Edwɛne 27:1-14
Devidi edwɛne.
27 Gyihova le me wienyi+ nee me ngoanedievolɛ.
Nwane a ɔwɔ kɛ mesulo ye a?+
Gyihova a le me ngoane aranemgbole a.+
Nwane anwo ɛzulolɛ a kola maa me nwo woso me a?
2 Mekɛ mɔɔ amumuyɛma tetale me kɛ bɛdi me nwonane la,+Me kpɔvolɛma nee bɛdabɛ mɔɔ bɛkyi me la telele guale aze.
3 Saa ɛlɔnema bɛnga me yia bɔbɔ a,Me ahonle ɛnrɛdu.+
Saa bɛfa konle bɛtoa me a,Yemɔ bɔbɔ mebanyia anwodozo.
4 Debie ko a mebiza mevi Gyihova ɛkɛ a—yemɔ a mebakpondɛ a—Kɛ mebadɛnla Gyihova sua nu wɔ me ngoane mekɛ kɔsɔɔti,+Amaa meanlea Gyihova kpalɛyɛlɛ* neNa meava anyezɔlɛ meanlea* ye ɛzonlenlɛsua ne.+
5 Ɔluakɛ ɔbava me yeavea ye feabelɛ ne wɔ munzule kenle ne anu;+Ɔbava me yeavea ye ɛdanlɛsua ne anu;+Ɔbava me yeazie bodane zo wɔ anwuma.+
6 Akee meli me kpɔvolɛma mɔɔ ɛbɔ me ɛyia la anwo zo konim;Mebava anyelielɛ meabɔ afɔle wɔ ye ɛdanlɛsua ne anu;Mebado* edwɛne meaye Gyihova ayɛlɛ.
7 O Gyihova, saa metea nu mefɛlɛ wɔ a, tie me;+Maa menyia ɛ nyunlu ɛlolɛ na bua me.+
8 Me ahonle ɛha kɛ, wɔmaa yɛ mɛla kɛ:
“Bɛkpondɛ me.”*
O Gyihova, mebakpondɛ wɔ meanwu wɔ.+
9 Mmafa ɛ nye ɛfea me.+
Mmafa ɛya ɛfoa wɔ sonvolɛ.
Wɔmɔ a ɛle me boavolɛ a;+Me ngoanedievolɛ Nyamenle, mmakpo me yɛɛ mmagyakyi me.
10 Saa me papa nee me mame bɔbɔ kpo me a,+Gyihova ɛdeɛ, ɔbalie me.+
11 O Gyihova, kilehile me wɔ adenle ne,+Me kpɔvolɛma ati, fa me dua tenleneyɛlɛ adenle ne anu.
12 Mmafa me ɛwula me kpɔvolɛma asa anu,+Ɔluakɛ dasewiama ɛdwazo ɛtia me,+Na bɛnwunlonwunla me kɛ bɛyɛ me ɛtane.
13 Saa menlɛ diedi kɛ mebanwu Gyihova kpalɛyɛlɛ ne wɔ teasema azɛlɛ ne azo a,+Anrɛɛ nienwu a mewɔ a?*
14 Fa ɛ nye to Gyihova anwo zo;+Nyia akɛnrasesebɛ na si wɔ ahonle.+
Ɛhɛe, fa ɛ nye to Gyihova anwo zo.
Ɔbodwɛkɛ
^ Anzɛɛ “kɛnlɛma.”
^ Anzɛɛ “meadwenledwenle nwo.”
^ Anzɛɛ “Mebabɔ.”
^ Hibulu aneɛ nu, “Bɛkpondɛ me nyunlu.”
^ Anzɛɛ ɔkola ɔkile, “Nɔhalɛ nu, medie medi kɛ mebanwu Gyihova kpalɛyɛlɛ ne, wɔ teasema azɛlɛ ne azo.”
