Ayezaya 61:1-11
61 Tumivolɛ Awulae Gyihova sunsum ne wɔ me nwo zo,+Ɔluakɛ Gyihova kpokpale me kɛ menga edwɛkpa mengile bɛlɛvoma.+
Ɔzoanle me kɛ membankyekye ahonle mɔɔ ɛbubu la,Kɛ membambɔ fanwodi nwo nolo mengile menli mɔɔ wɔ akɛlɛzonlenlɛ nu laNa membuke menli mɔɔ gua efiade la anye.+
2 Yezoa me kɛ membambɔ Gyihova ɛlolɛ* mekɛ neNee yɛ Nyamenle ne nzenralɛlilɛ kenle ne nolo,+Na menkyekye menli mɔɔ ɛlɛdi nyane la kɔsɔɔti arɛle.+
3 Yezoa me kɛ memaa bɛdabɛ mɔɔ bɛlɛdi Zayɔn anwo nyane la abotileNa bɛgyakyi kɛ bɛkɛbɔ bɛ ti zo nzonle,Kɛ memaa bɛ fɛlɛkolilɛ nwole na bɛgyakyi nyanelilɛ,Kɛ memaa bɛ ayɛlɛyelɛ tɛladeɛ na bɛgyakyi kɛ bɛkɛmaa bɛ rɛle kɛbɔ.
Bɛbavɛlɛ bɛ tenleneyɛlɛ mbaka mgboleMɔɔ Gyihova ɛlua, amaa bɛawula ye anyunlunyia.*+
4 Bɛbakyekye tete azua mɔɔ ɛzɛkye la bieko;Bɛbasisi tete azua mɔɔ ɛgologolo ɛgua la bieko,+Bɛbayɛ azuamgbole mɔɔ ɛbubuYɛɛ ɛleka mɔɔ ɛdɔ mgbane ɔvi awolɛndoazo zo kɔdwu awolɛndoazo zo la boɛ.+
5 “Nyɛvolɛ bagyinla anlea bɛ mboane,Yɛɛ nyɛvolɛ+ banlea bɛ ɛya nee bɛ vanye egyinli zo.+
6 Bɛmɛ, bɛbavɛlɛ bɛ Gyihova ɛsɔfoma;+Bɛbavɛlɛ bɛ yɛ Nyamenle ne azonvolɛ.
Bɛbali maanle maanle ne mɔ anwonyia,+Na bɛava bɛ anyunlunyia* ne bɛadu bɛ nwo.
7 Bɛnrɛbɔ anyiemgba, emomu bɛbanyia kyɛfoa mɔnwo nwiɔ,Yɛɛ bɛ nyunlu ɛnrɛgua aze, emomu bɛbali bɛ kyɛfoa ne anwo fɛlɛko.
Bɛbanyia agyapadeɛ mɔnwo nwiɔ wɔ bɛ azɛlɛ ne azo.+
Bɛbali fɛlɛko dahuu.+
8 Ɔluakɛ medame Gyihova, mekulo pɛlepɛlelilɛ;+Mekyi awule nee ninyɛndane.+
Mebadua bɛ kakɛ nɔhalɛ nu,Na me nee bɛ ayɛ dahuu ngyekyeleɛ.+
9 Bɛbanwu bɛ mra wɔ maanle maanle ne anu+Yɛɛ bɛ bo zo amra wɔ menli ne anu.
Menli kɔsɔɔti mɔɔ kɛnwu bɛ laBanwu kɛ bɛle mralɛ mɔɔ Gyihova ɛyila bɛ.”+
10 Me nye balie kpole wɔ Gyihova anu.
Me sonlabaka ne amuala* bali fɛlɛko wɔ me Nyamenle ne anu.+
Ɔluakɛ yeva ngoanelielɛ adɛladeɛ yewula me;+Yeva tenleneyɛlɛ tɛladeɛ aguzo yewula me,Kɛ atɔfolɛ nrenyia mɔɔ ɛkyekye ɔ ti zo kɛ ɛsɔfo la+Anzɛɛ atɔfolɛ raalɛ mɔɔ ɛva ye agudeɛ ɛziezie ɔ nwo la.
11 Kɛ mɔɔ ninyɛne fifi azɛlɛ ye azoNa tola nu ninyɛne mɔɔ bɛlua la fifi la,Zɔhane ala a Tumivolɛ Awulae GyihovaBamaa tenleneyɛlɛ+ nee ayɛlɛyelɛ afifi+ maanle maanle kɔsɔɔti anyunlu a.
Ɔbodwɛkɛ
^ Hibulu aneɛ nu, “nyeleyɛlɛ.”
^ Anzɛɛ “amaa bɛayɛ ye kɛnlɛma.”
^ Anzɛɛ “anwonyia.”
^ Anzɛɛ “Me ɛkɛla.”
