“Endwara z’emitwe ziriyo nizeeyongyera omu bato, kandi kimwe aha bikirikukirayo kureeta eki n’emikura y’empurizana.”—Dr. Vivek Murthy, U.S. surgeon general, New York Times, Okwamukaaga 17, 2024.

 Abazaire nibabaasa kurinda bata abaana baabo akabi k’emimura y’empurizana? Baibuli neeha obuhabuzi oburikukora.

 Yetegyereze emisingye ya Baibuli egi.

 “Omwerinzi ayetegyereza ahu arikuraba.”—Enfumu 14:15.

 Ahabw’oburemeezi oburi omu kukoresa emikura y’empurizana, otahurira noogyemeserezibwa kwikiriza omwana waawe kugikoresa. Otakaikiriize omwana waawe kukoresa emikura y’empurizana, hamya ngu akuzire ekirikumara kuhamira aha bugarukiro, kuhurizana n’abanywani barungi bonka, n’okwetantara ebitashemeire.

•    Okumanya ebirikukiraho, shoma ebicweka, “Should My Child Use Social Media?” na “Teaching Your Teenager Social Media Safety.”

 ‘[Koresa gye] obwire bwawe.’—Abaefeso 5:16.

 Ku oraikirize omwana waawe kukoresa emikura y’empurizana, taho eby’okukuratira oku araagikorese, kandi mushoboororere oku eby’okukuratira ebyo biraamurinde kutahikwaho akabi. Guma nooyetegyereza empinduka omu micwe ye, ezirikubaasa kworeka ngu aine kutuubya aha nkoresa ye y’emikura y’empurizana.

•    Koresa vidiyo, Koresa gye Emikura kuhwera omwana waawe kumanya ahabw’enki okutaho obugarukiro nikyetengyesa.

 Baibuli neegira ngu turi omu ‘biro by’akabi kaingi’ ebigumire kwemera. (2 Timoseo 3:1-5) Kwonka nabwo, neetuha obuhabuzi oburikukora ebiro byona kutuhwera kusingura. Eby’okukoresa ebirikurenga 20 ebirikwegamira ahari Baibuli eby’abazaire n’abaana nibibaasa kushangwa omu kicweka eki ekirikukwata aha minyeeto kwerinda endwara z’emitwe.