“Yaa isa kadhannaa namaa dhageessuu, namoonni gosa hundumaa gara kee ni dhufu.”

Faarfannaa 65:2

“Garaa kee guutuudhaan Yihowaatti amanami, hubannaa ofii keetiittis hin hirkatin. Daandii kee hundumaa irratti tilmaama keessa isa galchi, innis daandii kee wal siif qixxeessa.”

Fakkeenya 3:​5, 6

“Jireenya bara baraa argachuu akka dandaʼaniif, si Waaqa dhugaa isa tokkichaa fi Yesuus Kiristoos isa ati ergite sana beekuu qabu.”

Yohaannis 17:3

“[Waaqayyo] tokkoon tokkoon keenya irraa fagoo miti.”

Hojii Ergamootaa 17:⁠27

“Jaalalli keessan beekumsa sirrii fi hubannaa guutuudhaan caalaatti guddachaa akka deemu kadhachuu koo ittan fufa.”

Filiphisiyus 1:9

 “Isin keessaa namni kam iyyuu ogummaan yoo isatti hirʼate, Waaqa kadhachuu isaa itti haa fufu; sababiin isaas, inni utuu hin ceephaʼin nama hundumaatiif arjummaadhaan ni kenna, isaafis ni kennama.”

Yaaqoob 1:5

“Waaqayyotti dhihaadhaa, innis isinitti ni dhihaata. Isin cubbamoonni, harka keessan qulqulleessaa; isin warri yaada dhaabbataa hin qabne, garaa keessan qulqulleessaa.”

Yaaqoob 4:8

“Waaqayyoon jaallachuu jechuun ajajawwan isaa eeguu dha; ajajawwan isaa immoo baʼaa ulfaatoo miti.”

1 Yohaannis 5:3