1. Nitutooreza, Yehova Ruhanga

Kworeka, rukundo.

Ebi Ruhanga, akozire byona

Nibyoreka rukundo ye.

Akoohereza, Omwana we Yesu

Kutucungura, okushiisha kwaitu.

Akatworeka rukundo ye mpango!

Ni Ruhanga, Owa rukundo.

2. Twamutooreza, nikitubaasisa

Kukunda, abandi,

Rukundo nk’egi neeza kutuhiga,

Okuhwera ab’eisheemwe.

Kandi twakunda Ruhanga n’abantu,

Rukundo yaitu neeba ehikire.

Twine kwehuzya, enshobe z’abandi,

Tworekye ngu, Nitubakunda.

3. Okukundana, nikutubaasisa

Kugira obumwe.

Ruhanga waitu naatushaba ati:

“Mwena mwije mube bamwe.”

Ekigambo kye hamwe n’omwoyo gwe;

Nibituhwera, kugira rukundo.

Kandi Yehova naakoresa bamwe,

Kutworeka, ngu naatukunda.