“Wɔ Belemgbunlililɛ Ɛrɛla”—Asɔneyɛlɛ Mɔɔ Menli Dɔɔnwo Ze
Wɔyɛ asɔne ɛlɛ kɛ Nyamenle Belemgbunlililɛ ne ɛrɛla ɔ? Wɔ ɛvoya dɔɔnwo anu, menli dɔɔnwo ɛyɛ asɔne kɛ, “Wɔ Belemgbunlililɛ ɛrɛla.” Duzu ati ɔ? Ɔluakɛ Gyisɛse zele ye ɛdoavolɛma ne kɛ bɛzɛlɛ bɛmaa Nyamenle Belemgbunlililɛ ne ɛrɛla.
Mɔlebɛbo ne, ɛnee Gyisɛse ɛdoavolɛma ne ɛnde debie biala mɔɔ fale Belemgbunlililɛ ne anwo la abo. Mekɛ bie bɛbizale ye kɛ: “Awulae, mekɛ ɛhye anu a ɛbava belemgbunlililɛ ne wɔamaa Yizilayɛ bieko ɔ?” Ɔzinle bɛ nwo kɛ Gyisɛse ammaa bɛ mualɛ fɔɔnwo biala la. (Gyima ne 1:6, 7) Asoo ɛhye kile kɛ yɛnrɛhola yɛnrɛde mɔɔ Nyamenle Belemgbunlililɛ ne kile nee mekɛ mɔɔ ɔbara la abo ɔ? Kyɛkyɛ!
Magazine ɛhye babua kpuya ɛhye mɔ:
Kɛmɔti a yɛhyia Nyamenle Belemgbunlililɛ ne ɛ?
Nwane a di Belemgbunlililɛ ne azo a?
Belemgbunlililɛ ne bara azɛlɛ ye azo kenlenzu?
Nyamenle Belemgbunlililɛ ne bayɛ duzu?
Duzu ati a ɔwɔ kɛ ɛkpa kɛ ɛbagyinla Belemgbunlililɛ ne anzi ɛ?
Nyamenle Belemgbunlililɛ ne a le duzu?
Bie A Eza Ɛ Nye Balie
ƐZINZALƐ ARANE
Kɛmɔti A Yɛsɛl Kɛ Nyamenle Belemgbunlililɛ Ɛrɛla Ɛ?
Duzu a Nyamenle Belemgbunlililɛ ne bayɛ mɔɔ sonla arane ɛnrɛhola ɛnrɛyɛ a?
BAEBOLO KPUYA MƆƆ BƐBUA
Asoo Awulae Nzɛlɛlɛ Ne Ala A Le Adenle Kpalɛ Mɔɔ Bɛdua Zo Bɛyɛ Asɔne A?
Asoo Yɛ Ze Mɔɔ Wɔ Anwuma ala a le asɔneyɛlɛ mɔɔ Nyamenle die to nu a?
