Edwɛne 61:1-8
-
Nyamenle, aranemgbole mɔɔ tia kpɔvolɛma
-
“Mebara wɔ ɛdanlɛsua ne anu” (4)
-
Kɔmaa edwɛndolɛma kpanyinli ne; bɛva getaa* bɛboka nwo bɛdo.Devidi edwɛne.
61 O Nyamenle, tie me ɛzunlɛ.
Yɛ ɛnzolɛ tie me asɔneyɛlɛ.+
2 Saa me ahonle ɛlɛdi nyane* a+Mebazu meavɛlɛ wɔ wɔ azɛlɛ ne ɛleka biala.
Fa me kɔ bodane mɔɔ wɔ anwuma tɛla me la azo.+
3 Ɔluakɛ wɔmɔ a ɛle me ɛvealeka,Aranemgbole mɔɔ bɔ me nwo bane fi kpɔvolɛ ne anwo a.+
4 Mebara* wɔ ɛdanlɛsua ne anu dahuu;+Mebanriandi mearavea ɛ ndɛba abo.+ (Sila)
5 Ɔluakɛ wɔmɔ, O Nyamenle, wɔde me ɛwɔkɛ ne mɔ.
Wɔva agyapadeɛ ne mɔɔ le bɛdabɛ mɔɔ bɛsulo wɔ duma ne ɛdeɛ la wɔmaa me.+
6 Ɛbamaa belemgbunli ne ngoane tendenle,*+Na ye ɛvolɛ avi awolɛndoazo zo ahɔdwu awolɛndoazo zo.
7 Ɔbadɛnla belemgbunli ebia zo dahuu wɔ Nyamenle anyunlu;+Maa wɔ ɛlɔlɛ kpundii ne nee wɔ nɔhalɛlilɛ ne ɛrɛla ɔ nwo zo, amaa bɛazinza ye.+
8 Saa melɛtua me ɛwɔkɛ ne mɔ alehyenlɛ biala a,+Mebado edwɛne meaye wɔ duma ne ayɛlɛ dahuu.+
Ɔbodwɛkɛ
^ Anzɛɛ “yɛ bɛtɛɛ.”
^ Anzɛɛ “Mebadɛnla.”
^ Hibulu aneɛ nu, “ɛbava mekɛ wɔaboka ye ngoane mekɛ nwo.”
