Njira Zothandiza Powerenga Baibulo
Baibulo lili ndi mfundo zothandiza kwambiri. Mukamaliwerenga ndi kuganizira mwakuya zimene mwawerengazo, komanso kugwiritsa ntchito zomwe mwaphunzirazo, mudzakhala “ndi moyo wopambana.” (Yoswa 1:8; Salimo 1:1-3) Mudzamudziwanso bwino Mulungu ndi Mwana wake Yesu ndipo zimenezi zingakuthandizeni kuti mudzapulumuke.—Yohane 17:3.
Kodi mungakonde kutsatira ndondomeko iti powerenga Baibulo? Pamenepatu mungasankhe. Ndandanda yowerengera Baibuloyi ikuthandizani kuti muwerenge Baibulo potsatira ndondomeko ya mmene mabuku ake alili kapena potsatira nkhani zomwe mwasankha. Mwachitsanzo, mutha kuwerenga nkhani zokuthandizani kukhala ndi chithunzi cha mmene Mulungu ankachitira zinthu ndi Aisiraeli. Mutha kuwerenga mbali zina za Baibulo kuti mudziwe mmene mpingo wachikhristu unayambira komanso mmene unakulira. Mukamawerenga machaputala omwe agawidwa kalewo tsiku lililonse, mutha kumaliza kuwerenga Baibulo lonse chaka chimodzi.
Ndandandayi ingakuthandizeni kwambiri kaya mukufuna kumangowerenga Baibulo tsiku lililonse, kukhala ndi cholinga chomaliza kuwerenga Baibulo chaka chimodzi kapena kutsatira ndondomeko yowerengera Baibulo ya anthu omwe angoyamba kumene. Pangani dawunilodi ndandanda yowerengera Baibulo, ndipo yambani lero.
Mwina Mungakondenso Kudziwa Izi
NSANJA YA OLONDA
Kuwerenga Baibulo: Kodi Ndingayambe Bwanji?
Pali zinthu 5 zimene zingakuthandizeni kusangalala powerenga Baibulo.
NSANJA YA OLONDA
Kodi Mumalola Kuti Mulungu Azikulankhulani Tsiku Lililonse?
KUYANKHA MAFUNSO A M’BAIBULO
N’chiyani Chingakuthandizeni Kumvetsa Baibulo?
Kaya ndife anthu otani, tikhoza kumvetsa uthenga wa Mulungu umene uli m’Malemba Opatulika.
ZIMENE ACHINYAMATA AMAFUNSA
Kodi Baibulo Lingandithandize Bwanji?—Gawo 1: Kuganizira Mozama Mfundo za M’baibulo
Tiyerekeze kuti mwaona chikwama cha ndalama chomwe chikuoneka kuti ndi chakalekale, kodi simungakhale ndi chidwi kuti muone zimene zili mkatimo? Baibulo lili ngati chikwama choterocho. Mumapezeka mfundo zambiri zothandiza.
