Asɔneyɛlɛ
Kɛzi yɛkola yɛnwu ye kɛ Gyihova tie yɛ asɔneyɛlɛ na ɔbua ɛ?
Eza nea Ed 66:19; Gyi 10:31; Hi 5:7
-
Baebolo kɛlɛtokɛ mɔɔ boa:
-
1Ar 18:36-38—Gyihova diele asɔne mɔɔ ngapezonli Yilaegya yɛle ye wɔ Kamɛle Boka ne azo wɔ mekɛ mɔɔ ɔyiale Beeyale ngapezoma ne la ndɛndɛ
-
Mt 7:7-11—Gyisɛse maanle yɛ anwosesebɛ kɛ yɛyɛ asɔne dahuu na ɔmaanle yɛnyianle anwodozo kɛ Gyihova badie yɛ
-
Nwane angome a ɔwɔ kɛ Kilisienema sɛlɛ ye a?
Nwane duma nu a yɛyɛ asɔne a?
Nwane mɔ a Gyihova tie bɛ asɔneyɛlɛ a?
Nwane mɔ a Gyihova ɛndie bɛ asɔneyɛlɛ a?
Mrɛ 15:29; 28:9; Ay 1:15; Mae 3:4; Gye 4:3; 1Pi 3:7
-
Baebolo kɛlɛtokɛ mɔɔ boa:
-
Dwɔh 24:9, 10—Gyihova andie Beelam ɔluakɛ mɔɔ ɔbizale la nee Nyamenle ɛhulolɛdeɛ ɛnle ko
-
Ay 1:15-17—Kɛmɔ Gyihova menli ne yɛle nabalaba na bɛlile mogya nwo fɔlɛ la ati, yeandie bɛ asɔneyɛlɛ
-
Duzu a yɛka yɛdwula yɛ asɔneyɛlɛ a, na duzu ati ɔ?
Asoo Baebolo ka kɛ ɔwɔ kɛ dahuu yɛgyinla, yɛkoto anzɛɛ yɛtɛnla aze wɔ mekɛ mɔɔ yɛlɛyɛ asɔne la ɔ?
Saa Gyihova azonvolɛ yia nu kɛ bɛsonle a, ninyɛne boni mɔ a bɛbahola bɛayɛ nwolɛ asɔne a?
-
Baebolo kɛlɛtokɛ mɔɔ boa:
-
1Ek 29:10-19—Belemgbunli Devidi lile Yizilayɛma anyunlu yɛle asɔne wɔ mekɛ mɔɔ bɛvile bɛ ɛhulolɛ nu bɛyele ndoboa kɛ bɛva bɛzi ɛzonlenlɛsua ne la
-
Gyi 1:12-14—Ɛzoanvolɛma ne, Gyisɛse amediema mrenyia ne mɔ, Gyisɛse ɛ mame Mɛle yɛɛ mraalɛ nɔhavoma bie mɔ yiale nu yɛle asɔne wɔ ɛbolɔnsam bie azo wɔ Gyɛlusalɛm
-
Duzu ati a ɔnle kɛ awie mɔɔ ɛlɛyɛ asɔne la memaa ɔ nwo zo anzɛɛ bɔ mɔdenle kɛ ɔmaa menli anwu kɛ ɔze asɔne yɛ ɛ?
Asoo ɔle kpalɛ kɛ yɛbayɛ asɔne kolaa na yɛali aleɛ ɔ?
Duzu ati a ɔwɔ kɛ yɛkɔ zo yɛsɛlɛ Gyihova a?
Wlo 12:12; Ɛf 6:18; 1Tɛ 5:17; 1Pi 4:7
-
Baebolo kɛlɛtokɛ mɔɔ boa:
-
Da 6:6-10—Ngapezonli Daneɛle hɔle zo zɛlɛle Gyihova wɔ ɛleka mɔɔ bɛnwu ye la ɔnva nwo kɛ ɔyɛ zɔ a bɛbahu ye la
-
Lu 18:1-8—Gyisɛse vale ndɛnebuavolɛ bie mɔɔ ɛnzulo Nyamenle mɔɔ ɔlile raalɛ bie edwɛkɛ ɔmaanle ye la yɛle ndonwo vale hilele kɛ yɛ anwuma Selɛ ne mɔɔ le tenlene la badie ye azonvolɛ mɔɔ kɔ zo sɛlɛ ye la
-
Saa yɛkulo kɛ Nyamenle tie asɔne mɔɔ yɛyɛ yɛsɛlɛ ɛtanefakyɛ la a, subane boni a ɔwɔ kɛ yɛda ye ali a?
-
Baebolo kɛlɛtokɛ mɔɔ boa:
-
2Ar 22:11-13, 18-20—Kɛmɔ Belemgbunli Dwosaya bɛlɛle ɔ nwo aze na ɔyɛle mɔɔ sɔ Gyihova anye la ati, ɔzele ye anwunvɔne na ɔlale atiakunlukɛnlɛma ali ɔhilele ye
-
2Ek 33:10-13—Belemgbunli Manasɛ vile mɛlɛbɛnwoaze nu yɛle asɔne na Gyihova vale ye ɛtane hyɛle ye na ɔmaanle ɔziale ɔlile belemgbunli bieko
-
Duzu a Gyihova kulo kɛ yɛyɛ amaa yeava yɛ ɛtane yɛahyɛ yɛ a?
Duzu ati a ɔwɔ kɛ yɛka ye wɔ asɔneyɛlɛ nu kɛ Gyihova ɛhulolɛdeɛ ɛyɛ ɛkɛ a?
