ABARIKWAKIIRA ABANTU Abarikwakiira abantu bariho kukuhwera. Nooshabwa kukwatanisa nabo aha bikwatiraine n’ah’okwemereza ebiiruka, emihanda y’okurabamu omu mwanya gw’oruteerane, okukwata emyanya, n’ebindi.

OKUBATIZIBWA Emyanya y’abarikuza kubatizibwa neija kuba eri omumaisho haihi na puratifoomu, okwihaho kyayorekwa okundi. Bashemereire kushutama omu myanya yaabo aha Rwamukaaga omu kasheeshe orubazo rw’okubatizibwa rutakatandikire. Buri omwe ashemereire kureeta etauro n’ebijwaro by’okubatirizibwamu ebishemereire.

OKUHAYO Habaireho enshohoza kubaasa kutebeekanisa omwanya ogurimu oruteerane oru, ebyoma ebirikutunguura amaraka, ebya vidiyo, n’obuheereza obundi oburaatubaasise kugira oruteerane rurungi n’okwirira haihi Yehova. Ebi murikuhayo mwekundiire nibihwera omu nshohoza egi n’okushagika omurimo ogurikukorwa omu nsi yoona. Hariho obubokusi bw’okutamu eby’okuhayo omu mwanya gw’oruteerane oru. Noobaasa kuhayo kurabira aha mukura orikuza aha okuhayo.mt1130.com. Byona ebi murikuhayo nibisiimwa. Akakiiko Akareeberezi nikabasiima ahabw’okuhayo kushagika omurimo gw’Obukama.

OBUJANJABI OBW’AHONAAHO Nyabura ‘we ijuka ngu obujanjabi obu nibuheebwa abaine kuhwerwa ahonaaho bonka.

EBIBUZIRE N’EBIZOIRWE Waabona ekintu ekibuzire kitwarire abarikukora aha bibuzire n’ebizoirwe. Haaba haine ekyakuburaho bahikyeho. Waashanga omwana obuzire aha bazaire be, nyabura ‘we mutwarire abarikukora aha bibuzire n’ebizoirwe. Kwonka, kubaasa kwetantara okwerarikirira okutarikwetengyesa, nyabura ‘mwe nimushabwa kureeberera abaana baanyu, kandi mukaguma nabo.

OKUSHUTAMA Nooshabwa kufayo aha bandi. Noobaasa kukwatira emyanya abu waija nabo, abu orikutuura nabo nari abu orikwegyesa Baibuli. Nyabura ‘we otata ebintu aha mwanya ogu otaakwata.

ABAHWEZI Waaba nooyenda kuhwera aha mirimo erikutwarirwa omu ruteerane oru, manyisa abarikukora aha by’okuhwera.