EISHOMO 18
Oku Turikumanya Abakristaayo Abaabuzima
Abantu obuhumbi nibeeyeta Abakristaayo. Kwonka ebi barikwikiriza nibitaana, n’emitindo ei barikugyenderaho terikushushana. Nitubaasa kumanya tuta Abakristaayo abaabuzima?
1. Nikimanyisa ki okuba Omukristaayo?
Abakristaayo n’abeegi ba Yesu Kristo, nari abakuratsi be. (Shoma Ebyakozirwe 11:26.) Niki ekirikuhamya ngu n’abeegi ba Yesu? Yesu akagira ati: “Ku muraahamire aha kigambo kyangye, nimuba muri abeegi bangye buzima.” (Yohaana 8:31) Eki nikimanyisa ngu Abakristaayo abaabuzima baine kworobera enyegyesa za Yesu. Kandi nk’oku Yesu yaabaire naayegyesa arikwihirira aha Byahandiikirwe, enyikiriza z’Abakristaayo abaabuzima nizeegamira aha Baibuli.—Shoma Luka 24:27.
2. Abakristaayo abaabuzima nibooreka bata rukundo?
Yesu akagambira abakuratsi be ati: “Mukundane nk’oku naabakunzire.” (Yohaana 15:12) Yesu akooreka ata ngu naakunda abeegi be? Akaba naashashaanuka nabo, abagumya, kandi abahwera. Nangwa akahayo n’amagara ge ahabwabo. (1 Yohaana 3:16) Nikyo kimwe, Abakristaayo abaabuzima tibarikugamba bugamba ahari rukundo. Kureka, omu bigambo n’omu bikorwa nibooreka ngu nibakundana.
3. Abakristaayo abaabuzima nibeebembeza murimo ki?
Yesu akaha abeegi be omurimo gw’okukora. ‘Akabatuma kugamba eby’Obukama bwa Ruhanga.’ (Luka 9:2) Abakristaayo aba ira bakaba batarikubuurira, omu maramizo gaabo gonka, beitu n’omu myanya y’orweteeraine n’enju aha nju. (Shoma Ebyakozirwe 5:42; 17:17.) Na hati Abakristaayo abaabuzima nibabuurira amazima ga Baibuli hoona ahu barikushanga abantu. Nibakunda bataahi baabo, n’ahabw’ekyo nikibashemeza kukoresa obwire bwabo n’amaani gaabo kubabuurira n’okubagumya.—Mako 12:31.
SHWIJUMA GYE
Yetegyereze oku orikubaasa kutaanisa Abakristaayo abaabuzima aha bantu abatarikukuratira enyegyesa za Yesu n’eky’okureeberaho kye.
4. Nibashwijuma amazima ga Baibuli
Abakristaayo aba ira bakaba nibaha Ekigambo kya Ruhanga ekitiinisa
Ti boona abarikweyeta Abakristaayo ngu nibatwara amazima ga Baibuli nka kikuru. Zaana VIDIYO, kubaasa kugarukamu ekibuuzo ekirikukurataho.
-
Amakanisa agamwe agarikweyeta Amakristaayo garemirwe gata kwegyesa abantu ebi Yesu yaayegyeise?
Yesu akaba naayegyesa amazima agari omu Kigambo kya Ruhanga. Shoma Yohaana 18:37, kubaasa kugarukamu ekibuuzo eki:
-
Kurugiirira aha bi Yesu yaayegyeise, nitubaasa kumanya tuta Abakristaayo ‘ab’amazima’?
5. Nibabuurira amazima ga Baibuli
Abakristaayo aba ira bakaba nibabuurira abandi
Yesu atakagiire omu iguru, akaha abakuratsi be omurimo oguriyo nigukorwa na hati. Shoma Matayo 28:19, 20 na Ebyakozirwe 1:8, kubaasa kugarukamu ekibuuzo eki:
-
Omurimo gw’okubuurira gukaba nigwija kujanjaara kirikwingana ki?
