Faarfannaa 77:1-20
Geggeessaa muuziqaatiif; Yedutuuniin.* Faarfannaa Asaaf.+ Faarfannaa.
77 Sagalee koo ol kaasee gara Waaqayyootti nan iyyadha;Gara Waaqayyootti nan iyyadha, innis na dhagaʼa.+
2 Guyyaa dhiphina kootti Yihowaa nan barbaaddadha.+
Halkanis harki koo boqonnaa malee* gara isaatti diriirfameera.
Ani jajjabaachuu hin dandaʼu.
3 Yommuun Waaqayyoon yaadadhu, nan aada;+Rakkadheera, humni koos laafeera.*+ (Seelaa)
4 Ati qola ija kootii banteetta;Ani jeeqameera, dubbachuus hin dandaʼu.
5 Yaanni koo gara bara duriitti,+Gara waggoota dur duriitti deebiʼeera.
6 Halkan faarfannaa koo* nan yaadadha;+Garaa koottis nan xiinxala;+Dhimmee qorannaa nan godha.*
7 Yihowaan bara baraaf nu gataa?+
Matumaa deebiʼee gaarummaa nutti hin argisiisuu?+
8 Jaalalli isaa inni amanamaan bara baraaf addaan citeeraa?
Waadaan inni gale dhaloota hundumaa keessatti utuu hin raawwatamin ni hafaa?
9 Waaqayyo gaarummaa isaa argisiisuu irraanfateeraa?+
Aariin isaa hoo gara laafinni isaa akka badu godheeraa? (Seelaa)
10 Yeroo hundumaa, “Wanti na dhiphisu* kana dha:+
Inni Hundaa Olii ilaalcha nuuf qabu* jijjiireera” jechuun qabaa?
11 Hojiiwwan Yaah nan yaadadha;Gochawwan kee warra dinqisiisoo bara duriitti raawwatte nan yaadadha.
12 Gocha kee hundumaa irratti nan xiinxala,Wantoota ati raawwatte irrattis nan yaada.+
13 Yaa Waaqayyo, karaawwan kee qulqulluu dha.
Yaa Waaqayyo, waaqni akka kee guddaa taʼe isa kami?+
14 Ati Waaqa dhugaa wantoota dinqisiisoo raawwatu dha.+
Jabina kee namootatti mulʼisteetta.+
15 Humna* keetiin saba kee,Ilmaan Yaaqoobii fi ilmaan Yoseef oolchiteetta.*+ (Seelaa)
16 Yaa Waaqayyo, bishaanonni si argan;Bishaanonni si arganii jeeqaman.+
Bishaanonni gad fagoonis ni raafaman.
17 Duumessoonni bishaan roobsaniiru.
Samiiwwan duumessa uffatan kakawweessaʼaniiru,Xiyyawwan kees asii fi achi futtaafamaniiru.+
18 Sagaleen kakawwee+ kee akka geengoo gaarii fardaa ti;Balaqqeessi bakakkaa guutummaa lafaa* ibsa;+Lafti ni raafamte, ni kirkirtes.+
19 Karaan kee galaana keessa,+Daandiin kee bishaanota hedduu keessa dha;Taʼus faana si dhaʼuun hin dandaʼamu.
20 Ati kunuunsa* Musee fi Aaron jalatti,+Akkuma hoolotaatti saba kee geggeessiteetta.+
Miiljaleewwan
^ Ibsa Jechootaa ilaali.
^ Kal., “hadoodee.”
^ Kal., “hafuurri koo dadhabeera.”
^ Kal., “Hafuurri koo dhimmee qorannaa godha.”
^ Ykn., “muuziqaa meeshaa muuziqaa ribuu qabuun taphatamu.”
^ Kal., “harka isaa mirgaa.”
^ Ykn., “na waraanu.”
^ Kal., “Irree.”
^ Kal., “furteetta.”
^ Ykn., “lafa oomisha kennitu.”
^ Kal., “harka.”
