Salimo 99:1-9
99 Yehova wakhala Mfumu.+ Mitundu ya anthu injenjemere.
Iye wakhala pampando wachifumu pamwamba* pa akerubi.+ Dziko lapansi ligwedezeke.
2 Yehova ndi wamkulu mu Ziyoni,Ndipo iye ali pamwamba pa mitundu yonse ya anthu.+
3 Iwo atamande dzina lanu lalikulu,+Chifukwa ndi lochititsa mantha komanso loyera.
4 Iye ndi mfumu yamphamvu imene imakonda chilungamo.+
Nthawi zonse mumaonetsetsa kuti chilungamo chachitika.
Mwabweretsa chiweruzo cholungama komanso chilungamo+ pakati pa ana a Yakobo.
5 Kwezani Yehova Mulungu wathu+ ndipo mugwadireni* pachopondapo mapazi ake.+Iye ndi woyera.+
6 Mose ndi Aroni anali mʼgulu la ansembe ake,+Ndipo Samueli anali mʼgulu la anthu amene ankaitana pa dzina lake.+
Iwo ankaitana Yehova,Ndipo iye ankawayankha.+
7 Mulungu ankalankhula nawo kuchokera mʼchipilala cha mtambo.+
Iwo anasunga zikumbutso zake ndi malamulo amene anawapatsa.+
8 Inu Yehova Mulungu wathu munawayankha.+
Inu ndi Mulungu amene munawakhululukira,+Koma munawalanga chifukwa cha machimo awo.+
9 Kwezani Yehova Mulungu wathu+Ndipo mugwadireni* paphiri lake loyera,+Chifukwa Yehova Mulungu wathu ndi woyera.+
Mawu a M'munsi
^ Mabaibulo ena amati, “pakati.”
^ Kapena kuti, “mulambireni.”
^ Kapena kuti, “mulambireni.”
