NKHANI YA PACHIKUTO
Kodi Mungatani Munthu Yemwe Munkamukonda Akamwalira
“Ayi ndithu musalire, Mulungutu ndi amene akudziwa bwino za imfayi.”
Mawuwa anayankhula ndi mayi wina pofuna kutonthoza mnzake dzina lake Bebe, yemwe bambo ake anamwalira pa ngozi ya galimoto.
Bebe ankagwirizana kwambiri ndi bambo ake. Koma anakhumudwa kwambiri chifukwa, kwa iyeyo zinali ngati mnzakeyo akungomutsutsula pabala. Bebe ankangokhalira kunena kuti, “Si zoona kuti pali chabwino chilichonse ndi imfa ya bambo angayi.” Patapita zaka zambiri, Bebe analemba buku lofotokoza mmene bambo ake anafera ndipo zimene ananena m’bukuli zinasonyeza kuti pa nthawiyi anali adakali ndi chisoni.
Zimene zinachitikira Bebe zikusonyeza kuti munthu akhoza kukhala ndi chisoni kwa nthawi yaitali, makamaka ngati womwalirayo ankagwirizana naye kwambiri. Mpake kuti Baibulo limati imfa ndi “mdani womalizira.” (1 Akorinto 15:26) Kunena zoona, imfa imasokoneza zinthu zambiri makamaka ngati sitimayembekezera kuti munthuyo angamwalire. Ndipo imfa ndi yosazolowereka. N’chifukwa chake imfa imathetsa nzeru anthu ambiri omwe aferedwa, moti nthawi zina amakhalabe ndi chisoni kwa nthawi yaitali.
Koma mwina mumadzifunsa kuti: ‘Kodi zimatenga nthawi yaitali bwanji kuti chisoni chithe? Kodi munthu angatani kuti apirire imfa ya munthu amene ankamukonda? Nanga ndingatonthoze bwanji anthu amene ali ndi chisoni? Kodi anthu amene anamwalira angadzakhalenso ndi moyo?’
Mwina Mungakondenso Kudziwa Izi
NSANJA YA OLONDA
Kodi Kumva Chisoni N’kulakwa?
Kodi mungatani ngati ena akuona kuti mukusonyeza chisoni mopitirira malire?
