Dwobu 12:1-25
12 Akee Dwobu buale kɛ:
2 “Nɔhalɛ nu, bɛmɛ a bɛle menli mɔɔ bɛze a,*Yɛɛ bɛ nee nrɛlɛbɛ bawu!
3 Na medame noko melɛ ndelebɛbo.*
Bɛndɛla me.
Nwane a ɛnze ninyɛne ɛhye mɔ a?
4 Meyɛ ɛzelekɛ debie memaa me gɔnwo mɔ,+Sonla mɔɔ ɛlɛfɛlɛ Nyamenle kɛ ɔbua ye.+
Bɛsele tenlenenli nee sonla mɔɔ edwɛkɛ ɛnle ɔ nwo la.
5 Sonla mɔɔ anwo ɛdɔ ye la ɛmbu munzule bie,Ɔdwenle kɛ ɔto bɛdabɛ mɔɔ bɛ gyakɛ ɛngyi boɛ* la ala.
6 Anzodwolɛ wɔ nwule ɛdanlɛ azua nu,+Yɛɛ bɛdabɛ mɔɔ bɛka Nyamenle ɛya la lɛ banebɔlɛ,+Bɛdabɛ mɔɔ bɛlɛ bɛ nyamenle ne bɛ sa nu la.
7 Noko mesɛlɛ wɔ, biza nane ne mɔ na bɛbahilehile wɔ;Eza biza anwomanyunlu nloma, na bɛbaha bɛahile wɔ.
8 Anzɛɛ suzu azɛlɛ ne anwo,* na ɔbahilehile wɔ;Na nyevile nu fɛlɛ baha ahile wɔ.
9 Ɛhye mɔ amuala anu boni a ɛnzeKɛ Gyihova asa a ɛyɛ ɛhye a?
10 Anyewɔzo abɔdeɛ biala ngoane* wɔ ɔ sa nuYɛɛ dasanli biala* sunsum* wɔ ɔ sa nu.+
11 Asoo tɛ ɛnzolɛ a sɔ edwɛkɛ nea a,Kɛ mɔɔ ɛtafinlimalɛ* sɔ aleɛ nea la ɔ?+
12 Asoo tɛ mgbanyima ɛkɛ a nrɛlɛbɛ wɔ a,+Yɛɛ tɛ ngoane tendenle a maa bɛnyia ndelebɛbo a?
13 Ye ɛkɛ a nrɛlɛbɛ nee tumi wɔ a;+Folɛdulɛ nee ndelebɛbo le ye ɛdeɛ.+
14 Saa ɔbubu debie ɔgua aze a, bɛngola ye si bieko;+Mɔɔ ɔkɛdo nu la, awie biala ɛngola ɛmbuke.
15 Saa yeammaa ezule andɔ a, debie biala we;+Saa ɔsoa bɛ a, bɛyi bɛfa azɛlɛ ne.+
16 Ye ɛkɛ ne a anwosesebɛ nee nrɛlɛbɛ kpalɛ wɔ a;+Mɔɔ ɛlɛminli nee mɔɔ bɛminli ye la le ye ɛdeɛ.
17 Ɔmaa folɛtuvolɛma gua bɛ gyakɛ aze tia,*Yɛɛ ɔmaa ndɛnebuavolɛma yɛ ahoasea.+
18 Ɔtulu kyeenyi mɔɔ arelemgbunli kɛva kɛgua awie mɔ la,+Na ɔfa bɛlɛte ɔkyekye bɛ nze zo.
19 Ɔmaa ɛsɔfoma gua bɛ gyakɛ aze tia,+Na ɔtu bɛdabɛ mɔɔ bɛ tumi ne gyi ye kpundii la ɔfi ebia zo;+
20 Ɔmaa folɛtuvolɛma mɔɔ bɛdie bɛ bɛdi la tɔ mumuleNa ɔye mrenyia mɔɔ bɛyɛ mrelera la* nrɛlɛbɛ ɔfi ɛkɛ.
21 Ɔmbu menli titili,+Na ɔbɛlɛ bɛdabɛ mɔɔ bɛlɛ tumi la aze.*
22 Ɔda ninyɛne mɔɔ anu le kuloonwu la ali ɔfi awozinli nu,+Na ɔfa awozinli kabii ɔba wienyi nu.
23 Ɔmaa maanle maanle yɛ mgbole amaa yeazɛkye bɛ;Ɔmaa maanle maanle tɛlɛ, amaa yeava bɛ yeahɔ akɛlɛzonlenlɛ nu.
24 Ɔye menli ne adekilevoma ndelebɛbo* ɔfi ɛkɛNa ɔmaa bɛkpɔsɛkpɔsa azɛlɛ mɔɔ ɛdɔ mgbane mɔɔ adenle ɛnla zolɛ la azo.+
25 Bɛfuovua wɔ awozinli nu,+ ɛleka mɔɔ wienyi ɛnle la;Ɔmaa bɛkpɔsɛkpɔsa kɛ nzabovoma.+
Ɔbodwɛkɛ
^ Hibulu aneɛ nu, “bɛmɛ a bɛle menli a.”
^ Hibulu aneɛ nu, “ahonle.”
^ Anzɛɛ “bɛtele.”
^ Anzɛɛ ɔkola ɔkile, “tendɛ kile azɛlɛ ne.”
^ Anzɛɛ “Awie biala mɔɔ de aze la ɛkɛla.”
^ Hibulu aneɛ nu, “nwonane kɔsɔɔti.”
^ Anzɛɛ “ɛnwomenle.”
^ Hibulu aneɛ nu, “talɛ.”
^ Anzɛɛ “kpa bɛ nwo debie biala gua.”
^ Anzɛɛ “mgbanyima.”
^ Hibulu aneɛ nu, “ɔtulu bɛdabɛ mɔɔ bɛlɛ tumi la bɛlɛte.”
^ Hibulu aneɛ nu, “ahonle.”