6. Nibakora ebirikuhikaana n’ebi barikubuurira
Niki ekyahamiize Tom ngu aboine ediini y’Ekikristaayo ehikire? Zaana VIDIYO, kubaasa kugarukamu ebibuuzo ebirikukurataho.
-
Omu vidiyo, niki ekyareeteire Tom kutamwa ediini?
-
Ahabw’enki naahamya ngu akabona amazima?
Ebikorwa nibyegambirira. Shoma Matayo 7:21, kubaasa kugarukamu ekibuuzo eki:
-
Niki eki Yesu arikutwara nka kikuru, n’eki turikugamba ngu nitwikiriza nari eki turikworeka omu bikorwa?
7. Nibakundana
Abakristaayo aba ira bakaba nibakundana
Abakristaayo shi nibooga amagara gaabo ahabwa bagyenzi baabo? Zaana VIDIYO, kubaasa kugarukamu ebibuuzo ebirikukurataho.
-
Omu vidiyo, niki ekyahigire Lloyd kwoga amagara ge ahabw’ow’eishe-emwe Johansson?
-
Nooteekateeka ngu akatwaza nk’Omukristaayo owaabuzima?
Shoma Yohaana 13:34, 35, kubaasa kugarukamu ebibuuzo ebi:
-
Abeegi ba Yesu (Abakristaayo abaabuzima) baine kutwariza bata ab’amahanga agandi nari ab’erangi ezindi?
-
Mbwenu shi eki nibakikora bata omu bwire bw’orutaro?
ABAMWE NIBAGIRA NGU: “Abakristaayo nibabaasa kugira bata ediini y’amazima, kandi obwo amakanisa garikukora ebihagaro?”
-
Noobaasa kukoresa kyahandiikirwe ki kuhamiza abantu nk’abo ngu hariho Abakristaayo abaabuzima?
OMU BUGUFU
Abakristaayo abaabuzima nibakuratira enyegyesa za Baibuli, baine rukundo y’okwefeerereza, kandi nibabuurira amazima ga Baibuli.
Okweijutsya
-
Enyikiriza z’Abakristaayo abaabuzima nizeegamira ahari ki?
-
Ni mutwarize ki ogu Abakristaayo abaabuzima barikumanyirwaho?
-
Abakristaayo abaabuzima nibakora murimo ki?
JUMBURA EBINDI
Yongyera kumanya abantu abarikuteeraho kukuratira eky’okureeberaho kya Yesu Kristo n’enyegyesa ze.
Reeba ekyahweraire owaabaire ari omusisita kutunga “eka y’eby’omwoyo eyaabuzima.”
“Bakakoresa Baibuli Kugarukamu Buri Kibuuzo!” (Omunaara gw’Omurinzi, Apuri 1, 2014)
Manya oku Abakristaayo abaabuzima barikworeka ngu nibakunda bagyenzi baabo abarikwenda obuhwezi.
Okuhwera Ab’eishe-emwe Haabaho Ekihikiirizi—Ekicweka kya Vidiyo (3:57)
Yetegyereze obuhame oburikworeka ngu Abakristaayo aba ira n’aba hati abaabuzima, nibo bakuratsi ba Yesu.
“Abakristaayo Abaabuzima Nibamanyirwa Ahari Ki?” (Omunaara gw’Omurinzi, Maaci 1, 2012)
Noobaasa Kukunda n'Ebi
EBIBUUZO EBIRIKUKIRA KUBUUZIBWA
Omushomo gw’Okwegyesa Baibuli ogw’Abajurizi ba Yehova Niki?
Omu ntebeekanisa ya busha ey’okuhikaanisa ebiteekateeko ey’Abajurizi ba Yehova, noobaasa kukoresa envunuura ya Baibuli yoona. Noobaasa kwega n’eka yaawe yoona nari kweta banywani baawe.
