwe, wena yo godimodimo.
2 Ka gobane manaba a gago a itokišeditše go lwa,Bao ba go hloilego ba nyaka go lwa* le wena.
3 Ba loga maano ka sephiring gore ba lwe le batho ba gago.Ba logela batho ba gago bao o ba ratago maanomabe.
4 Ba re: “Etlang re fediše setšhaba sa Isiraele,E le gore leina la Isiraele le se sa gopolwa le gatee.”
5 Ba loga maanomabe gomme ba dumelelanaGore ba lwe le wena.
6 E be e le Baedomo, Baishimaele, Bamoaba, Bahagari,
7 Bagebala, Baamoni, Baamaleke,Bafilisita gotee le badudi ba Tiro.
8 Asiria le yona e a ba thekga,Ka moka ga bona ba thekga barwa ba Lota. (Selah)
9 Hle ba otle ka mokgwa wo o otlilego Midiane, le ka mokgwa wo o otlilego Sisera,Le Jabini moeding wa Kishoni.
10 Ba fedišeditšwe Endoro,Gomme ba fetoga manyora a mmu.
11 Batho ba bona bao ba hlomphegago o ba dire tšeo o di dirilego Orebe le Seebe,Gomme baetapele ba bona o ba dire tšeo o di dirilego Tseba le Tsalamuna.
12 Ka gobane ba itše: “A re itšeeleng naga yeo Modimo a dulago go yona.”
13 Hle Modimo wa ka, ba dire gore ba swane le meetlwa ya go oma yeo e tšewago ke sesasedi,O ba dire gore ba swane le mahlaka ao a tšewago ke phefo.
14 Go swana le mollo wo o tšhumago sethokgwa,Le mollo wo o tšhumago dithaba gore e šale e le mešidi feela,
15 Le wena o ba rakediše ka ledimo la gago,O be o ba tšhoše ka ledimo la gago.
16 Dira gore ba hlabje ke dihlong,E le gore ba bitše leina la gago, hle Jehofa.
17 Anke ba hlabje ke dihlong gomme ba dule ba tšhogile,Anke ba swabe gomme ba fedišwe.
18 Anke batho ba tsebe gore leina la gago ke Jehofa,Le gore ke wena o nnoši o lego yo Godimodimo godimo ga lefase ka moka.
Mengwalo ya tlase
^ Phetolelo ya lentšu ka lentšu e re, “ba tsošitše dihlogo.”
