Псалом 77:1—20
Амонӕгӕн. Идифун*. Асафы+ псалом. Зарӕг.
77 Ӕз хъӕр кӕндзынӕн Хуыцаумӕ+,Хъӕр кӕндзынӕн Хуыцаумӕ, ӕмӕ мӕ уый фехъусдзӕн+.
2 Зын сахат ӕз агурын Йегъовӕйы+.Ӕхсӕв мӕ къухтӕ дӕумӕ ивазын, ӕмӕ мын ӕндзыг дӕр нӕ кӕнынц.Мӕ уд сабыр кӕнын нӕ комы+.
3 Хуыцауы куы ’рхъуыды кӕнон, уӕд катайы бацӕудзынӕн+.Ӕз сагъӕс кӕндзынӕн, ӕмӕ мӕ уд ӕрлӕмӕгъ уыдзӕн+. (Села́)
4 Мӕ цӕстытӕ ӕрцъынд кӕнын мӕ нӕ уадзыс+,Стыхстӕн ӕмӕ мӕ бон дзурын нӕу+.
5 Ӕз хъуыды кӕнын рагон бонтыл+,Раджы чи аивгъуыдта, уыцы азтыл.
6 Ӕхсӕвы-иу ӕрхъуыды кӕндзынӕн мӕ хъисфӕндыры цагъд+.Мӕ зӕрдӕ сагъӕс кӕндзӕн+Ӕмӕ мӕ уд ӕппӕт дӕр лӕмбынӕг иртасдзӕн.
7 Ау, Йегъовӕ нӕ ӕнустӕм ныууагъта+,Ӕмӕ йын йӕ хорзӕх нал ссардзыстӕм?+
8 Ау, йе ’нувыд уарзт ӕнустӕм ахуыссыд?+Йӕ ныхас мыггагмӕ баззад ӕнӕсӕххӕстӕй?+
9 Ау, Хуыцауӕй йӕ хорзӕх рох фӕци?+Кӕнӕ мӕстыйӕ фӕлмӕнзӕрдӕдзинад нал ӕвдисы?+ (Села́)
10 Ӕмӕ ныр хъуамӕ афтӕ дзурон: «Уый мын мары мӕ зӕрдӕ+,Иунӕг Стыр Хуыцау нӕм йӕ рахиз къух, йе ’ххуысы къух, кӕй нал дары»?+
11 Ӕрхъуыды-иу кӕндзынӕн Йагъы хъуыддӕгтӕ+.Ӕрхъуыды-иу кӕндзынӕн, раджы заманты цы диссӕгтӕ сарӕзтай, уыдон+.
12 Ӕз хъуыды кӕндзынӕн де ’ппӕт хъуыддӕгтыл+,Мӕ хъуыдытӕ уыдзысты, цы аразыс, ууыл+.
13 О Хуыцау, дӕ фӕндаг ис сыгъдӕг бынаты+.Чи у нӕ Хуыцауы хуызӕн стыр Хуыцау?+
14 Ды дӕ ӕцӕг Хуыцау ӕмӕ аразыс диссӕгтӕ+.Адӕмты ’хсӕн равдыстай дӕ хъару+.
15 Дӕ цонджы хъаруйӕ фервӕзын кодтай дӕ адӕмы+,Иаковы ӕмӕ Иосифы фыртты. (Села́)
16 Дӕттӕ дӕ федтой, о Хуыцау,Дӕттӕ дӕ федтой, ӕмӕ тухӕн кӕнын райдыдтой+.Арф дӕттӕ базмӕлыдысты+.
17 Мигътӕй гыбар-гыбургӕнгӕ дон ныккалдта+.Мигътӕй ӕмбӕрзт арв ныннӕрыд.Дӕ фаттӕ алырдӕмты тахтысты+.
18 Дӕ арвнӕрд уыд бӕхуӕрдоны цӕлхыты гыбар-гыбуры хуызӕн+.Арвӕрттывдӕй бӕстӕ ныррухс+.Зӕхх базмӕлыд ӕмӕ нынкъуысыд+.
19 Дӕ фӕндаг цыд денджызыл+,Дӕ къахвӕндаг – бирӕ дӕттыл,Ӕмӕ дын дӕ къахы фӕдтӕ ничи федта.
20 Ды дӕ адӕмы кодтай фысты дзугау+Моисей ӕмӕ Аароны къухӕй+.