Duzu ati a ɔwɔ kɛ yɛ asɔneyɛlɛ maa ɔda ali kɛ yɛlɛ diedi wɔ yɛ anwuma Selɛ ne anu a?
Ninyɛne mɔɔ yɛbahola yɛayɛ nwolɛ asɔne la bie mɔ a le boni?
Nyamenle duma ne mɔɔ nwolɛ bade
Nyamenle Belemgbunlililɛ ne mɔɔ bali azɛlɛ ye azo tumi la
Gyihova ɛhulolɛdeɛ mɔɔ ɔbayɛ ɛkɛ
Nwonane afoa nu ninyɛne mɔɔ yɛhyia nwo
Yɛ ɛtanefakyɛ
Ɔbɔ yɛ nwo bane ɔvi sɔnea nwo
Moyɛlɛ
Nrɛlɛbɛ mɔɔ yɛbava yɛanwu Nyamenle ɛhulolɛdeɛ, yɛade ɔ bo na yɛayɛ la
Eza nea Ed 119:34
-
Baebolo kɛlɛtokɛ mɔɔ boa:
-
1Ar 3:11, 12—Gyihova anye liele kɛ Belemgbunli Sɔlɔmɔn bizale nrɛlɛbɛ la na ɔmaanle ye nrɛlɛbɛ kpole
-
Yɛsɛlɛ sunsum nwuanzanwuanza ne moalɛ
Yɛsɛlɛ yɛmaa yɛ mediema diedima, mɔɔ bɛdabɛ mɔɔ bɛlɛyɛ bɛ kpɔdekpɔde boka nwo la
Ayɛlɛyelɛ
-
Baebolo kɛlɛtokɛ mɔɔ boa:
-
Lu 10:21—Gyisɛse yele ɔ Ze ayɛlɛ wɔ bagua nu kɛ yemaa menli mɔɔ bɛbɛlɛ bɛ nwo aze kɛ ngakula la ɛnwu nɔhalɛ ne la
-
Ye 4:9-11—Anwumabɔvolɛma fa enililɛ nee anyunlunyia mɔɔ fɛta Gyihova la maa ye
-
Yɛyɛ asɔne kɛ menli mɔɔ lɛ tumi la ɛmaa yɛnyia anzodwolɛ yɛzonle Gyihova na yɛha edwɛkɛ ne
Eza nea Gyɛ 29:7
Asoo ɔle kpalɛ kɛ yɛbayɛ asɔne wɔ mekɛ mɔɔ bɛlɛsɔne yɛ la ɔ?
Asoo ɔle kpalɛ kɛ yɛbayɛ asɔne yɛamaa menli mɔɔ ɛnde kpɔkɛ wɔ sunsum nu la ɔ?
Duzu ati a mrenyia yɛ asɔne a bɛngeda bɛ ti zo, noko ɔdwu mekɛ ne bie a mraalɛ keda bɛ ti zo kolaa na bayɛ asɔne ɛ?
Saa yɛlɛyɛ asɔne a duzu a hyia Gyihova kpalɛ a, yɛ asɔneyɛlɛ ne tendenle anzɛɛ nganeɛdelɛ mɔɔ yɛbava yɛayɛ la ɔ?
-
Baebolo kɛlɛtokɛ mɔɔ boa:
-
1Ar 18:25-29, 36-39—Ɔlua edwɛkɛ mɔɔ ngapezonli Yilaegya hanle la ati, Beeyale ngapezoma ne mɔ zunle vɛlɛle bɛ nyamenle ne hyɛle kpalɛ—noko yeambua bɛ
-
Gyi 19:32-41—Menli mɔɔ sonle awozonle wɔ Ɛfɛsɛse la deɛdeanle nu dɔnehwele nwiɔ vɛlɛle nyamenle raalɛ Aatɛmese noko bɛanyia moalɛ biala, emomu suakpole ne azo kpanyinli bie deanle bɛ
-
Bie A Eza Ɛ Nye Balie
ƐZINZALƐ ARANE
Asɔneyɛlɛ
Saa yɛyɛ asɔne dahuu a, duzu a yɛ nye la kɛ yɛbanyia a?
BAEBOLO KPUYA MƆƆ BƐBUA
Asoo Nyamenle Bava Ahyɛ Me?
Suzu mɔɔ Baebolo ne ka ye wɔ kɛzi yɛbahola yɛanyia Nyamenle ɛkɛ ne ɛtanefakyɛ la anwo.
BAEBOLO KPUYA MƆƆ BƐBUA
Duzu Ati A Ɛyɛ Nzɛlɛlɛ A? Asoo Nyamenle Babua Me Nzɛlɛlɛ?
Saa Nyamenle babua wɔ nzɛlɛlɛ a, ɔbagyinla ɛ nwo zo.
ƐZINZALƐ ARANE
Duzu Ati A Ɔwɔ Kɛ Yɛdua Gyisɛse Duma Nu Yɛyɛ Asɔne A?
Wɔ nɔsolɛ mɔɔ li amozi wɔ azɛlɛ ye azo la anu, Gyisɛse bukɛle adenle fofolɛ mɔɔ yakola yɛdua zo yɛbikye Nyamenle la ɔmanle yɛ.
YƐ NWO EDWƐKƐ
Maa Yɛrakpɔla Wɔ
Ɛ nee yɛ ɛzuzu Baebolo nu edwɛkɛ bie anwo anzɛɛ sukoa Gyihova Alasevolɛ anwo edwɛkɛ dɔɔnwo.
