BÍHWIIDOOʼÁŁÍGÍÍ 10
Tʼááʼaanííjígo Oodląʼígíí Haitʼéego Bééhodíísįįł?
1. Tʼááʼaanííjí oodląʼísh tʼááłáʼígo hólǫ́?
“Tʼóó ádahodilʼı̨́įgo dahalneʼii bitsʼąą ádaa ádahołyą́.”—MATTHEW 7:15.
Jesus bídahoołʼaahgo bikééʼ tádíkááh yę́ę tʼááłáʼí oodląʼ yee neineeztą́ą́ʼ, éí tʼááʼaanííjí oodląʼígíí átʼé. Díí oodląʼígíí éí hoolʼáágóó iiná bichʼįʼ honítʼiʼ nahalin. Jesus ádííniid: díí honítʼiʼígíí “tʼáá díkwíí éí yikʼídahakááh.” (Matthew 7:14) God oodląʼ bił tʼááʼákoígíí éí Bizaad tʼááʼaanínígíí binahjįʼgo tʼéiyá. Tʼááʼałtso tʼááʼaanííjígo daʼoodlánígíí bee oodląʼ yee łáʼí danilı̨́.—Psalm 25:5; John 14:6; Ephesians 4:4, 5 yííníłtaʼ.
Video God éísh Tʼáá Ałtso Oodląʼígíí Bił Yáʼátʼééh? bee naniné
2. Oodlání tʼóó ádaʼdilʼínígííshąʼ Jesus haʼátʼíí níigo yaa haadzííʼ?
“Diyin God Bizaad béédahoniilzin, daaní, nidi ádaaníłígíí bee bééhózingo éí tsʼídá Diyin God doo deinízin da.”—TITUS 1:16.
Jesus tʼááʼíídą́ą́ʼ átséedi ádííniid, łaʼ yoochʼı̨́ı̨́d diné yee nideenitin doo. Tʼáadoo bahatʼaadí díí tʼááʼaanííjí oodląʼígíí tʼóó ádaazhdilʼı̨́, áko díí éí Oodlání daniidlı̨́ daaní. Ndi tʼáá íiyisíí ádajítʼéhígíísh yííníʼı̨́? Tʼááʼaanííjígo oodląʼígíí tʼéiyá tʼááʼaaníí Oodlání ádeileʼ. Áko tʼááʼaaníí Oodlání danilínígíí ádaatʼéegi dóó bidaʼiinaʼ dayółtʼééhígi tʼáá béédahózíní łeh.—Matthew 7:13-23 yííníłtaʼ.
3. Tʼááʼaanííjígo daʼoodlánígíísh éí haitʼéego bee bééhodíísįįł?
Bee ééhodoozįįłígíí kweʼé ashdlaʼgo ałkééʼ sinilígíí baa nitsíníkees:
-
Tʼááʼaanííjígo daʼoodlánígíí Diyin God Bizaad deidísin. Biiʼdóó iiná kʼehgo oodááłdooígíí yikʼehgo deiyíkááh. Áko tʼááʼaanííjí oodląʼígíí dóó bílaʼashdlaʼii tʼáá bíniʼ kʼehgo bee daʼoodląʼígíí doo bił aheełtʼée da. (Matthew 15:7-9) Tʼááʼaanííjígo daʼoodlánígíí yee nidaʼnitinígíí yikʼehgo deiyíkááh.—John 17:17; 2 Timothy 3:16, 17 yííníłtaʼ.
-
Jesus bikééʼ deiyíkáhígíí éí God bízhiʼ Jiihóvah bił danilı̨́įgo deidísin. Jesus éí God bízhiʼ bił nilı̨́įgo ííshją́ą́ áyiilaa. Diné God yéédahodoosįįł dóó bízhiʼ dílzingo baa sodazhdilzin doo biniyé nahoneeztą́ą́ʼ. (Matthew 6:9) Kééhonítʼínígi háísh oodląʼ yee ałʼąą dah deiyíkáhígíí God bízhiʼ ííshjání ádeileʼ?—John 17:26; Psalm 68:4 yííníłtaʼ.
-
Tʼááʼaaníí Oodlání danilíinii éí God biNahatʼaʼ yaa nidahalneʼ. Jesus éí God biNahatʼaʼ nizhónígo baa haneʼígíí baa nahozhdoolnihgo biniyé God honíłʼaʼ. God biNahatʼaʼ tʼéiyá bee bílaʼashdlaʼii bá bił chohooʼı̨́. Jesus díí tʼáá baa yájoołtihgo ájídin. (Luke 4:43; 8:1; 23:42, 43) Áádóó bikééʼ ndaakaiígíí ałdóʼ díí yaa ndahalneʼ doo ní. Tʼáá háida God biNahatʼaʼ yaa halneʼgo naaníyáago, háiidííshąʼ oodlánígíí nilı̨́į doo?—Matthew 24:14 yííníłtaʼ.
-
Jesus bikééʼ deiyíkáhígíí doo yáʼáshǫ́ǫ́góó hoogáłígíí doo daʼatah da. Díí baa ákodíníízįįł bílaʼashdlaʼii binahatʼaʼ bił ndaaztʼiʼígíí dóó ałkʼijįʼ ídlı̨́ doo yee daʼatah da. (John 17:16; 18:36) Bílaʼashdlaʼii doo yáʼáshǫ́ǫ́góó bibee íʼoolʼįįł dóó bíighahí ádaaʼtʼéhígíí ałdóʼ doo yéédaʼalʼı̨́į da.—James 4:4 yííníłtaʼ.
-
Tʼááʼaaníí Oodlání danilínígíí bééhózínígo ahidiníłnáago ayóíʼádaʼhóʼní. Diyin God Bizaad binahjįʼ tʼááʼałtso ałʼąą dadineʼé bił danilı̨́įgo yídahoołʼaah. Doo tʼááʼaaníí oodlání danilínígíí tʼááʼáko anaaʼ haleehgo yikééʼ niikah, ákondi tʼááʼaanííjí oodląʼ danilínígíí éí tsʼídá doo yikééʼ nidookah da. (Micah 4:1-3) Ndi, tʼááʼaaníí Oodlání danilínígíí éí doo tʼah danízingóó bee dahólónígíí yee ákáʼanídaalwoʼ dóó diné hadaʼólíigo ádeileʼ.—John 13:34, 35; 1 John 4:20 yííníłtaʼ.
4. Tʼááʼaanííjí oodląʼísh bééhodíisįįłgo átʼé?
Háiidííshąʼ oodląʼ, tʼááʼátʼé Diyin God Bizaad binaʼnitin yee ndaʼnitin dóó God bízhiʼ deidísin? Háiidííshąʼ oodląʼ God biNahatʼaʼ tʼéiyá bílaʼashdlaʼii bá bił chodahooʼı̨́ daaníigo yaa ndahalneʼ? Háiidííshąʼ dahikahígíí ayóíʼádaʼhóʼní, dóó anaaʼ yitsʼą́ą́jí danilı̨́? Áko díísh haitʼéego baa nitsíníkees?—1 John 3:10-12 yííníłtaʼ.
