BƐHƆ ZO BƐZINZA!
2023: Ɛvolɛ Mɔɔ Nuhua Le Ngyegyelɛ—Duzu A Baebolo Ne Ka A?
Wɔ 2023 anu, ninyɛne mɔɔ sisile ewiade amuala la maanle ɔlale ali wienyi kɛ yɛde mekɛ mɔɔ Baebolo ne ka kɛ ɔle “mekɛ mɔɔ li awieleɛ” la anu. (2 Timote 3:1) Nea kɛzi ninyɛne mɔɔ ɛlɛsisi ɛnɛ la nee mɔɔ Baebolo ne hanle kɛ ɔbasisi yɛ mekɛ ye azo la le ko la.
Baebolo ne hanle ninyɛne mɔɔ ɛlɛsisi ɛnɛ la dole ɛkɛ
‘Konle mɔɔ bikye nee konle mɔɔ wɔ moamoa la anwo amaneɛbɔlɛ.’—Mateyu 24:6.
“Konle ngakyile ɛlɛsisi wɔ ewiade ɛleka dɔɔnwo.” a
Nea edwɛkɛ “Nwane A Balie Maanlema Ne A?” yɛɛ “Kakɛ Mɔɔ Arane Ne Mɔ Ɛbɔ Ye Wɔ Konle Nwo La Ɛbo Dɔla 2 Trillion.”
“Azɛlɛkpusulɛ bara ɛleka ngakyile.”—Maake 13:8.
“Ɔvi 2023 mɔlebɛbo, azɛlɛkpusulɛ 13 mɔɔ bo mangnitude 7 la ɛzi wɔ ewiade amuala, na ɛvolɛ ɛhye a azɛlɛkpusulɛ mgbole zɛhae dɔɔnwo ɛsisi a.” b
Nea edwɛkɛ “Azɛlɛkpusulɛ Mgbole Ɛzi Wɔ Turkey Nee Syria.”
“Ninyɛne ɛzulolɛ.”—Luku 21:11.
“Akee maanle nu ɛyɛ wuluwulu kpalɛ ɛdɛla mekɛ biala.”—António Guterres, UN secretary-general. c
Nea edwɛkɛ “Maanle Nu Ɛyɛ Wuluwulu Kpole Wɔ 2023 Wawaa Mekɛ Nu.”
“Ɛhɔne.”—Mateyu 24:7.
“2023: Ɛvolɛ mɔɔ anu yɛle se maanle mbusua bie mɔ kɛ bɛbanyia aleɛ la.” d
‘Mekɛ mɔɔ anu yɛ se la.’—2 Timote 3:1.
“Wɔ ewiade amuala, saa ɛye menli mɔtwɛ a bɛ nuhua ko lɛ adwenle nu ngyegyelɛ.” e
Nea edwɛkɛ “Mgbavolɛ Nee Mbɛlɛra Dɔɔnwo Ɛlɛnyia Adwenle Nu Ngyegyelɛ.”
Duzu a bahola azi wɔ 2024 a?
Awie biala ɛnze mɔɔ bazi wɔ 2024 a. Noko mɔɔ ɛlɛkɔ zo wɔ ewiade amuala la maa ɔda ali kɛ ɔnrɛhyɛ Nyamenle Belemgbunlililɛ ne anzɛɛ anwuma arane ne bazɛkye sonla arane na yeaye ninyɛne mɔɔ fa amaneɛnwunlɛ nee adwenleadwenle ba la yeavi ɛkɛ.—Daneɛle 2:44; Yekile 21:4.
Noko, kɛkala saa adwenleadwenle tɔ yɛ nwo a, yɛbahola yɛakpondɛ moalɛ yɛavi Nyamenle ɛkɛ. Baebolo ne ka kɛ:
“Saa ɛzulolɛ ka me a, mefa me nwo meto ɛ nwo zo.”—Edwɛne 56:3.
Kɛ ɔkɛyɛ na yɛahile kɛ yɛlɛ anwodozo wɔ Nyamenle anu ɛ? Yɛsɛlɛ wɔ, sukoa ɛwɔkɛ mɔɔ Baebolo ne ɛbɔ kɛ amaneɛnwunlɛ bavi ɛkɛ ne la anwo ninyɛne dɔɔnwo. Maa yɛ nee wɔ ɛzukoa Baebolo ne mɔɔ ɛndua ɛhwee a amaa wɔanwu kɛzi ɛ nee wɔ abusua ne banyia Baebolo ne anu ɛwɔkɛ ne mɔ azo nvasoɛ la.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.
Bie A Eza Ɛ Nye Balie
EDWƐKƐTILE NGAKYILE
Ninyɛne Bayɛ Kpalɛ Kenle Bie
Duzu ati a ɛwɔkɛ mɔɔ wɔ Baebolo ne anu la le ngakyile fi kenle bie nwo edwɛkɛ mɔɔ menli ka la anwo ɛ?
BAEBOLO KPUYA MƆƆ BƐBUA
Asoo Ɛbahola Wɔanyia Arɛlekyekyelɛ Edwɛkɛ Wɔ Baebolo Ne Anu?
Baebolo ne anu edwɛkɛ ɛkyekye menli dɔɔnwo mɔɔ gyi tɛnlabelɛ mɔɔ anu yɛ se anloa la arɛle.
YƐ NWO EDWƐKƐ
Maa Yɛrakpɔla Wɔ
Ɛ nee yɛ ɛzuzu Baebolo nu edwɛkɛ bie anwo anzɛɛ sukoa Gyihova Alasevolɛ anwo edwɛkɛ dɔɔnwo.
