Edwɛne 40:1-17
Kɔmaa edwɛndolɛma kpanyinli ne. Devidi edwɛne. Ayɛlɛyelɛ edwɛne.
40 Menzile abotane mengendɛle Gyihova,Na ɔyɛle ɛnzolɛ* ɔdiele me na ɔdele me ɛzunlɛ.+
2 Ɔyele me ɔvile kuma mɔɔ kulu la anu,Ɔyele me ɔvile azia nu.
Na ɔvale me gyakɛ ɔziele bodane zo;Ɔmaanle me gyakɛ gyinlanle boɛ.
3 Akee ɔvale edwɛne fofolɛ ɔwulale me nloa anu,+Ayɛlɛyelɛ ɛha yɛ Nyamenle ne.
Menli dɔɔnwo banwu ye na bɛazuloNa bɛava bɛ nwo bɛado Gyihova anwo zo.
4 Anyelielɛ a le sonla ne mɔɔ ɔfa ɔ nwo ɔto Gyihova anwo zoNa ɔnva ɔ nwo ɔndo bɛdabɛ mɔɔ bɛdi bɛ ti anwo anzɛɛ bɛbɔ adalɛ la anwo zo la.
5 O Gyihova me Nyamenle,Nea ninyɛne dɔɔnwo mɔɔ wɔyɛ a,Wɔ nwanwane gyima nee adwenle mɔɔ ɛlɛ ye wɔ yɛ nwo la.+
Bɛnrɛhola bɛnrɛva awie biala bɛnrɛtoto ɛ nwo;+Saa meka kɛ mebɔ mɔdenle meaha nwolɛ edwɛkɛ anzɛɛ meadendɛ a,Bɛzonle somaa mɔɔ menrɛhola bɛ tia a!+
6 Ɛ nye ɛnlie afɔlebɔlɛ nee ahyɛlɛdeɛ nwo,+Noko ɛbuke me nzo ɛmaa metie wɔ.+
Ɛmbiza ɛyelalɛ afɔlebɔlɛ nee ɛtane afɔlebɔlɛ.+
7 Akee menganle kɛ: “Nea, mera.
Bɛhɛlɛ me nwo edwɛkɛ wɔ nwomamobɔleɛ ne anu.+
8 O me Nyamenle, me nye die nwo* kɛ mebayɛ wɔ ɛhulolɛdeɛ,+Yɛɛ wɔ mɛla ne wɔ me ahonle nu.+
9 Mebɔ tenleneyɛlɛ nwo edwɛkpa ne nolo wɔ asafo kpole ne anu.+
Nea! Metɛtole me nloa anu,+Kɛ mɔɔ ɛdawɔ ɛze ye wienyi la, O Gyihova.
10 Meangeda wɔ tenleneyɛlɛ ne azo wɔ me ahonle nu.
Menganle wɔ nɔhalɛlilɛ nee wɔ ngoanelielɛ nwo edwɛkɛ.
Meanvea wɔ ɛlɔlɛ kpundii ne nee wɔ nɔhalɛlilɛ ne azo wɔ asafo kpole ne anu.”+
11 O Gyihova, mmakpo kɛ ɛkɛze me anwunvɔne.
Maa wɔ ɛlɔlɛ kpundii ne nee wɔ nɔhalɛlilɛ ne ɛzinza me dahuu.+
12 Munzule dɔɔnwo mɔɔ bɛnze ɔ nloa la ɛbɔ me ɛyia.+
Me nvonleɛ dɔɔnwo ne ɛbo me nwo zo na mennwu ɛleka mɔɔ mekɔ a;+Bɛzonle bɛtɛla me ti zo enrinli,Akee me sa nu ɛdo.
13 O Gyihova, nyia ɛhulolɛ kɛ ɛbalie me.+
O Gyihova, ka ɛ nwo baboa me.+
14 Maa bɛdabɛ mɔɔ bɛkpondɛ me bɛahu me la kɔsɔɔtiƐbɔ anyiemgba na bɛ nyunlu ɛgua aze.
Maa bɛdabɛ mɔɔ bɛdi fɛlɛko wɔ me amaneɛnwunlɛ nwo laƐva nyiane ɛzia bɛ nzi.
15 Maa bɛdabɛ mɔɔ bɛlɛka bɛahile me kɛ: “Nnhee! Nnhee!” la,
Ɛva nyiane ɛzia bɛ nzi.
16 Noko maa bɛdabɛ mɔɔ bɛkpondɛ wɔ la+Anye ɛlie na bɛli fɛlɛko wɔ wɔ nu.+
Maa bɛdabɛ mɔɔ bɛkulo wɔ ngoanelielɛ gyima ne mɔ la ɛha ye dahuu kɛ:
“Bɛhanvo Gyihova kpoleyɛlɛ ne.”+
17 Noko mele ehyianli yɛɛ menlɛ boavolɛ;Maa Gyihova ɛyɛ ɛnzolɛ ɛdie me.
Ɛle me boavolɛ nee me dievolɛ;+Me Nyamenle, mmakyɛ.+
